Nehemaya 10:34 - Yennu Gbouŋ Mɔɔr

³⁴ Timm nba tee mannteeb, nan Liifai teeb, nan nileeb na tuu saa tɔ naatɔɔte binn kur, ki nyinn naakuut nba tuu saa tur daat, ki lin joo maruŋ bona nba ki bi mann ki teen ti Yomdaanɔ Yennu, nan sennu na nba wann biaŋinba na.

Nehemaya 10:34 ပူးပေါင်းရင်းမြစ်များ

1 Barkperii 24:5

Bi din tɔ naatɔɔte ki fit biit toona na deedee, kimaan Yennu ŋasaakak na ni saakab, nan Yennu toontunna saakab din be Eleasar nan Itamar yaaboona kura ni.

1 Barkperii 24:7

Baa din biit koonn piinlee nan ŋanna naakuuk na ni biaŋinbae na, ki bi waa leeb paak, sɔɔ kur nan u toonn: Naatɔɔt na din sint baa Jehoyarib paake, ki taar munlee ni, ki li baa Jedaya paak, ki Harinn wei muntaa ni, ki Seorim wei munna, ki Malkija wei munŋmu, ki Mijaminn wei munloob, ki Hakos wei munlore, ki Abija wei munniin, ki Jesua wei munyia, ki Sekania wei piik, ki Eliasib wei piik nan yenn, ki Jakim wei piik nan munlee, ki Hupa wei piik nan muntaa, ki Jesebeab wei piik nan munna, ki Bilga wei piik nan munŋmu, ki Imer wei piik nan munloob, ki Hesir wei piik nan munlore, ki Hapises wei piik nan munniin, ki Petahia wei piik nan munyia, ki Jeheskel wei piinlee, ki Jakinn wei piinlee nan yenn, ki Gamul wei piinlee nan munlee, ki Delaya wei piinlee nan muntaa, ki Maasia wei piinlee nan munna.

2 Barkperii 2:3

Solomonn din tun toomii Taya kpanbar Hiram boor ki yet a, “Ŋaant ti lakin kii di daak nan faa din tuu be nan n baa Defid biaŋinba ki din kɔiɔ kpek taabii a wun maa u ŋaak na.

Esra 3:5

Bi bia din tur yoo kur maruŋ nba jokin muu munn, ki pukin linba sii mann ŋmaapaaŋ jaamm ni nan marunlia nba ki bi mann yoo nba ki bi tikir a bin jiant Yennu, nan marinlia nba kur ki bi teen Yennu nan bi para na.

Nehemaya 11:1

Tɔɔndamm na din kar Jerusalem, ki leeb nba biar na tɔ naatɔɔt ki gann ŋayennkɔɔ, ŋei piik kur ni, a bin saan kɔɔ Jerusalem, kasii doo na ni, ŋaan ki leeb nba biar na n kɔɔ digbangbeŋa nan digbanbis nba biar na ni.

Nehemaya 13:31

N te ki bi sii baat nan daat nba ki bi sii jokin Yenpiinii nba ki bi baat nann na yoo nba jaŋ, ki bia te niib na sii baat nan bi Yenpiinii nba tee binn ni jeet kur sinsinn jaauŋ. Yennu, tiat linba na kur ki ŋammin.

Barjokit 18:18

Li-i tee yiikoo damm banlee piak ki biir leeb barbuboor, see ki bi boi Yennu ki la li barmɔnii.

Aisaya 40:16

Bonkobit nba kur be Lebanonn fɔɔr ni na maruŋ kan jaŋ Yennu, ki li tiinii na kur kan jaŋ li muu.

Liifai teeb 24:5

Jiin yon bɔrik-gbina piik nan ŋanlee ki teen boroboro kuna piik nan ŋanlee ki pur,

Liifai teeb 24:6

ki paan boroboro kuna maŋ chaabu munlee, teebul nba ki bi taanir nan salima na paak, ki paanir ŋanloob-loob, ki lii be Yennu tɔɔnn,

Nikant 28:2

a wun wann Israel teeb a: “Ii tuu baar nan jeet piinii nba ki bi saa joo muu na ki tur min Yennu, yoo nba ki n senn na, ki li nubiru saa maŋ min Yennu.

Toona 1:26

Baa miar Yennu ki gbenn yoo nba, ki bi tɔ naatɔɔt, a bin gann bi banlee maŋ ni yenɔ, ki Matias dii, ki bi jiiu ki pukinɔ toomiinba piik nan yenɔkɔɔ na ni.

Joosua 9:27

ŋaan teenib daaba, ki bi chɔɔn daat, ki bia lu nyun ki teen Israel teeb na, ki bia saa nann Yennu maruŋ binbintir boor. Nan mɔtana, ŋaan bi bia tuun nnae, siaminba ki Yennu gann ki li tee jiantu boor na.