Nehemaya 3:25 - Yennu Gbouŋ Mɔɔr

^25-26 Palal, wunba tee Usai bija na din maa bɔkir nba waa na, laa nyii joonn na nba gɔnt siaminba, nan difoouk nba be naan ŋaak nba be paapo na, ki kpia nan guuteeb dindouŋ na. Ki Pedaya, wunba tee Paros bija na maa bɔkir nba waa ki jiin yondo po, ki li kpia Nyun Tammɔb na, nan difoouk nba kpia Yenjiantu ŋasaakak na, (li din kpia doo na bɔkir nba ki bi yi Ofel nae, siaminba ki Yenjiantu ŋasaakak toontunna be na.)

Nehemaya 3:25 ပူးပေါင်းရင်းမြစ်များ

Esra 2:3

Paros naakuuk ni niib din tee tusaa ŋanlee nan kobik nan piinlore nan banlee.

Nehemaya 12:39

ki nyii leŋ ki somm ki saa gar tammɔb nba ki bi yir Efraim tammɔb na, nan Jesana tammɔb na, nan Janii tammɔb na, nan Hananiel difoouk, nan Kobik difoouk na, ki ji baar tammɔb nba ki bi yir Pei tammɔb na. Ti din gbenn ti sommir na Yenjiantu ŋasaakak tammɔkɔɔkir na boore.

Nehemaya 7:8

Israel naakuut nba din nyii Babilonn ki jen na sana, nan bi niib kanne na: Paros naakuuk ni niib din tee tusaa ŋanlee nan kobik nan piinlore nan banlee. Ki Sefatia naakuuk ni niib tee kobii ŋantaa nan piinlore nan banlee, ki Ara naakuuk ni niib tee kobii ŋanloob nan piinŋmu nan banlee, ki Pahaf-Moab naakuuk ni niib tee tusaa ŋanlee nan kobii ŋanniin nan piik nan banniin; ki bi tee Jesua nan Joab yaaboona, ki Elam naakuuk ni niib tee tusir nan kobii ŋanlee nan piinŋmu nan banna, ki Satu naakuuk ni niib tee kobii ŋanniin nan piinna nan banŋmu, ki Sakai naakuuk ni niib tee kobii ŋanlore nan piinloob, ki Binnui naakuuk ni niib tee kobii ŋanloob nan piinna nan banniin, ki Bebai naakuuk ni niib tee kobii ŋanloob nan piinlee nan banniin, ki Asgad naakuuk ni niib tee tusaa ŋanlee nan kobii ŋantaa nan piinlee nan banlee, ki Adonikam naakuuk ni niib tee kobii ŋanloob nan piinloob nan banlore, ki Bigfai naakuuk ni niib tee tusaa ŋanlee nan piinloob nan banlore, ki Adinn naakuuk ni niib tee kobii ŋanloob nan piinŋmu nan banŋmu, ki Ater, wunba ki bi bia yiu Hesekia na, naakuuk ni niib tee piinyia nan banniin, ki Hasum naakuuk ni niib tee kobii ŋantaa nan piinlee nan banniin, ki Besai naakuuk ni niib tee kobii ŋantaa nan piinlee nan banna, ki Harif naakuuk ni niib tee kobik nan piik nan banlee, ki Gibeonn naakuuk ni niib tee piinyia nan banŋmu.

Nehemaya 8:4

Esra din see daat binbintir nba ki bi kpaa, ki li tee tintaanu maŋ yar na paake. Jab nba nae din see u niidiitu po: Matitia nan Sema nan Anaya nan Yuria nan Hilkia nan Maaseya. Ki binba na mun see u niigaŋ po: Pedaya nan Misael nan Malkija nan Hasum nan Has-badana nan Sekaria nan Mesulam.

Jeremaya 22:14

Daanɔ nba yet a, “N saa maa ŋajaanne ki tur n mɔŋ, ki maa ditɔɔtii nba tee dijaana na,” biiru be u paak. Nnae ki u tuu kɔɔn u ŋaak takorbona ki jii kpek taabii ki faŋir ki pentir bonmɔŋ.

Jeremaya 32:2

Li yoo na ki Babilonia kpanbar jab lek Jerusalem, ki sɔɔ ki bi soorin ki loonin kpanbar ŋaak dindouŋ niwa.

Jeremaya 33:1

Yoo nba ki n loo dindouŋ ni na, ki Yennu maan ŋamm baar n boor.

Jeremaya 37:21

Ki kpanbar Sedekaya te ki bi kparin u ŋaadindouŋ ni. N din be leŋe, ki bi nyi nan boroboro kunn, baa pur sian na, ki teenin daar kur, nan doo na ni jeet nba tan gbenn.

Jeremaya 38:13

ki bi dat nyinnin bunbunn na ni. Li poor po ki bi ji din te ki n be kpanbar na ŋaadindouŋ ni.

Jeremaya 39:8

Ki sɔɔ ki Babilonia jab na joo naan ŋaak nan niib na ŋei muu, ki bia bet Jerusalem joonjota.

Maika 4:8

Jerusalem, fin ŋarin tee siaminba ki Yennu be-e, ki tee nan pekpaarik na ki gorii u niib, a tan saa ŋamm teen digbangbeŋir, naan yent nba tuu tee a yar na ni.