Nehemaya 9:19 - Yennu Gbouŋ Mɔɔr

¹⁹ Ŋaan a din ki nyikib kunkoouk na paaki, kimaan a ninbatinu yab. A din ki jii sanpagbouŋ koo muu nba gar bi tɔɔnn ki wantib sɔnu yonnu nan nyiɔk na ki yaat nanni.

Nehemaya 9:19 ပူးပေါင်းရင်းမြစ်များ

Nehemaya 9:12

A din tuu dia sanpagbouŋo ki wantib sɔnu yonnu ni, ki nyiɔk ki a dia muu ki yentir bi sɔnu.

Nehemaya 9:27

Li paak ki a te ki bi datai nyannib, ki ji diab. Baa be wahala ni na, ki bi boia sommir po, ki a be sanpaapo ki gat turib. A ninbatinu nba yab na paak, ki a turib tɔɔndamm nba fatib bi datai boor.

Nehemaya 9:31

Ŋaan a ninbatinu nba yab na paak, ki a ki nyɔr nyikib, koo ki boontibi. A tee parmaasir nan ninbatinu Yennu-e.

Yaŋ 106:45

Bi paake ki u tiar u mɔlor na po, ki lebit u dudukit, kimaan u lonchiɔŋ na paak.

Yaŋ 136:16

U din jii u niibe ki saan namm kunkoouk paak, u lomm kaa gbennu.

Nyinu 40:36

Israel teeb na din tuu chaat bi kaaŋe ki saan kar leer po, yoo nba kur ki Yennu dɔkit sanpagbouŋ na.

Nyinu 40:38

Niib na linluŋ kur ni, Yennu din tuu be namme, ki bi laat sanpagbouŋ yonnu ni, ki li be lanbouŋ na paak, ki nyiɔk mun ki li tee mutootir, ki teemm yentu.

Aisaya 44:21

Yennu yet a, “Israel teeb, ii tian linba na man, ii tian nan i tee n toontunnae. Mine nami a yii tee n toontunna, ki n kan ban tamm i po.

Fabinii 3:22

Yennu ninbatinu na yɔɔ be-e, ki u lomm kaa gbennu.

Esekiel 20:14

Ŋaan n ki boontib. Li-i tee ki n tun nna, li saa biir n sanna, kimaan digbana bonchiann lan ki n fat nyinn Israel teeb na Ijipt tiŋ ni.

Esekiel 20:17

“Ŋaan ki li mɔkin ninbaauk nan man te ki bin kpo kunkoouk na paak.

Esekiel 20:22

Ŋaan n ki boontib. Li-i tee ki n tun nna, li saa biir n sann, digbana niib nba lan ki n nyinn Israel teeb maŋ Ijipt tiŋ ni na boora.

Daniel 9:18

Yennu, gbiintir kii goriit, ki la daamii nba ki ti be li ni, nan fara nba be doo nba ki a sann be li ni na. Ti meia, kimaan a mɔk ninbatinue, ŋaan li ki tee a ti tuun fanu kaa.

Daniel 9:9

A mɔk ninbatinu nan nyikinchab, nan taa lek tun ki biira nawa.

Malakai 3:6

“Mine tee Yennu, n ki lebitir. Li paak, yimm Jakɔb yaaboona, i daa ki mantik boont kaa.

Nikant 14:14

bi saa wann niib nba kɔɔ tiŋ na ni nae. Niib na poŋ gbat nan fin Yennu be nant, nan a dɔkitir ti paak, ki ti laat a numpo, ki a sanpagbouŋ dɔɔk ti paak, ki a be ti tɔɔnn sanpagbouŋ ni ki somm nant yonnu ni, ki be muu ni nyiɔk ki somm nant.

Sennu 8:2

Tiat biaŋinba ki i Yomdaanɔ Yennu ŋmakiti sɔnfoouk nba ki i tɔkin bina piinna nba gar, kunkoouk paak na, ki baar nan wahala ki bikini, ki loon lin fiit i para, ki wun bann yaa saa sak ki dia u sennu na koo yaa kan dia.

1 Samuel 12:22

Yennu senn mɔsonjaann nan u kan ban nyikini, kimaan u lor nan u saa jii-i, ki i sii tee u tiɔŋ niib.