Nehemaya 9:21 - Yennu Gbouŋ Mɔɔr

²¹ Bina piinna nba ki bi din be kunkoouk paak na, ŋaan a din teemm bi bonloŋa kur, bi liant din ki ban kpet, ki bi taa din ki mɔɔr bi sommir paaki.

Nehemaya 9:21 ပူးပေါင်းရင်းမြစ်များ

Yaŋ 34:10

Yanbɔra saa fit kɔŋ jeet, ki kon n soorib, ŋaan binba saak Yennu maan ki kɔŋit bonŋana.

Nyinu 16:35

Ki Israel teeb na din dii mana maŋ ki saa tuu bina piinna, nan baa tan baar Keenann tiŋ ni, siaminba ki bi kar na.

Amos 5:25

“Israel teeb, n ki boi-i maruŋ nan piinii po, bina piinna nba ki n saan nani kunkoouk paak na.

Toona 13:18

Ki baa din be muuk ni binpiinna na, ki u goriib.

Sennu 2:7

“Tiat nan i Yomdaanɔ Yennu teen piisin linba kur ki i tuun paak, ki goti fanu, yoo nba ki i lintir kunkoouk nba yab paak na. U din be-e nani bina piinna, ki i laat linba kur ki i loon.

Sennu 29:5

Li jii bina piinnae ki Yennu somm nani kunkoouk paak, ŋaan ki i chinchena nan i taasaat ki chati.

Sennu 8:2

Tiat biaŋinba ki i Yomdaanɔ Yennu ŋmakiti sɔnfoouk nba ki i tɔkin bina piinna nba gar, kunkoouk paak na, ki baar nan wahala ki bikini, ki loon lin fiit i para, ki wun bann yaa saa sak ki dia u sennu na koo yaa kan dia.

Sennu 8:4

Bina piinna na ni, ŋaan i liant ki kpet, koo ki i taa faanti.