Nehemaya 9:6 - Yennu Gbouŋ Mɔɔr

⁶ Ki Israel teeb na miar Yennu a: “Yennu, fin kɔɔe tee Yennu, fine nan sanpaak nan ŋmaabira nba be sanpagbouŋ paak na. Fine nan tiŋ nan mɔkgbeŋa nan linba kur be li ni na, fine tur bonfoor kur manfoor. Sanpaapo bona kur gbaant ki jiantira.

Nehemaya 9:6 ပူးပေါင်းရင်းမြစ်များ

Pinpiik 1:1

Pinpiik ni dinn ki Yennu nan sanpaak nan tiŋ.

Pinpiik 1:9

Ki Yennu yet a, “Ŋaant nyun nba be sanpagbouŋ lɔuŋ ni na n taan kii be yennkɔɔ boor, ki ŋaan ki tinkooŋ n dɔɔr.” Ki li din teen nna.

Pinpiik 2:1

Li yoo na, ki sanpaak nan tiŋ, nan linba kur be li ni na naamii gbenn.

Pinpiik 32:2

Waa lab na ki u yet a, “Yennu kaaŋe na,” ki pur leŋ Mahanaim.

1 Kpanbara 22:19

Ki Mikaya ŋamii yeen a, “Tɔn, gbiintir linba ki Yennu piak. N la ki Yennu kar u binbintir paak Yendɔuŋ ni, ki u malakanba see u boor ni.

1 Kpanbara 8:27

“Ŋaan Yennu, a set saa fit kii be tingbouŋ na paaka-a? Sanpaak na kur gbaa ki yarin ki jaŋ nan fii be leŋi, ki nlee ŋasaakak nba ki n maa na sii yarin ki jaŋani?

2 Kpanbara 19:15

ŋaan miar Yennu a, “Yennu nba tee Israel teeb Yennu, fin nba kar a naan binbintir paak, bona nba mɔk kpinkpant na paapo, fin kɔɔe tee Yennu, ki dia durinya na digbana kur. Fine nan tingbouŋ nan sanpaak.

2 Kpanbara 19:19

Ti Yomdaanɔ Yennu, nyintit Asiria jab na nuu ni, ki tingbouŋ na ni digbana kur n bann nan fin Yennu kɔɔe tee Yennu.”

Nehemaya 9:5

Liifai teeb nae din tuu be bi tɔɔnn, jiantii ni. Ŋamme tee Jesua nan Kadmiel nan Bani nan Hasab-neya nan Serebia nan Hodia nan Sebania nan Petahia. Bi din yet a: “Fiit set ki pak i Yomdaanɔ Yennu. Ii pak dontɔ nan yoo nba kaa gbennu. Ŋaant ki sɔɔ kur n pak u baakir sann na, ŋaan nisaarik dontir lek kan jaŋɔ.”

Yaŋ 102:25

Sian yooewa ki a din nan tingbouŋ na, ki jii a tiɔŋ nii ki nan sanpaak.

Yaŋ 103:21

Yimm sanpaapo pandamm kura n dont Yennu, yimm u toontunna nba tuun u loomm na.

Yaŋ 115:15

Yennu nba nan sanpaak nan tiŋ na n teen piisin i paak.

Yaŋ 124:8

Ti sommir nyi Yennu boore, ŋɔɔe nan sanpaak nan tiŋ.

Yaŋ 146:6

Yennu nba nan sanpaak nan tiŋ nan mɔkgbeŋa nan linba kur be li ni. U yɔɔ dia u mɔsonae,

Yaŋ 24:10

Ŋmee tee kpanbarjaann maŋi? Ŋɔɔe tee Yabint daanɔ Yennu, ki tee kpanbarjaann maŋ.

Yaŋ 33:6

Yennu yet mɔmaame ki nan sanpaapo, ki bia yet mɔbonn ki li nan yonnu nan ŋmaarik nan ŋmaabira,

Yaŋ 36:6

ki a kasii binbeŋ na fɔk nan jɔjaana na, ki a barmɔnii buut sumii nan mɔkgbeŋa na, ki a dia nisaarii nan bonkobit a nuu ni.

Yaŋ 86:10

A tee yabintdaanɔe, ki tuun bakitnauŋ toona, fin kɔɔe tee Yennu.

Aisaya 37:16

“Yabint Yomdaanɔ, timm Israel teeb Yennu nba kar a naan binbintir paak, bona nba mɔk kpinkpant na paapo, fin kɔɔe tee Yennu, ki dia durinya na naan gbant kur. Fine nan tingbouŋ nan sanpaak.

Aisaya 37:20

Ti Yomdaanɔ Yennu, nyintit Asiria teeb na nuu ni, ki te tingbouŋ na digbana kur niib n bann nan fin kɔɔe tee Yennu.”

Aisaya 43:10

“Israel teeb, yimme tee n siara damm; n gann yimme maa yii tee n toontunna, ki fit bannin, ki teenin yada, ki bia bann nan mine tee Yen-yemmir. Yennu ji kaa ki pukin n po; yensau din kaa kawa, ki yensau bia kan ban kii be.

Aisaya 44:6

Yabint Yennu nba dia Israel teeb, ki bia guub na piak a, “Mine tee pinpiik nan joontu, ki tee Yen-yemmir, yensau ji kaa ki pukin n po.

Aisaya 44:8

N niib, i daa tiin jaŋmaanii. I mi nan laa nyii yaayoo niwa ki tan tuu mɔtana, n buntir linba saa tume, ki i tee n siara damm. Yensau ji be pukini-i? Yensau be ki mɔk yiikoo, ŋaan ki n ki mi gbat u po-o?”

Aisaya 45:12

Mine nan tingbouŋ na, ki nan nisaarii a bii be leŋ. N jii n yiikooe ki jɔnn sanpaak, mine ŋmakitir yonnu nan ŋmaarik nan ŋmaabira.

Jeremaya 32:17

“Yabint Yennu, a jii a paŋ nan a yabinte ki nan tiŋ nan sanpaak. Siar kaa ki paar turani.

Esekiel 20:11

N turib n sennii nan wannu, a lin te ki bii fit kii be fanu bi binbeŋ ni.

Jona 1:9

Ki Jona jiin a, “N tee Hiibru boorue. N jiantir Yennu-e, wunba tee yendɔuŋ ni Yennu, ki din nan tiŋ nan mɔkgbeŋa na.”

Jɔɔnn 10:30

Min nan n Baa maŋ tee yomme.”

Toona 4:24

Baa mun gbat nna maŋ ki bi kur taan leeb nan dudukyent ki miar Yennu a, “Ti Yabint Yennu, fine nan sanpaak nan tiŋ, nan mɔkgbeŋa nan linba kur be li ni,

Sennu 10:14

Li sanpaak, nan tingbouŋ, nan linba kur be li ni tee Yennu yare.

Sennu 32:39

“ ‘Bant mɔtana nan min kuukɔɔe tee Yennu, yensau kaa ki tee barmɔnii Yennu. Min Yennu kpi, ki bia teen manfoor, n teen daŋ, ki bia teen laafia, ki sɔɔ ki be ki saa fit fati n nuu ni.

Sennu 6:4

“Israel teeb, gbiintir man: ti Yomdaanɔ Yennu tee Yen-yenɔkɔɔe.

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu maŋ yentu na, ki dia durinya yaka kur nan u mɔmaan nba mɔk paŋ. Waa din tun linba saa te ki niib n la nyikinchab bi biit paak yoo nba na, ki u ji kar Yabint Yennu niidiitu po, Yendɔuŋ ni.

Hiibru teeb 1:6

Yennu nba din tan yaa wun baar nan u Bija, wunba tee bonnankara yur tingbouŋ na ni yoo nba, ki u gbouŋ yet u po a, “Li kpaa talas ki Yennu malakanba kura n jiantɔ.”

Fiitu 14:7

ki u yet nan kunkɔsaakar a “Ii tiin Yennu kii biaki dontir u sann, kimaan yoo nba ki u saa bu niib buut na baara; ii jiantir ŋɔɔ Yennu nba din nan sanpaak, nan tingbouŋ, nan mɔkgbeŋa, nan nyuntona kur na.”

Fiitu 4:11

“Ti Yomdaanɔ Yennu, li jaŋ nan tin jianta, ki tura baakir nan pakuwa, kimaan fine din nan bont kura. A loomm paake ki a naamii maŋ kur be, ki mɔk manfoor.”