Nikant 23:24 - Yennu Gbouŋ Mɔɔr

²⁴ Israel teeb tee nan yanbɔr nba mɔk paŋ, ki ki foi see ki u tan pat pat, ki dii, ki bia nyuu linba kur ki u kpii na sɔn nae.”

Nikant 23:24 ပူးပေါင်းရင်းမြစ်များ

Pinpiik 49:27

“Benjaminn sii tee nan naamusootuk nae. Sanyiɔk nan daajoouk, ki u kpi ki bia pat.”

Pinpiik 49:9

Juda tee nan yanbɔr nba tuu soor u jeet, ŋaan ŋmat u liar ni ki tantir u mɔŋ, ki dɔɔ tiŋ ni nae. Ki sɔɔ ki mɔk par nan wun daamiiɔ.

2 Barkperii 9:18

Naan kok na din mɔk taaŋmaata ŋanloobe, ki bi jii salima ki ŋamm kok bik nba ki taa sii tɔɔ li paak. Niikpakita din taab naan kok na niidiitu nan niigaŋ kur po, ki yanbɔra ninnant be lokir kur po.

Yaŋ 17:12

Bi tee nan yanbɔra nae ki guun; ki loon bin chat-chatin.

Barjokit 30:30

Yanbɔra; bi mɔk paŋ ki gar bonkobit kur, ki ki tiin sɔɔ.

Aisaya 31:4

Ki Yennu pakin a, “Pekpaarii-i lekii yikin ki hoot biaŋinba, ŋaan bi kan fit ber yanbɔr, bonkobuk nba ki u kpiiu na boori; nnae mun, ki siar kaa ki saa gɔɔr min Yabint daanɔ Yennu, ki n kan guur Sayɔnn kunkonni.

Daniel 2:44

Naangbouŋ maŋ diara yoo, Yennu nba be Yendɔuŋ ni saa kaan naangbouŋ siar, ki li sii be nan yoo nba kaa paak. Sɔɔ kan ban nyannir, ŋaan li saa boont naangbounlia na kurawa, ki li sii be mɔkmɔk nan mɔkmɔk.

Amos 3:8

Yanbɔr-i bee, ŋmee ki jaŋmaanii kan soorɔ? Li-i tee ki Yabint Yennu paki, ŋmee saa yêt ki kan sɔkin u maami-i?

Nahum 2:11

Doo nba din tee nan fɔru nba gbee nan yanbɔra na, ki tee siaminba ki bi goon yanbɔrbis na, ki bia tee siaminba ki yanbɔrjai nan yanbɔrnaanii sii lin, ki bi bonbis be bi yamani na ji be lia?

Nahum 2:12

Ki yanbɔr na soor bonkobuk, ki patɔ burii burii, ki tur bonnaaŋ nan u bonbis, ki gbeen u fɔru na nan nanchiat.

Sekaria 12:6

“Li yoo, n saa te ki Juda naakuut-ii tee nan fɔɔr nba tuu gaar muu, koo nan kpaab nba tuu gaar muu ki di jeet biaŋinba nae. Bi saa boont booru nba kpiab na kure, ŋaan ki Jerusalem niib n biar ki be doo na ni, ki siara daamii kaa.

Nikant 23:25

Ki kpanbar Balak yet Balam a, “A yêt nan fin sat mɔtont ki teen Israel teeb paaka, ŋaan a mun daa sat piisin ki teenib.”

Nikant 24:17

N gorii yoo nba baat, ki laat Israel teeb kpanbar nba tee nan ŋmaajar na, ki nyi niib na ni. Dammir saa nyi Israel teeb ni; ki u saa yakit Moab saakab yura, ki faa bir Sef niib kur.

Sennu 33:20

Ki u yet jiin Gaad booru po a, “Pakin Yennu, wunba te ki bi yent yarik. Gaad booru dɔɔ ki guue nan yanbɔr nba tuu guu ki teen siir nan wun tabit boouk koo yur na.

Fiitu 5:5

Ŋanne ki saakab na yenɔ yetin a n daa bui, a n got wunba nyii Juda maaru ni, ki u sann tee Juda Yanbɔr na, wunba tee Defid Yaaboonjaann ki nyann bonsiar kur na, ŋɔɔe saa fit tabit yiit ŋanlore na ki pɔbit gbanpɔɔbir maŋ.