Nehemaya 1:9 - Yennu Gbouŋ Mɔɔr

⁹ Ŋaan li-i tee ki i jen n boor, ki tun linba ki n senn na, maa lek bo yati tingbouŋ na kur po na, ŋaan n saa te yin jen siaminba ki n gann maa yii jiantirin na.’

Nehemaya 1:9 ပူးပေါင်းရင်းမြစ်များ

1 Kpanbara 8:48

Li-i tee ki bi mɔ kɔɔ bi biit paak nan barmɔnii, tiŋ maŋ ni, ki set tokin tiŋ nba ki a din tur bi yeejamm na, nan digbann nba ki a gann na, nan ŋaak nba ki n maa ki tura na,

1 Kpanbara 9:3

ki yetɔ a, “N gbat a miaru nawa. N ŋamm jiantu ŋasaakak nba ki a maa na, ki li tee siaminba ki bi sii jiantirin yaayoo nan yaayoo. N sii goriir ki guur yoo kur.

1 Barkperii 16:35

Ii yikin man ki yet a, “Ti tinntɔɔ Yennu, a tinnit, a taant bɔyennkɔɔ ni, ki fatit tingbouŋ na niib nuu ni, ki lin te tin fit tur a kasii sann niipoouk, ki dont a kasii sann na.”

Esra 6:12

Yennu nba gann Jerusalem ki li tee siaminba ki bi sii jiantirɔ na, wun biir bat koo digbann nba yêt sennu na, ki koor a wun biir jiantu ŋasaakak nba be leŋ na. Min Darius-e tur sennu na. Ii sakir fanu.”

Yaŋ 106:47

Ti Yomdaanɔ Yennu, tintit, ki nyinnit digbana na ni, ki tii mɔk niipoturu ki dont a kasii sann.

Yaŋ 107:3

ki nyinni tingaŋ ni, li yondo po nan yonbaa po, niigaŋ po nan niidiitu po, ki jen nani na.

Yaŋ 147:2

Yennu ŋammit Jerusalem-e, u jent nan binba ki datai din soorib ki yaat namm nae.

Aisaya 11:12

Yennu saa donn u nyinn fariŋ ki wann digbana nan u bia lakint Israel nan Juda niib nba yat nae, ki nyi namm durinya loka ŋanna kur po, ki jent namm.

Aisaya 27:12

Li daar, laa nyii Yufrates mɔkir ki saa tuu Ijipt teeb kpaar, Yennu saa tikir u niibe yenɔ yenɔ, nan nirɔ nba tuu boor dii ki lin nyi, ŋaan nyik fouŋ biaŋinba na.

Aisaya 56:8

Yabint Yennu nba nyinn u niib Israel teeb yommisin ni, tingaŋ ni, ki kpen namm na, senn mɔsonn nan u saa baar nan nileeb ki pukin bi paak.

Jeremaya 12:15

Ŋaan mi-i yaat namm, li poor po, n saa tinib ninbaauk. N saa jen nan nibooru kur bi tiɔŋ tiŋ ni, nan bi tiɔŋ digbann ni.

Jeremaya 3:14

“Yimm nba ki waa min Yennu na, jenin man, i tee n niibe. N saa nyinni yenɔ yenɔ doo kur ni, ki nyinni banlee-lee yeeja ŋaak kur ni, ki jen nani Sayɔnn kunkonn paak.

Jeremaya 31:10

Ki Yennu yet a, “Digbana, gbiintir ki turin, ki mɔɔnt n maan banfɔka mɔkgbiant. N yat n niiba, ŋaan n saa tikiribe kii guub, nan pekpaarik nba tuu guu u pei na.

Jeremaya 32:37

N saa tikir niib maŋ ki nyi namm digbana nba ni ki n wutoor din doo ki n par biir, ki n yatib ki saan namm na, ki jen namm nna, ki te bii be bi yamani.

Jeremaya 6:22

Ki Yennu yet a, “Niib nyi gaŋ po digbann, ki baat. Digbanpaarir nba fɔk bonchiann na tee tɔb siire.

Esekiel 14:6

“Mɔtana la, yetir Israel teeb na a linba ki min Yabint Yennu yeene na: Bin nyik bi pata na mannu, nan bi toonbilankant tumu, ŋaan jen n boor.

Esekiel 36:24

N saa nyinni booru kur ni, nan digbana kur ni, ki jen nani i tiɔŋ tiŋ ni.

Liifai teeb 26:3

“Li-i tee ki i gaar n sennii ki bia saak n wannu na,

Sekaria 8:7

N saa fat n niib na, ki nyinnib bi datai nba saan namm siaminba kur,

Matiu 24:31

Naatunn tan saa mɔ, ki n tun n malakanba ki bin saan ki tikir n nigannkab nba be tingbouŋ na kur po, ki baar namm.

Sennu 12:21

Li-i tee ki boyennkɔɔ jiantu boor na fɔk nani, ŋann i saa fit kpi nei koo pei nba Yennu turi na, ki ŋman i ŋei ni nan maa beti biaŋinba na.

Sennu 12:5

I booru kur nba be yent kur po, ŋɔɔ Yennu saa gann boyennkɔɔ boor nba ki i sii jiantirɔe.

Sennu 30:1

“Tɔn, mɔtana n teeni gannue ki jiin piisin nan mɔtont po. Li-i tee linba na kur baari, ki i ji be tiŋ nba ki i Yomdaanɔ Yennu yati na ni, ki i saa tiar linba ki n wanni na.