Nehemaya 8:6 - Yennu Gbouŋ Mɔɔr

⁶ Ki Esra yet a, “Pakin ti Yomdaanɔ Yabint Yennu na.” Ki niib na kur donn bi nii sanpaapo ŋaan jiin a, “Li tee mɔniie.” Bi kur din baa fabin tiŋ ni, ki jiant Yennu.

Nehemaya 8:6 ပူးပေါင်းရင်းမြစ်များ

Pinpiik 14:22

Ŋaan ki Abram jiinɔ a, “N poŋ senn mɔsonn ki tur Yabint Yennu, wunba nan sanpaak nan tiŋ

Pinpiik 24:26

Ŋanne ki daabir na gbaan tiŋ ni ki jiant Yennu,

1 Barkperii 16:36

Pakin ki dont Yennu, wunba tee Israel teeb Yomdaanɔ na. Ii pakɔ mɔtana, nan yoo nba kaa gbennu. Ki niib na kur ji yet a, “Li-i tee nna,” ki pak Yennu.

1 Barkperii 29:10

Niib na kur tɔɔnne ki kpanbar Defid din pak Yennu, ki yet a, “Yennu nba tee ti yeeja Jakɔb Yomdaanɔ na, dontir tee a yare mɔkmɔk nan mɔkmɔk.

1 Barkperii 29:20

Tɔn, ki Defid yet niib na kur a, “Pakin i Yomdaanɔ Yennu.” Ŋanne niib na kur pak ki dont Yennu, wunba tee bi yeejamm Yomdaanɔ Yennu na, ki baa fabin tiŋ ni ki tur Yennu baakir, ki bia tur kpanbar na baakir.

2 Barkperii 20:18

Ŋanne ki Jehosafat baa fabin tiŋ ni, ki niib na kur mun baa fabin tiŋ ni, ki bi jiant Yennu.

2 Barkperii 29:10

“Mɔtana, n ji loon mii mɔk mɔlor nan timm Israel teeb Yomdaanɔ Yennu-e, ki lin te ki u daa dont wutoor nanti.

2 Barkperii 29:30

Kpanbar Hesekia nan u saakab din yet Liifai teeb a bii yiin kii dontir Yennu, donta yanii nba ki kpanbar Defid nan Yennu sɔkinii Asaf din sɔb na. Ki sɔɔ kur yiin nan kpinkpamjaann, ki gbaa tiŋ ni ŋaan jiantir Yennu.

2 Barkperii 6:4

ki yet a, “Pakin timm Israel teeb Yomdaanɔ Yennu nba din dia u mɔsonn nba ki u senn ki tur n baa Defid, yoo nba ki u din yetɔ a,

Nehemaya 5:13

Ŋanne ki n bobit tann nba boob n siak ni na, ki pinnir, ŋaan yet a, “Yennu tan saa pinn daansɔɔ nba ki dia u mɔsonn nan maa pinn n tann na biaŋinba nae. Yennu saa gaar i ŋei nan linba kur ki i mɔk na ŋaan nyiki yann.” Ki sɔɔ kur nba be leŋ na yet a, “Lii tee nna,” ŋaan pak Yennu. Ki tɔɔndamm na ji gbeen bi mɔsona.

Nehemaya 8:7

Tɔn, bi ji din fiir ki set bi sinsetboa, ki Liifai teeb na kat sennu na ki wantib: Ŋamme tee Jesua nan Bani nan Serebia nan Jaminn nan Akub nan Sabetai nan Hodia nan Maaseya nan Kelita nan Asaria nan Josabad nan Hanann nan Pelaya.

Yaŋ 134:2

Dont i nii sanpaapo man, Yenjiantu ŋasaakak na ni, ki miar Yennu ki bia dontɔ.

Yaŋ 141:2

Gaat n miaru ki lii tee nan bonnunubit na, ki maa donn n nii nba na-ii tee nan daajoouk maruŋ na.

Yaŋ 28:2

Gbiintir ki turin, yoo nba ki n fabin ki loon sommir, yoo nba ki n donn n nii ki jiin a kasii ŋasaakak po.

Yaŋ 41:13

Pakin ki dont Israel teeb Yomdaanɔ Yennu man. Pakin ki dontɔ mɔtana nan yoo nba kaa paak. Mamɔmm, lii tee nna.

Yaŋ 63:4

N manfoor ni kur, n saa dont a sanne. N saa donn n nii ki miara.

Yaŋ 95:3

kimaan ti Yomdaanɔ tee Yabint Yennu-e, yabint kpanbar nba gar yenbis kur.

Nyinu 12:27

yin jiin a, ‘Li tee yukitgar tiaru maruŋo ki baakit Yennu, kimaan u din yakir Israel teeb ŋeie, Ijipt tiŋ ni, ki kpii Ijipt teeb na, ŋaan nyikit.’ ” Ki Israel teeb na gbaan ki jiant Yennu.

Nyinu 4:31

ki bi teen yada. Ki baa gbat nan Yennu baar bi boor ki la baa di biak biaŋinba na, ki bi gbaan ki jiantɔ.

Jeremaya 28:6

“Li ŋan bonchiann. N sunman ki Yennu tun nnawa. N sun ki a masɔkinkar maŋ teen mɔniiwa, ki wun jii jiantu ŋasaakak ni gor na kur, nan niib nba kur ki bi soorib daaba Babilonia na ki jen namm.

Fabinii 3:41

Ŋaant tin loot ti para, ki miar Yennu nba be yendɔuŋ ni na.

Liifai teeb 9:24

Ki li taakpaak ni ki Yennu te ki muu nyii sanpaapo ki sik binbintir na paak, ki dii mujoonu maruŋ nan kpapana na. Niib na nba la nna, ki bi yikin nan parpeenn, ŋaan gbaan ki tibin ki bi yugbia siit tiŋ.

Matiu 26:39

Ŋanne ki u chat saan waaminna bi tɔɔnn, ki baa fabin, ki u yugbiar siit tiŋ, ŋaan mei Yennu ki yeen a “N Baa, li-i bonni saa fiti, fan ŋaan ki biak nba baat n paak na n yakirin. Ŋaan ŋaant ki a loommo n tun, ki li daa tee n loommu.”

Matiu 6:13

A daa te ki ti kɔɔ jinjammii ni, ŋaan a nyinnit bonbiir ni. ((Kimaan fine yen naan nan yiikoo nan baakir mɔkmɔk nan mɔkmɔk.))’

1 Korint teeb 14:16

Fi-i jii maboorganu ki dontir Yennu nan u Seyeeŋ paŋi, ki nirɔ nba ki a be nanɔ na ki mi faa yeen linba, u saa teen nleewa ki sak nan a niipoouk turu na tee mamɔmme?

Efesus teeb 1:3

Ŋaant ki ti tur Yennu, wunba tee ti Yomdaanɔ Yiisa Masia Baa na niipoouk man, kimaan taa be Yiisa Masia ni na paak ki ŋɔɔ Yennu turit Seyeeŋ piinii kur nba be sanpaapo.

1 Timoti 2:8

N loon ki jab-ii mei Yennu siar kur boor. Jab nba set tee popeendamm ki ki mɔk wutoor koo mɔniɔk na saa fit donn bi nii sanpaapo ki miar Yennu.

1 Piita 1:3

Pakin Yennu nba tee ti Yomdaanɔ Yiisa Masia Baa na man, kimaan u tint ninbaauk bonchiann ki turit manfopaann Yiisa Masia kuun fiiru paak. Linba nae te ki ti mɔk dindann nan ti tan sii mɔk manfoor,

Fiitu 7:11

Ki malakanba na kur set ki lint naangbouŋ na, nan saakab na, nan bonfoa banna na, ki baa finfaba naangbouŋ na tɔɔnn, ki jiantir Yennu,