Nehemaya 7:65 - Yennu Gbouŋ Mɔɔr

⁶⁵ U din betib a bi kan fit di jeet nba ki bi mann maruŋ ki tur Yennu na, see ki manntɔɔ tan be ki jii bona nba ki bi yir Yurim nan Tumim na ki bann Yennu loomm.

Nehemaya 7:65 ပူးပေါင်းရင်းမြစ်များ

Esra 2:63

Ki Juu teeb tiŋ diarɔɔ na betib nan bi kan fit di jeet nba ki bi jii tur Yennu na, see manntɔɔ tan baar ki bunt buntir nba ki bi yi Yurim nan Tumim na.

Nehemaya 10:1

Wunba din sint sɔb u sann gbouŋ na ni tee min Nehemaya nba tee Hakalia bija na, ki tee tiŋ na yudaanɔ; ki Sedekaya mun bia sɔb u sann. Ki niib nba na mun bia sɔb bi sana:

Nehemaya 7:66

Binba din nyii Babilonn ki jen na kur din tee niib tusaa piinna nan ŋanlee nan kobii ŋantaa nan piinloob. Bi toontunna, jab nan poob, din tee tusaa ŋanlore nan kobii ŋantaa nan piintaa nan banlore. Yanyinna nba din tee jab nan poob din tee kobii ŋanlee nan piinna nan banŋmu. Taanii din tee kobii ŋanlore nan piintaa nan banloob. Bontaanii din tee kobii ŋanlee nan piinna nan banŋmu. Laagumiinba din tee kobii ŋanna nan piintaa nan banŋmu. Ki bonii tee tusaa ŋanloob nan kobii ŋanlore nan piinlee.

Nehemaya 7:70

Niib bonchiann din lakin likiri nan bona ki somm, ki bi saa ŋamm maa Yenjiantu ŋasaakak na: Juu teeb yudaanɔ na din tur: salimmɔna, ki li kpaiu tee nan karwanta bɔrik-gbina ŋanna na nan maruŋ senii piinŋmu nan mannteeb liatfoot kobii ŋanŋmu nan piintaa. Ki naakuut yudamm na tur: salimmɔna, ki li kpaiu tee nan karwanta baajii nan waan na nan salimpeena, ki li kpaiu tee nan karwanta baajii piik nan ŋanloob na. Ki niib nba biar na tur: salimmɔna, ki li kpaiu tee nan karwanta baajii nan waan na nan salimpeena, ki li kpaiu tee nan karwanta baajii piik nan ŋanna na nan mannteeb liatfoot piinloob nan ŋanlore.

Nehemaya 8:9

Yoo nba ki niib na gbat sennu na nba loon biaŋinba na, ki li damm bi para, ki bi jak mɔnii. Ki Nehemaya, wunba tee yent yudaanɔ na, nan Esra, wunba tee manntɔɔ ki bia tee sennu maŋ banntɔɔ na, nan Liifai teeb nba wantib sennu na, bet niib na kur a, “Dinna tee kasii daare ki tur ti Yomdaanɔ Yennu, li paak, i daa fabin koo ki mɔ.

Nyinu 28:30

A bia wuun tana ŋanlee nba ki bi yir Yurim nan Tumim na parbiir paak chab-bɔɔrik na ni, ki li tuu sii be Aarɔnn parpaak, yoo nba ki u kɔɔ kasii boor na. Ŋanne ki Aarɔnn tuu sii dia ki bant min Yennu loomm ki gaan n niib Israel teeb po.

Liifai teeb 2:10

Ŋaan jeet nba saa biar na sii tee mannteeb yar; li jeet tee kasii, kimaan linba ki bi bo mann maruŋ na, li waame na.

Liifai teeb 2:3

Ki jeet nba tenn na ji sii tee manntɔɔ yar. Li jeet tee kasiie, kimaan linba ki bi bo mann maruŋ na, li waame na.

Liifai teeb 8:8

ki jii jafagbeŋir ki lur tabin u parbiir paak, ki wuun bona nba ki bi yir Yurim nan Tumim jafaa maŋ ni,

Nikant 27:21

Ki u sii maa manntɔɔ Eleasar paak, ki Eleasar tuu sii jikit bont nba ki bi yir Yurim nan Tumim na, ki bant n dudukit. Nna bannue ki manntɔɔ Eleasar tuu saa ŋmakit Joosua nan Israel teeb kur, bi toona ni.”

Sennu 33:8

Ki u yet ki jiin Liifai booru po a, “Fin Yennu, jiin a bona nba ki bi yi Yurim nan Tumim na ki fiit a loomm ki wann Liifai teeb nba ki a bikimm Masa doo ni, ki kat wann bi mɔnii nba tee biaŋinba, Meriba nyun boor;