Nikant 14:22 - Yennu Gbouŋ Mɔɔr

²² nan niib na, bi sɔɔ kii be u manfoor ni, ki tan kɔɔ tiŋ maŋ ni. Bi tee damm nba la n yentsaakar nan bakitnauŋ toona nba ki n tun Ijipt nan kunkoouk paak nawa, ŋaan yêt ki ki sak n mɔb, ki bikinin taar piik.

Nikant 14:22 ပူးပေါင်းရင်းမြစ်များ

Pinpiik 31:41

Li din tee nnae bina piinlee nba ki n din be a ŋaak ni na kur. N din jii bina piik nan ŋannae ki tun, a bonpoi banlee na paak, ki bia tun bina ŋanloob, a bonkobit paak. Li kura na ŋaan a bia tan lebit n paauko taar piik.

Pinpiik 31:7

Ŋaan u bia ŋmabime, ki lebit n paauk taar piik, ŋaan Yennu ki te ki u turin daŋi.

JOB labaar 19:3

I sukiin yoo nan yoo, ki ki tiin fei nan yaa sukiin biaŋinba na.

Yaŋ 106:14

Bi din gbee nan nianbiiuko kunkoouk na paak ki bikin ŋɔɔ Yennu.

Yaŋ 106:26

Ŋanne ki u turib ninmɔnn kpayakit nan u saa te ki bi kur n kpo kunkoouk na paak,

Yaŋ 78:41

Bi din bikii Yennu-e yoo kur, ki dont Israel teeb Kasii Daanɔ maŋ wutoor.

Nyinu 14:11

ki ŋmat nyiir Moses a, “Li tee fan baar nant muuk na nie ki tin tan kpo-o? Kaat daan kaa Ijipt-ee? Bee ki a nyinnit Ijipt tiŋ ni?

Nyinu 15:24

Ki niib na din nyiir Moses ki boiɔ a, “Ti saa nyu bee?”

Nyinu 16:2

Leŋe ki bi kur nyiir Moses nan Aarɔnn,

Nyinu 17:2

Ki bi nyiir Moses ki yeen a, “Turit nyun ki tin nyu.” Ki Moses jiin a, “Bee ki i nyiirimi? Bee ki i bikii Yennu?”

Nyinu 17:3

Ŋaan nyunnyukuru din soorib bonchiann, ki bi ŋamii nyiir Moses. Bi din yeen a, “Bee ki a daan nyinnit Ijipt-i? A loon ki nyunnyukuru n tan kpi timm nan ti waas nan ti bonkobite-e?”

Nyinu 17:7

ki din pur leŋ sann Masa, nan Meriba, kimaan Israel teeb na din nyiir Yennu ki bikinɔ, yoo nba ki bi boi a, “Yennu be nant koo u kaa nanti-i?”

Nyinu 32:1

Israel teeb nba din la nan Moses doo Sainai jɔjaann na paak ki wei nan jenu na, ki bi taan leeb ki baar Aarɔnn boor ki yetɔ a, “Ti ki mi linba teen Moses-i, wunba nyii nant Ijipt na, li paak, a maa yenbik ki turit, ki wuu ŋmakitirit.”

Nyinu 5:21

ki yetib a, “Yennu la yaa tun linbawa, ki saa dat i tuba nan yaa te ki kpanbar nan u ŋaasaakab nant na. I turib sɔnu nba ki bi saa kpite na.”

Aisaya 42:20

Israel teeb, i la bona bonchiann, ŋaan i ki jiir ki tun toonni. I mɔk tuba ki gbia, ŋaan i kpan gbat bee?”

Daniel 1:20

Buboit nba kur kpanbar na boi, koo daamiit nba kur ki u baar nann, jab banna na tuu bann li paak taarfuunu piik, ki gar jabaabuura koo ninnyɔɔn damm nba kur be u yent ni.

Malakai 3:15

Ti laat nan karinbaandamme tee binba mɔk parpeenn. Ki toonbiit damme laat nyɔɔt, ki bia dia bi toonbiit maŋ ki bikii Yennu, ŋaan ki siar ki biiribi.’ ”

Nikant 11:1

Ki niib na piin piak ki want bi fara nba tee, ki teen Yennu. Yennu nba gbat bi pinpakit maŋ, ki u donn wutoor bi paak, ki te muu gaar bi kaaŋ na kpiŋ.

Nikant 11:4

Boorganu din pukin Israel teeb po, ki niaru din tan mɔkib ki bi loon nant, ki Israel teeb na gbaa din fabin nant po ki yaa a “Li-i bonni tee ki ti saa la nant, ti bo saa ŋmama.

Nikant 12:1

Moses din kɔɔn poo, ki u tee Kus booru ni bonpook, ki Miriam nan Aarɔnn pak ki sarikɔ ki jiin poo maŋ po.

Nikant 14:11

Ki Yennu yet Moses a, “Taar munŋaae ki niib na saa yêtimi? Taar munŋaae ki bi saa yêt ki kan teenin yada, nan maa lek tun bakitnauŋ toona bi sinsuuk niwa na?

Nikant 14:2

ki nyiir Moses nan Aarɔnn ki yet a, “Li din bo sii ŋan ki tin kpo Ijipt, koo tin kpo kunkoouk na paak.

Nikant 32:12

Yennu din yaa bi sɔɔ kan lar see Kaleb, wunba tee Jefune bija, nan Joosua, ki u mun tee Nunn bija, kimaan ŋamme waa Yennu nan bi para kur.

Matiu 4:7

Ki Yiisa yetɔ a, “Li bia sɔb Yennu gbouŋ ni a ‘Sɔɔ daa bikii u Yomdaanɔ Yennu.’ ”

1 Korint teeb 10:5

Ŋaan linba na kura, Yennu din ki mɔk parpeenn nan bi siabi, ki te ki bi kpo kpo, ki bi gbanant yat dɔɔ kunkoouk paak.

1 Korint teeb 10:9

Ti daa bikii ti Yomdaanɔ, nan bi siab nba din tun, ki wai kpiib na.

Sennu 9:7

“Tiat, ki daa tammit biaŋinba ki i te i Yomdaanɔ Yennu donn wutoor kunkoouk paak na. Laa nyii daar nba ki i nyii Ijipt ki tan tuu daar nba ki i baar nna na, ki i yêen Yennu mɔb.

Hiibru teeb 3:9

Yennu din yet a, ‘Bi poŋ din la maa tun linba kur ki saa jaŋ bina piinna na, ŋaan leŋe ki bi din bikinin.