Nyinu 14:28 - Yennu Gbouŋ Mɔɔr

²⁸ Ki nyun na jen ki piin taantorit na nan li ŋmakit-teeb na, nan Ijipt tɔbfaara nba bo waa beer Israel teeb ki sik mɔkgbeŋir ni na, nan bi yenɔkɔɔwa din ki tinni.

Nyinu 14:28 ပူးပေါင်းရင်းမြစ်များ

Pinpiik 50:9

Jab nba kɔɔ taanii torit, nan jab nba jak taanii paak, ki bi kur saan nanɔ, ki tee nichiɔŋ.

Pinpiik 7:18

Ki nyun na pukin bonchiann tingbouŋ na paak, ki ŋaruŋ na din puuk nyun na paak, ki lin purin.

2 Barkperii 20:24

Yoo nba ki Juda teeb na doo baar kunkonn nba be kunkoouk paak na, ki bi la bi datai na kur dɔɔ tiŋ ni ki kpowa. Ki nan yenɔkɔɔwa ki tenni.

Nehemaya 9:11

A din bir sɔnu mɔkgbeŋir na ni ki tur a niib, ki bi somm tinkooŋ paak ki poot, ki binba din waa beerib na dii nyun nan tann nba tuu baa mɔkgbeŋir ni ki kpii biaŋinba na.

Yaŋ 106:22

U tun bakitnauŋ toona bonchiann leŋ, ki bia tun yaarlituk toona bonchiann Mɔkmuŋ na boor.

Yaŋ 136:15

ŋaan te ki Ijipt kpanbar nan u jab dii nyun, u lomm kaa gbennu.

Yaŋ 78:53

U din ŋmakitirib nan laafia, ki bi ki mɔk jaŋmaanii, ŋaan ki u te ki mɔkgbeŋir mubin bi datai na paak,

Nyinu 14:13

Ki Moses jiin a, “I daa tiin jaŋmaanii. Setir i taajaa paak man, ki la linba ki Yennu saa tun ki tinni dinna. I ji kan ban la Ijipt teeb na.

Nyinu 15:10

Ŋaan fin Yennu foont a foon yommo, ki Ijipt teeb na kur dii nyun, ki kpii nan tann na nyunchiɔŋ na ni.

Nyinu 15:19

Israel teeb na din somm tinkooŋ paake, mɔkgbeŋir na ni, ki poot. Ŋaan ki Ijipt teeb na, nan bi taanii, nan bi taantorit, nan li ŋmakit-teeb na nba sik mɔkgbeŋir ni yoo nba, ki Yennu jiin nyun na, ki li piimm.

Habakuk 3:13

Ki a nyii, a fan tinn a niib, ki bia tinn a kpanbar ganntɔɔ na. Fine faa toonbiit damm tɔɔndaanɔ na ki birɔ tiŋ ni, ki bia boont u poorpoweiteeb na fas fas.

Sennu 11:4

Ki i la biaŋinba Yennu boon Ijipt kunkɔnkɔnna nan bi taanii nan torit, ki dinnib nyun, Mɔkmuŋ ni, yoo nba ki bi din beeri na.

Hiibru teeb 11:29

Israel teeb yada paake ki Mɔkmuŋ na din bɔkit ki teen tinkooŋ ki turib ki bi poot, ki Ijipt teeb na mun yabir a bin poot, ŋaan ki mɔkir maŋ nyun jiin mubin ki diib.

Barbuura 4:16

Ki Barak wei ber taantorit nan bi kunkɔnkɔnna ki saa tuu Harosef Hagoyim doo. Bi din kpii Sisera jab kur, ki bi jɔɔ nan yenɔwa ki biari.