Nyinu 14:25 - Yennu Gbouŋ Mɔɔr

²⁵ U din te bi taantorit na fiia fere, ki bi ji ki fit saa yian yiami. Ki Ijipt teeb na yet a, “Yennu-e sommit Israel teeb na ki kɔn nant. Ŋaant ki tin ŋmat man.”

Nyinu 14:25 ပူးပေါင်းရင်းမြစ်များ

2 Barkperii 20:29

Ki jaŋmaanii soor digbana nba kur gbat biaŋinba ki Yennu te ki Israel teeb nyann bi datai na.

Nehemaya 4:14

N din la nan niib na para biire; ki n yet ŋamm nan bi tɔɔndamm nan bi toontunna saakab a, “I daa tiin ti datai na jaŋmaanii. Tiat man Yennu nba tee Yenjaann, ki bia tuun bakitnauŋ toona biaŋinba, ki kɔn ki tur i doo teeb nan i waas nan i ŋaapoob nan i ŋei.”

Nehemaya 6:16

Ti datai nba din kɔɔ digbana nba kpiat na nba gbat linba na yoo nba, ki bi bann nan bi kɔŋ nyannuwa, kimaan sɔɔ kur bann nan ti tun toonn na nan Yennu sommire.

Nehemaya 9:11

A din bir sɔnu mɔkgbeŋir na ni ki tur a niib, ki bi somm tinkooŋ paak ki poot, ki binba din waa beerib na dii nyun nan tann nba tuu baa mɔkgbeŋir ni ki kpii biaŋinba na.

JOB labaar 11:20

Ŋaan tondamm na tan saa got lint ki kɔŋ bi dindann, ki bi saa la nan sɔnu kaa ki bi saa paak, ki dindanyemmir nba ki bi mɔk na tee kuume saa baarib.

JOB labaar 20:24

Yoo nba ki u koor a wun chiar nyi kutbin jukbanjiak ni na, kutmɔnt tɔrbanne saa yekɔ ki birɔ.

JOB labaar 27:22

ki li saa da gar bi paak, ki kan tinib ninbaauk, ki bi lek sii koor a bin chiar paak.

Yaŋ 35:1

Yennu, yêtir damm nba yêenin na, ki bia kɔn nan damm nba kɔn nanin na.

Yaŋ 46:9

U te tɔbii gbent tingbouŋ na kur po, ki kɔnii tɔrbana, ki jintir kpana, ki bia jokit naagbankɔŋa muu,

Yaŋ 68:12

“Kpanbara nan bi kunkɔnkɔnna chiar yaat.” Ki poob nba be ŋei ni na biit mɔkint nba ki bi chiar ŋaan nyik na,

Yaŋ 76:6

Fin Yennu nba ki Jakɔb din jiantir na, yoo nba ki a yakii namm na, ki bi taanii nan taanjakira baa ki kpo kpo.

Nyinu 14:14

Yennu saa kɔn turi, li ki tee yin tun siar kaa.”

Nyinu 14:18

Mi-i nyannib yoo nba, Ijipt teeb na saa bann nan mine tee Yennu.”

Nyinu 14:4

N saa teenɔ tubkangbatir ki u saa wei beri, ki maa saa nyann kpanbar na nan u lanjimanba na, li saa turin baakir. Ŋanne saa te Ijipt teeb na n bann nan mine tee Yennu.” Ki Israel teeb tun nan Yennu nba wannib biaŋinba na.

Nyinu 15:3

Yennu tee kunkɔnkɔnnɔe, u sanne tee Yabint Yennu.

Aisaya 31:4

Ki Yennu pakin a, “Pekpaarii-i lekii yikin ki hoot biaŋinba, ŋaan bi kan fit ber yanbɔr, bonkobuk nba ki u kpiiu na boori; nnae mun, ki siar kaa ki saa gɔɔr min Yabint daanɔ Yennu, ki n kan guur Sayɔnn kunkonni.

Jeremaya 51:21

ki biir taanii nan bi jakira, ki biir taantorit nan li ŋmakit-teeb,

Amos 1:14

Li paak, n saa te muue n baa Raba doo joona paak, ki di li ŋajaana na, ki wuyikinii sii be tɔb na daar, ki kɔnn maŋ sii paar nan wonpaaruk nae.

Amos 5:19

Li sii tee nan nirɔ nba tuu chiar nyi yanbɔr boor ki saa chet naamuuk nae, koo li tan sii tee nan nirɔ nba kun u ŋaak ni, ki paan nuu joonn paak, ki waauk jumɔ nae.

Amos 9:1

N la Yennu see kpia maruŋ binbintir na, ki yet a, “Faan jiantu ŋasaakak na jaantarii na yura paak nan paŋa, ki lin te ŋaak na kur n jek. A jintir ki lin baa niib na paak. Ki niib nba biar na, n saa kpib tɔbii ni, ki bi sɔɔ kan chiar paak, koo ki boti.

Sennu 1:30

Ti Yomdaanɔ Yennu saa liit i tɔɔnn, ki saa kɔn ki turi, nan waa tun biaŋinba Ijipt na,

Sennu 3:22

I daa tiimm jaŋmaanii, kimaan i Yomdaanɔ Yennu-e saa kɔn ki turi.’

Sennu 32:31

Bi datai na mi nan bi mɔŋ yennii na ki mɔk paŋi, ki ki tee yenjaana nan Israel teeb Yennu na.

Joosua 10:14

Li din ki ban tun nna durinya pinpiik niwa, ki bia ki ban tun nna li poor po, ki Yennu gbiint nisaarik mɔb nna. Yennu din kɔn ki taan Israel teeb poe.

Barbuura 4:15

Barak nan u kunkɔnkɔnna nba lek yoo nba, ki Yennu te ki ŋmatir baar Sisera nan u taantorit nan u kunkɔnkɔnna sinsuuk ni. Ki Sisera sik u taantoruk paak ki chiar taatiŋ ki yaat.