Nehemaya 5:13 - Yennu Gbouŋ Mɔɔr

¹³ Ŋanne ki n bobit tann nba boob n siak ni na, ki pinnir, ŋaan yet a, “Yennu tan saa pinn daansɔɔ nba ki dia u mɔsonn nan maa pinn n tann na biaŋinba nae. Yennu saa gaar i ŋei nan linba kur ki i mɔk na ŋaan nyiki yann.” Ki sɔɔ kur nba be leŋ na yet a, “Lii tee nna,” ŋaan pak Yennu. Ki tɔɔndamm na ji gbeen bi mɔsona.

Nehemaya 5:13 ပူးပေါင်းရင်းမြစ်များ

2 Kpanbara 23:3

U din set naan tootir boore, ŋaan senn mɔsonn ki tur Yennu nan u saa sak Yennu mɔb, ki dia u sennu nan u wannu na, nan u par nan u seek kur, ki saa tun linba ki mɔlor na wann, nan laa sɔb gbouŋ maŋ ni na. Ki niib na kur senn mɔsonn nan bi saa dia mɔlor na.

1 Barkperii 16:36

Pakin ki dont Yennu, wunba tee Israel teeb Yomdaanɔ na. Ii pakɔ mɔtana, nan yoo nba kaa gbennu. Ki niib na kur ji yet a, “Li-i tee nna,” ki pak Yennu.

Nehemaya 8:6

Ki Esra yet a, “Pakin ti Yomdaanɔ Yabint Yennu na.” Ki niib na kur donn bi nii sanpaapo ŋaan jiin a, “Li tee mɔniie.” Bi kur din baa fabin tiŋ ni, ki jiant Yennu.

Yaŋ 119:106

N saa dia n mɔsonjaann nba ki n senn nan n saa dia a kasii sennu na.

Yaŋ 50:14

Ii ŋaan ki i niipoturu-ii tee i maruŋ ki teen min Yennu, ki bia tuu tur min Yabint Daanɔ linba kur ki i senn mɔsonn.

Yaŋ 76:11

Turin i Yomdaanɔ Yennu linba ki i senn mɔsonn a i saa turɔ na. Ii baar nan i piinii ki turɔ. Digbana nba kur kpiai na n baar nan bi piinii ki tur Yennu nba ki nisaarik tiinɔ na.

Barjokit 28:4

Fi-i kii sak sennu, a taa toonbiit damm poe, ŋaan fi-i sak sennu na, a yêt bi mɔbe na.

Banntɔɔ 5:5

Li ŋan ki a daa sat mɔb nan waama, ki chee faa saa sat mɔb, ŋaan tan kan gbeeni.

Nikant 5:22

Nyun nba tee mɔtont nyun na, lin sik a nɔɔk ni, ki te ki a poor n mɔr, ki a yaaka niŋ n bia pab.” Ki poo na saa toon a, “N saka. Yennu n te ki lin tun nna.”

Matiu 10:14

Wunba saa yêt i gaaru, ki bia yêt wun gbat i barŋanii mɔɔntii maŋ, yoo nba ki i nyi ŋaak maŋ ni, koo doo maŋ ni, yin pit pit i taapant ni tant ki lu leŋ maŋ.

Toona 13:51

Ki toomiinba na ji yet a, “Ti nii nan ti taae na,” ŋaan yaat saan Ikonium.

Toona 18:6

Ŋaan ki bi lek ki sak maan maŋ, ki sukiiɔ. Ki u pit u nii nan u taa, ki betib a, “Li-i tee ki i tan kɔŋ i manfoori, li jii i mɔŋ mɔŋ yura paake. N nuu ji kaa li ni. Laa jii dinna ki saa, see ki n nyiki, ŋaan wann boorganu Yiisa maan maŋ.”

1 Korint teeb 14:16

Fi-i jii maboorganu ki dontir Yennu nan u Seyeeŋ paŋi, ki nirɔ nba ki a be nanɔ na ki mi faa yeen linba, u saa teen nleewa ki sak nan a niipoouk turu na tee mamɔmme?

1 Samuel 15:28

Ki Samuel betɔ a, “Dinna nba na, Yennu gaar Israel tingbouŋ a boora, ki jiir ki tur a ninja nba ŋan gara.