Nehemaya 9:25 - Yennu Gbouŋ Mɔɔr

²⁵ A niib na din nyann digbana nba mɔk joonpaara, nan tinkpiasa, ki li ŋei gbee nan mɔkint, ki bunbuna poŋ gbiira ki be li ni, nan kpan tiinii nan daan tilontii kpaant nan tilontilia, ki bi di baa loon biaŋinba ki gbeŋit, ki laat bonŋana nba kur ki a teemm, ki bi di nan parpeenn.

Nehemaya 9:25 ပူးပေါင်းရင်းမြစ်များ

1 Kpanbara 14:9

A tun biit ki gar binba din dia naan na ki a tan gaar nawa. A yêtime ki donn n wutoor, kimaan faa ji kut ki nan tingbana ki jiantir na.

1 Kpanbara 8:66

Daaŋanniin daar ki Solomonn kunn niib na, ki bi kur dontir Yennu ki kun, kimaan piisin nba ki Yennu teen u toontunnɔ Defid nan u niib Israel teeb paak na.

Nehemaya 9:35

Fine tee piisin kpanbara paak, ki bi dia a niib. Ki a turib tiŋ nba yarin ki bia kpai, ki bi be leŋ, ŋaan ki bi yêt bin nyik bi yanbɔmm ki jianta.

Yaŋ 105:44

U din jii nisiab tiniie ki turib, ki te ki bi gaar bi sarwaat,

Yaŋ 65:11

Ki a te jeet naan binn kur ni, ki tii saan siaminba kur, ki jeet be li kura po.

Barjokit 30:9

Fi-i turin bonchiann n tan saa mann yet a n ki loon a sommiri, ŋaan mi-i biaki be namu, n tan saa mann jan ki dinn fin Yennu fei.

Aisaya 6:10

Ŋanne ki u yetin a, “Linin niib na yan, ki kpaa bi tuba, ki jɔɔn bi nunii, ki bi daa laat, koo ki gbia koo ki bant maan paaki. Nna-i kaa, bi saa jen n boore ki la laafia.”

Aisaya 63:7

N saa pak Yennu lomm nba ki gbent na poe. N dontirɔ nan waa tun linba kur ki turit. U teen piisin bonchiann timm Israel teeb paak, kimaan u ninkpabauŋ nan u lonchiɔŋ na paak.

Jeremaya 2:7

ki n baar namm tiŋ nba mɔk koorin ni, a bin tan di li jaauŋ nan bonŋana manu, ŋaan ki bi biir n tiŋ, ki kɔɔn tiŋ nba ki n turib maŋ jakint.

Jeremaya 31:14

N saa gboon mannteeb nan jeet nba ŋan, ki tur n niib, bi bonloŋa kur. Min Yennu-e pak na.”

Jeremaya 32:23

Ŋaan baa kɔɔ tiŋ na ni ki yentir yoo nba, bi ji ki sak a mɔb koo ki wei a sennii. Bi ki tun linba ki a wannib a bin tun na. Ŋanne ki a baar nan biiru na bi paak.

Esekiel 20:6

N por nan n saa fatib ki nyinnib Ijipt tiŋ ni, ki saan namm tiŋ nba ki n gann maa n turib na ni. Tiŋ na din ŋan, ki mɔk siat nan naabiin, ki tee tinkpiasir ki gar tinii kur.

Daniel 11:24

U tan saa kpir lek digbann nba mɔk mɔkint, ki saa tun toona nba ki u yeejamm sɔɔ ki ban tumi. Ki u ji saa biit tiat nba ki u fat tɔb ni na ki tur u poorpoweiteeb. U sii mɔk dudukit nan wun lek digbanjaana, ŋaan ki u yoo n jiŋ.

Hosea 13:6

Ŋaan yaa tan kɔɔ tinŋaŋ na ni ki dii gboo yoo nba, ki i kɔɔ karinbaanii, ki ji tamm n po.

Hosea 3:5

Ŋaan yoo baat ki Israel teeb tan saa tunn jen bi Yomdaanɔ Yennu nan kpanbar Defid yaaboonn na boor, ki bi sii jiantir Yennu, ki gaar u piinŋanii.

Rom Teeb 2:4

Koo a yisin loonchiɔŋ nan sukuru bonchiann nba ki Yennu mɔk nant nae-e? A ki mi nan Yennu mɔk burchint nana a wun te ki a nyik a biit na ŋaan kii be fanue-e?

Sennu 3:5

Bi din maa joonfoote ki lint doi maŋ. Li tammɔi din tuu looe nan kutlaana. Digbana bonchiann bia din be, ki ki maa joona.

Sennu 32:13

“U te ki bi gorii tingbouŋ na, ki di linba kur pia kpaant ni, ki laat siat tanfiat ni, ki bi kpan tilontii pia tansakirii ni.

Sennu 32:14

Ki bi nei nan buunii teemm biin bonchiann. Ki bi mɔk peŋanii nan buŋanii nan naaŋanii, ki mɔk jeet nba ŋan, nan daŋanin.

Sennu 32:15

“Yennu niib kpaatir nan mɔkint, ŋaan mɔk mɔyêtuk; ki gbeŋit ki nɔr nan jeet, ki nyik Yennu, bi naamii daanɔ, ki yêt bi yabint tinntɔɔ.