Nyinu 13:21 - Yennu Gbouŋ Mɔɔr

²¹ Yonnu ni, ki Yennu gar bi tɔɔnn, ki be sanpagbouŋ ni ki wantib sɔnu, ki nyiɔk mun ki u gar bi tɔɔnn ki tee nan mutootir na ki teemm yentu, a bii fit kii somm yonnu nan nyiɔk.

Nyinu 13:21 ပူးပေါင်းရင်းမြစ်များ

Nehemaya 9:12

A din tuu dia sanpagbouŋo ki wantib sɔnu yonnu ni, ki nyiɔk ki a dia muu ki yentir bi sɔnu.

Nehemaya 9:19

Ŋaan a din ki nyikib kunkoouk na paaki, kimaan a ninbatinu yab. A din ki jii sanpagbouŋ koo muu nba gar bi tɔɔnn ki wantib sɔnu yonnu nan nyiɔk na ki yaat nanni.

Yaŋ 105:39

Yennu din te sanpagbouŋo jɔɔn u niib na yur paak, ki teemm muu nyiɔk, ki wantib sɔnu.

Yaŋ 68:7

Yennu, yoo nba ki a din ŋmakit a niib ki somm gar namm kunkoouk paak na,

Yaŋ 77:20

Ki a ŋmakit a niib nan pekpaarik nba tuu ŋmakit u pei na, ki teemm Moses nan Aarɔnn nii ni.

Yaŋ 78:14

U din liin sanpagbouŋo, ki li ŋmakitirib yonnu ni, ki u bia ŋmakitirib nyiɔk nan muu yentu.

Yaŋ 99:7

U din be sanpagbouŋ niŋewa ŋaan piak namm; ki bi sak u wannu nan u sennii nba ki u turib na.

Nyinu 10:10

Ki kpanbar na yet a, “N por Yennu nan n kan sak ki yin jii i poob nan i waasi. Li want nan i lorin yin kɔn nante.

Nyinu 16:10

Aarɔnn nba pak niib na kur yoo nba, ki bi ŋmant bi numm kunkoouk na po, ki li taakpaak ni ki Yennu maŋ yentchiɔŋ dɔkit sanpagbouŋ ni.

Nyinu 32:1

Israel teeb nba din la nan Moses doo Sainai jɔjaann na paak ki wei nan jenu na, ki bi taan leeb ki baar Aarɔnn boor ki yetɔ a, “Ti ki mi linba teen Moses-i, wunba nyii nant Ijipt na, li paak, a maa yenbik ki turit, ki wuu ŋmakitirit.”

Yankpaŋii 3:6

Wunba nyii kunkoouk po ki tee nan munyutootir, ki puk tulaarii nan bonnunubit nba tee mir, ki tee tulaarii nba kur ki kpinkpenta kɔi na tee ŋmee?

Nikant 10:34

Baa din tuu fiir ki chaat kaaŋ na, ŋaan Yennu sanpagbouŋ na din tuu dɔɔk bi paake, yonnu ni.

Nikant 14:14

bi saa wann niib nba kɔɔ tiŋ na ni nae. Niib na poŋ gbat nan fin Yennu be nant, nan a dɔkitir ti paak, ki ti laat a numpo, ki a sanpagbouŋ dɔɔk ti paak, ki a be ti tɔɔnn sanpagbouŋ ni ki somm nant yonnu ni, ki be muu ni nyiɔk ki somm nant.

Sennu 1:33

nan waa lek gar i tɔɔnn po ki wanti yaa sii dɔɔ sian, ki teeni muu nyiɔk, ki bia te ki sanpagbant wanti yaa saa tɔkin sian yonnu ni nawa.

Sennu 31:8

Yennu tiɔŋo saa liit a tɔɔnn, ki sii be nana, u kan ŋaa-a, u bia kan nyikaani. Li paak, a daa tiin jaŋmaanii, cheen a par.”