Nikant 24:17 - Yennu Gbouŋ Mɔɔr

¹⁷ N gorii yoo nba baat, ki laat Israel teeb kpanbar nba tee nan ŋmaajar na, ki nyi niib na ni. Dammir saa nyi Israel teeb ni; ki u saa yakit Moab saakab yura, ki faa bir Sef niib kur.

Nikant 24:17 ပူးပေါင်းရင်းမြစ်များ

Pinpiik 49:10

Juda-e saa dia doo dammir, ki u maaru sii yɔɔ dia tingbouŋ. Ki digbana sii jiantirɔ, ki gbaa u tɔɔnn nan mɔsaku.

2 Samuel 8:14

U din chaan kunkɔnkɔnna kaaŋ Edom yent kur po, ki leŋ niib na teen u jiamm. Yennu din te ki Defid nyante lokir kur po.

2 Samuel 8:2

Defid bia din kɔn nyann Moab teeb. U din te ki bi dɔɔr tiŋ nie, ki u tuu kan niib bantaa ki kpi banlee, ŋaan nyik yenɔ. Li paak ki Moab teeb din teen u jiamm, ki pa lampo teenɔ.

2 Kpanbara 3:5

Ŋaan Israel kpanbar Ahab nba kpo yoo nba, Mesa ji din mɔk mɔyêtuko nan Israel teeb.

1 Barkperii 18:2

U bia din kɔn nyann Moab teeb, ki bi teen u jiamm, ki pa lampo ki teenɔ.

Yaŋ 110:2

Yennu sii be Sayɔnn nie ki tant a naangbouŋ. U yeen a, “Ii dia a datai.”

Yaŋ 45:6

Naangbouŋ nba ki Yennu tura na saa wei mɔkmɔk nan mɔkmɔk. Ki a saa dia a niib nan barmɔnii.

Aisaya 15:1

Mɔmaan na jiin Moab teeb poe. Bi biir Ar nan Kir doi nyɔyemmire, ki Moab tiŋ kur ŋmin sirrr.

Aisaya 9:7

U naan yiikoo sii kpaatire yoo kur; u naan sii yɔɔ be parmaasir nie, ki u saa gaar kpanbar Defid naan yent ki dia, ki u yiikoo sii gaa linba took nan barmɔnii paak, laa nyi mɔtana nan yoo nba waa mɔkmɔk nan mɔkmɔk. Yabint Yennu-e lor wun tun linba na.

Jeremaya 48:1

Linba ki Yabint Yennu pak ki jiin Moab tiŋ poe na a: “Ii mɔk ninbatinu nan Nebo teeb man. Bi doo biira. Bi nyann Kiriataim-a, ki yeer li joonwakita na, ki li niib dii fei.

Jeremaya 48:45

Kunsɔntinna nba tee tarii na yiabe a bin la gungurboor, Hesbonn doo nba ki kpanbar Sihonn din dia na ni, ŋaan li mun di muue. Muu dii kpanbar Sihonn ŋaak nan u tiŋ nan li mɔyêtuk damm na kurawa.

Sekaria 10:4

Bi niŋe ki doo diara, nan tɔɔndamm, nan kunkɔnkɔnna saakab saa nyi, ki dia n niib.

Sekaria 12:10

“N tan saa tur Defid yaaboona nan nileeb nba be Jerusalem na ninbatinu seek, nan miaru seek. Bi saa got wunba ki bi ŋmuu-u kpann na, ki bui fabin u paak, nan binba tuu fabin bi biyemmir kuun paak biaŋinba na. Bi saa bui ki fabin nan parbiir, nan binba ki bi sinsinn bonjak tuu kpo na.

Nikant 21:29

Li sii paar ki tur yimm Moab teeb. Yimm nba jiantir yenbik nba tee Kemos na, i kpakin yanne na. U te ki i jab chiar, ki i poob teen yommii ki tur Amor teeb kpanbar Sihonn.

Nikant 24:16

daanɔ nba gbia Yennu mɔmaan na masɔkinkare na, ki tee daanɔ nba ki u bannu nyi Yabint Yennu boor, ki tee daanɔ nba laat Yabint Yennu yirintu, ki tee daanɔ nba tuu baa ki faab tiŋ ni, ŋaan ki u ninbina nyɔɔn.

Barŋanii nba ki LUK din sɔb nae na 1:78

Barmɔniie, Yennu mɔk ninbatinu nan burchint, ki ti tinnu daar maŋ tan sii tee nan yondoor nae,

Hiibru teeb 1:8

Ŋaan u yet u Bija na ŋarin a: “Yennu, a naan na sii be mɔkmɔk nan mɔkmɔk. Ki ŋante sii tee a naan dammir.

Hiibru teeb 7:14

Sɔɔ kur poŋ mi nan ŋɔɔ Yiisa nyii Juda booru nie, booru nba ki Moses din ki mi pak siar bi po ki jiin mannteeb po.

2 Piita 1:19

Ŋanne mantik kat wannit nan Yennu sɔkiniinba nba din pak Yiisa labaar nba na tee barmɔniie. Li ŋan ki yin gbiint baa din yet linba na fanu. Bi mɔbona maŋ tee nan fitir nba teen yentu bunbɔnn ni biaŋinba nae, mɔkmɔk nan yoo nba ki Yiisa tan saa jen; ŋanne saa te ki i numm n yent fanu.

Juud 1:11

Bonbiir be bi paak; kimaan bi wei Keenn sɔnbiiuk nawa; bi bia tee kpinkpannii damme likirii paak, nan Balam nba din tee biaŋinba na; ki bia tuun nan Kora nba din tun ki ki sak Yennu mɔb ki tan kpo na; bi mun tan saa kpo nnae.

Fiitu 1:7

Gotir man, u sii be sanpagbant ni ki baar. Sɔɔ kur ninbina tan saa lau, nan binba din ŋmu-u na gbaa. Yoo nba ki u sii baat na, tingbouŋ na niib kur saa bui u paak. Mamɔmm, li saa teen nnawa.

Fiitu 11:15

Li yoo ki malaka nba pukin banlore na pebir u naatunn, ki kunkɔsaakara yeen Yendɔuŋ ni a “Tingbouŋ na naan kur kpant ti Yomdaanɔ Yennu nan u Niganntɔɔ Masia yara, ki u saa diab mɔkmɔk nan mɔkmɔk.”

Fiitu 22:16

“Min Yiisa-e tun n malaka, a wun tan fiit maan na ki tur n weira. Mine tee Defid yaaboonn, ki bia tee sanyafaar ŋmaajar nba nyɔkit na.”

1 Samuel 14:38

Ki Sɔɔl ŋamm yet kunkɔnkɔnna saakab na a, “Baat man ki tin fiit ki laan yanbɔmm nba ki ti tun dinna.