Nikant 13:30 - Yennu Gbouŋ Mɔɔr

³⁰ Ki Kaleb te Israel niib nba burin ki biir Moses na ŋmin, ŋaan ki u yet a, “Ŋaant ki tin lek niib maŋ ki gaar tiŋ na, kimaan ti mɔk paŋ ki saa fit kɔn nyinniba.”

Nikant 13:30 ပူးပေါင်းရင်းမြစ်များ

Yaŋ 60:12

Yennu-i be nant, ti saa nyanna; u saa nyann ti datai ki turita.

Nikant 13:29

Amalek teeb kɔɔ niidiitu po yiar na nie, ki Hef teeb nan Jebus teeb nan Amor teeb mun kɔɔ kunkona tinii na ni, ki Keenann teeb mun kɔɔ ki kpia mɔkgbeŋir nba ki bi yir Sinsuuk ni mɔkgbeŋir, nan Jɔɔdann mɔkir na.”

Nikant 13:31

Ki jab nba daan saan nan Kaleb na yet a, “Aaii, ti ki mɔk paŋ nba saa lek niib na, ki kɔn nammii; niib na mɔk paŋ ki garita.”

Nikant 14:24

Ŋaan n toontunnɔ Kaleb dudukit be li kɔɔ, ki u waan nan barmɔnii. Li paak, n saa baar nanɔ tiŋ nba ki u saan ki fiit na ni, ki u yaaboona saa yent tiŋ na.

Nikant 34:19

Jab nba ki Yennu din gannibe na: Booru Naakuuk saakɔɔ Juda Kaleb, ki u tee Jefune bija Simeonn Selumiel, ki u tee Amihud bija Benjaminn Elidad, ki u tee Kislonn bija Dann Buki, ki u tee Jogli bija Manase Haniel, ki u tee Efod bija Efraim Kemuel, ki u tee Siftann bija Sebulunn Elisafann, ki u tee Parnak bija Isakar Paltiel, ki u tee Asann bija Aser Ahihud, ki u tee Selomi bija Naftali Pedahel, ki u tee Amihud bija

Rom Teeb 8:31

Ti-i got linba na kur, ti saa yet a bia? Li-i tee ki Yennu be ti po, ŋmee ji be ki saa biiriti?

Rom Teeb 8:37

Ŋaan linba na kur tee yanne, kimaan ti la nyannu kur Yiisa Masia, wunba loont na paaka.

Filipi teeb 4:13

Masia nba teenin paŋ na paak, n saa fit kii be binbeŋ kur niwa.

Hiibru teeb 11:33

Bi yada paake ki bi siab din kɔn nyann tinii, ki siab mun tun linba tee fanu, ki siab mun gaar Yennu mɔsona, ki siab soor yanbɔra mɔi,