Nikant 14:11 - Yennu Gbouŋ Mɔɔr

¹¹ Ki Yennu yet Moses a, “Taar munŋaae ki niib na saa yêtimi? Taar munŋaae ki bi saa yêt ki kan teenin yada, nan maa lek tun bakitnauŋ toona bi sinsuuk niwa na?

Nikant 14:11 ပူးပေါင်းရင်းမြစ်များ

Yaŋ 106:24

Li poorpo, ki bi yêt tinŋaŋ na, kimaan bi ki teen Yennu mɔsonn na yada.

Yaŋ 78:22

kimaan bi din ki teenɔ yada, ki bia ki mɔk yada nan u saa fit tinnibi.

Yaŋ 78:32

Linba na kur, ŋaan niib na bia lek din tuun yanbɔmm. Yennu bakitnauŋ toona nba ki u tuun na kur lek, bi din ki teenɔ yada.

Yaŋ 95:8

“I daa nyar i tuba nan i yeejamm nba din nyar bi tuba, Meriba nyuntonn boor, daar nba ki bi din be Masa nyuntonn boor, kunkoouk paak na.

Nyinu 10:3

Ki Moses nan Aarɔnn saan kpanbar na boor ki saa yetɔ a, “Timm Hiibru teeb Yomdaanɔ Yennu yet a, ‘Taar munŋaae ki a saa yêt fan sikin a mɔŋ ki turimi? Chabin n niib ki bin saan ki jiantin.

Nyinu 16:28

Ŋanne ki Yennu yet Moses a, “Taar munŋaae ki yimm niib na ki sak n sennu?

Nyinu 23:21

Gbiintir u maan ki sak u mɔb. I daa yêen u maan ki kɔn nanɔ, kimaan mine tumɔ, ki u kan nyik chab i mɔyêtuku.

Nyinu 32:9

N bann niib na tubkangbatin nba teewa.

Barjokit 1:22

“Bonjata na. I loon ki yin jii yoo nlee kii be i jatii maŋ ni? Yoo nlee ki i loon yin jii ki sukii bannu ki li maŋini? I kan ban tumii yami-i?

Jeremaya 13:10

Ŋamm biit damm na yêt bin sak n mɔbe. Bi yɔɔ tee tubkangbata nan biit damme, ki jiantir tingbana. Li paak, bi tan sii tee nan kurtajinn na nba kaa nyɔɔt nae.

Jeremaya 4:14

Jerusalem, wuut biit nba be a par ni na, ki lian fit la tinnu. A sii dukii yanbɔndudukit ki lin wei nlee?

Esekiel 20:13

Ŋaan ki Israel teeb na lek yêt n mɔb, kunkoouk na paak. Bi yêt n sennu nan wannu nawa, ki dia n foon daar ki li tee nan dalia na. Tɔn, ki n donn wutoor, ki dukin nan man boont Israel teeb kur, kunkoouk na paak fas fas.

Hosea 8:5

N ki loon salima naajabir nba ki Samaria doo ni niib jiantir na maami. N wutoor do bi paake. Nlee yooe ki bi tan saa nyik tingbana mannu?

Sekaria 8:14

Yabint Yennu yet a, “Yoo nba ki i yeejamm din donn n wutoor na, n din lor tubdatue bi paak, ki din ki lebit n dudukit, n din tun nan maa lor biaŋinba nae.

Nikant 14:23

Bi sɔɔ nan yenɔkɔɔwa gbaa kan la tiŋ nba ki n senn mɔsonn ki tur bi yeejamm na. Wunba kur yêtin kan la tiŋ maŋ.

Nikant 14:27

“Li saa wei nlee ki nitont na sii nyiirimi? N gbat bonchiann nan baa pak ki biirin nawa.

Nikant 32:10

Ki Yennu wutoor doo daar maŋ ni, ki u sat mɔtont na a,

Matiu 17:17

Ki Yiisa jiin boib a “Yimm mɔtana niib nba mantik kaa yada, ki bia ki waa Yennu fanu na, n saa yukir nani nlee? Yoo nlee ki n saa di sukuru nani mantiki? Baat nan bik maŋ nna.” Ki bi baar nanɔ.

Barŋanii nba ki MAK din sɔb nae na 9:19

Li yoo ki Yiisa ji yakii ki yeen a “Yimm mɔtana niib yada mantik pɔ hei; n saa yukir nani nlee? Yoo nlee ki n saa di sukuru nanini? Baat nan bik maŋ nna.”

Jɔɔnn 10:38

Ŋaan li-i tee ki n tuun ŋɔɔ Yennu toona maŋie, li-i lekii tee ki i ki teenin yada, ŋaan yin teen n toona maŋ yada. Ŋanne ki i saa bann barmɔnii nan n Baa Yennu be n ni, ki n mun bia be u ni.”

Jɔɔnn 12:37

U lek din tun toonjaana bonchiann bi numm ni, ŋaan bi ki teenɔ yada.

Jɔɔnn 15:24

Mi-i bonni kii tuun toonjaana nba ki sɔɔ daa ki mi tun na bi boori, bi bia bo kii mɔk biiti. Bi lek la toonjaana nba ki n tuu tuun nawa, ŋaan nan min nan n Baa Yennu.

Sennu 1:32

Ŋaan linba kur ki n yeen na, i lek ki teen Yennu yada,

Hiibru teeb 3:16

Ki lamme din gbat u kunkɔr ŋaan kɔn nanɔ ki yêtɔ? Ŋamm kaa din tee binba nyii Ijipt ki Moses tee bi tɔɔndaanɔ na-a?

Hiibru teeb 3:18

Yennu daa din bet lamme a, “Bi kan mi baar maa bo yaa n turib foon tiŋ nba na ni.” Li din tee binba yêt u mɔb nae.

Hiibru teeb 3:8

yaa daa nyar i tuba nan i yeejamm nba din nyar bi tuba biaŋinba ki kɔn nanɔ, ki bikinɔ, baa din be muuk ni yoo nba na.