Nehemaya 9:5 - Yennu Gbouŋ Mɔɔr

⁵ Liifai teeb nae din tuu be bi tɔɔnn, jiantii ni. Ŋamme tee Jesua nan Kadmiel nan Bani nan Hasab-neya nan Serebia nan Hodia nan Sebania nan Petahia. Bi din yet a: “Fiit set ki pak i Yomdaanɔ Yennu. Ii pak dontɔ nan yoo nba kaa gbennu. Ŋaant ki sɔɔ kur n pak u baakir sann na, ŋaan nisaarik dontir lek kan jaŋɔ.”

Nehemaya 9:5 ပူးပေါင်းရင်းမြစ်များ

1 Kpanbara 8:14

Niib na nba see leŋ na, ki kpanbar Solomonn ŋmant u numm ki torib, ŋaan miar Yennu piisin bi paak.

1 Kpanbara 8:15

U din yet a, “Pakin Israel teeb Yomdaanɔ Yennu. U dia u mɔsonn nba ki u din senn ki tur n baa Defid, yoo nba ki u din yet a,

1 Kpanbara 8:22

Niib na numm ni ki Solomonn saan set binbintir na tɔɔnn po, ki donn nii

1 Kpanbara 8:27

“Ŋaan Yennu, a set saa fit kii be tingbouŋ na paaka-a? Sanpaak na kur gbaa ki yarin ki jaŋ nan fii be leŋi, ki nlee ŋasaakak nba ki n maa na sii yarin ki jaŋani?

1 Barkperii 16:36

Pakin ki dont Yennu, wunba tee Israel teeb Yomdaanɔ na. Ii pakɔ mɔtana, nan yoo nba kaa gbennu. Ki niib na kur ji yet a, “Li-i tee nna,” ki pak Yennu.

1 Barkperii 29:11

Yennu, fine tee Yenjaann, ki mɔk yiikoo, ki a baakir yab, ki a mɔk nyannu nan ŋant bonchiann. Fine yen tingbouŋ nan sanpaak kur, ki tee kpanbar gbeŋir nba dia bona kur.

1 Barkperii 29:13

Mɔtana, Yennu, ti teena niipoouk, ki dontir a sann nba tee baakir na.

1 Barkperii 29:20

Tɔn, ki Defid yet niib na kur a, “Pakin i Yomdaanɔ Yennu.” Ŋanne niib na kur pak ki dont Yennu, wunba tee bi yeejamm Yomdaanɔ Yennu na, ki baa fabin tiŋ ni ki tur Yennu baakir, ki bia tur kpanbar na baakir.

2 Barkperii 20:13

Ki Juda jab na kur nan bi poob nan bi waas see Yenjiantu ŋasaakak na boor.

2 Barkperii 20:19

Ki Liifai teeb nba nyii Kohaf nan Kora naakuut ni na fiir set ki tant nan kunkɔpaara, ki pak ŋamm Israel teeb Yomdaanɔ Yennu.

Esra 3:11

ki bi ŋamii yiin donta yanii a, “Yennu ŋan, ki u lomm nan Israel teeb kaa gbennu,” ki sɔɔ kur hoot nan u paŋ kur ki dontir Yennu, kimaan bi piin Yenjiantu ŋasaakak na fiakira.

Nehemaya 9:4

Binbintir din be ki tee Liifai teeb sinsetboor, ki Jesua nan Bani nan Kadmiel nan Sebania nan Buni nan Serebia nan Bani nan Kenani, doo ki set. Bi din miar bi Yomdaanɔ Yennu sanpaapoewa.

Nehemaya 9:6

Ki Israel teeb na miar Yennu a: “Yennu, fin kɔɔe tee Yennu, fine nan sanpaak nan ŋmaabira nba be sanpagbouŋ paak na. Fine nan tiŋ nan mɔkgbeŋa nan linba kur be li ni na, fine tur bonfoor kur manfoor. Sanpaapo bona kur gbaant ki jiantira.

JOB labaar 1:21

ki yet a, “Bi din marin yanne, n bia tan saa kpo yanne. Yennu-e din turin, ki mɔtana u jii yaat nann na. Yennu sann n la dontir.”

Yaŋ 106:2

Ŋmee saa fit wann toonjaana nba kur ki u tumi? Ŋmee saa fit dontɔ ki lin jaŋi? Sɔɔ kaa.

Yaŋ 134:1

Baat man ki tin pak Yennu, yimm nba kur tee u toontunna na, yimm nba be u ŋasaakak ni nyiɔk ki tuun u toona na.

Yaŋ 145:2

N sii teena niipoouk daar kur, n saa donta yaayoo siiyoo.

Yaŋ 145:5

ki pak a baakir nan a yabint po, ki n sii dukii a bakitnauŋ toona po.

Yaŋ 146:2

N saa dont ŋɔɔe n manfoor kur ni; n saa yin yaŋ ki tur Yennu-e.

Yaŋ 16:2

N yet Yennu a, “Fine tee n Yomdaanɔ, bonŋana nba kur ki n mɔk, li nyii a boore.”

Yaŋ 66:2

ki yin yaŋ ki baakit u sann, ki turɔ dontir nan baakir,

Yaŋ 99:3

Sɔɔ kur saa dont u sanjaann na. U tee kasii daanɔe.

Nyinu 15:11

“Yennu, yenlanɔpoe tee nan fin na? Ŋmee tee nan fin nba tee kasii yaa kasii na? Ŋmee saa fit tun yaarlituk nan paŋ toona nan fin na?

Nyinu 15:6

“Yennu, a niidiitu mɔk yaarlituk paŋe, ki but dataak buri buri nna.

Daniel 2:20

“Yennu mɔk yan nan yiikoo. Pakin ki dontɔ mɔkmɔk nan mɔkmɔk.

Matiu 11:25

Li yoo maŋ ki Yiisa yet a “N Baa Yennu nba tee sanpaapo nan tingbouŋ na Yomdaanɔ, n piaka, kimaan a bɔr a maan na subindamm nan bannteebe, ŋaan fiit wann waas;

2 Korint teeb 4:6

Yennu nba din yet a “Yentu n yent bunbɔnn ni na,” ŋɔɔe te ki u yentu na yentir ti para ni, a ti bann u yentsaakar nba tee biaŋinba; li yentue yeen Yiisa Masia numm po.

Sennu 28:58

“Li-i tee ki i ki wei Yennu sennu nba sɔb gbouŋ na niŋ fanu, ki bia ki baakit i Yomdaanɔ Yennu bakitnauŋ sanjaann na,

1 Piita 1:3

Pakin Yennu nba tee ti Yomdaanɔ Yiisa Masia Baa na man, kimaan u tint ninbaauk bonchiann ki turit manfopaann Yiisa Masia kuun fiiru paak. Linba nae te ki ti mɔk dindann nan ti tan sii mɔk manfoor,

Barbuura 13:18

Ki malaka na boi a, “Bee ki a loon ki a bann n sanni? Li tee bakitnauŋ sanne.”