Nikant 11:29 - Yennu Gbouŋ Mɔɔr

²⁹ Ki Moses jiin a, “N paake ki li mɔka funfunni-i? N sunman ki Yennu n bo jii u Seek ki tur u niib kure, ki te ki bi kur-ii piak nan sɔkiniinba na.”

Nikant 11:29 ပူးပေါင်းရင်းမြစ်များ

Joel 2:27

Ki yimm Israel teeb saa bann nan n be nani. Ki min Yennu-e tee i Yomdaanɔ, ki sɔɔ ji ki be. Ki yimm, n niib, ji kan ban di fei.

Joel 3:1

Yennu ŋamm yet a, “Daa maŋ ni, n tan saa ŋamm jiin Juda nan Jerusalem teeb mɔkinta.

Nikant 11:30

Moses nan Israel tɔɔndamm piinlore na ji din ŋmat kaaŋ na nie.

Barŋanii nba ki LUK din sɔb nae na 10:2

Ŋanne ki u betib a “Dii na beer yaba, ŋaan ki dijaara waar. Li paak, ii mei man dii na daanɔ ki wun ŋamm pukin dijaara, ki te bin jaan dii maŋ.

Toona 26:29

Ki Pɔɔl jiin a, “N pinpauk-u fɔk koo laa ki fɔki, min yaa Yenmiaru tee ki fin nan niib na kura nba gbiint n maan na dinna na n teen Yiisaweira nan maa tee biaŋinba nae, ŋaan jarit nba na kuukɔɔe ki i kii mɔki.”

1 Korint teeb 13:4

Wunba mɔk lomm, u mɔk sukurue nan burchint niib paak; u ki mɔk funfunn, ki bia ki mɔk garuk, ki bia ki mɔk dont-n-mɔŋi.

1 Korint teeb 14:5

N sunman ki sɔɔ kur-ii piak maboorganii, ŋaan n mantik sunman ki i kura-ii sɔkint Yennu maame. Wunba sɔkint Yennu maan, li mɔk nyɔɔt ki gar wunba piak maboorganu, see ki sɔɔ be ki fit kpint maan na ki wann Masiaweira ki li sommib.

1 Korint teeb 3:21

Li paak, sɔɔ daa mɔk dont-n-mɔŋ nisaarik paaki. Siar kur tee i yare;

1 Korint teeb 3:3

kimaan i binbeŋ bia daa tee nan tingbouŋ na niib binbeŋ nae; kimaan funfunn nan mɔniɔk-u be i sinsuuk ni, i ki waa tingbouŋ na niib binbeŋ kaa-a?

Filipi teeb 2:3

I daa tuun siar ki li nyi funfunn nan karinbaanii loomm ni, ŋaan kii be soon nna nan i leeb man, kii dont i leeb ki gar yaa dont i mɔŋ biaŋinba na.

Jeems 4:5

Li sɔb Yennu gbouŋ ni a, “U loon Seek nba ki u teent na bonchiann.”

Jeems 5:9

N naa waas, i daa mɔk bunburimii i leeb paaki. Li-i tee ki i burin, Yennu saa bu i buuta. Gotir man, barbuurɔ na nakin ki see i tammɔi ni.

1 Piita 2:1

Tɔn, ii nyik biit kur, nan faak kur, nan kpinkpannii, nan funfunn, nan sanjaauŋ.

1 Samuel 10:6

Li taakpaak ni, Yennu Seek saa kɔɔ a ni, ki a saa taamm nan bi jiantii waak nan wuyikinii maŋ, ki a binbeŋ saa lebit, ki ji be li kɔɔ.