Nehemaya 1:5 - Yennu Gbouŋ Mɔɔr

⁵ “N Yomdaanɔ Yennu nba be Yendɔuŋ ni, a tee Yenjaanne, ki ti tiina jaŋmaanii. A dia a mɔlora fanu nan binba loona ki bia saak a mɔb.

Nehemaya 1:5 ပူးပေါင်းရင်းမြစ်များ

1 Kpanbara 8:23

ŋaan miar Yennu a, “Israel teeb Yomdaanɔ Yennu, yensau ji kaa sanpaapo koo tingbouŋ na ni, ki tee nan fin na. A dia a mɔlor nan a niib, ki bia wantib a lomm, yoo nba ki bi sak a mɔb nan bi para kura.

1 Barkperii 17:21

Digbann siar ki be tingbouŋ na ni ki tee nan Israel teeb nba ki a nyinnib yommisin ni, ki teemm a tiɔŋ niib na. Toonjaana nan bakitnauŋ toona nba ki a tun ki turib na mɔɔnt a sann, ki gbenn durinya kur powa. A niib nba ki a fat nyinnib Ijipt tiŋ ni, baa yaa bin kɔɔ bi tiŋ ni na, ki a ber nyinn digbanlia na niib.

Esra 1:2

“Sennu nba nae ki min Sairus nba tee Peesia kpanbar na senn. Yennu nba tee sanpaapo Yennu nae turin durinya na kur naan, ki bia yetin a man maa jiantu ŋasaakak na Jerusalem nba be Juda tiŋ ni na ki turɔ.

Nehemaya 2:4

Ki kpanbar na boin a, “A loon bee?” Ki n miar Yennu nba be Yendɔuŋ ni na,

Nehemaya 4:14

N din la nan niib na para biire; ki n yet ŋamm nan bi tɔɔndamm nan bi toontunna saakab a, “I daa tiin ti datai na jaŋmaanii. Tiat man Yennu nba tee Yenjaann, ki bia tuun bakitnauŋ toona biaŋinba, ki kɔn ki tur i doo teeb nan i waas nan i ŋaapoob nan i ŋei.”

Nehemaya 4:8

ki bi kur taan leeb ki lor a bin baar lek Jerusalem, ki ŋmatir n baar.

Nehemaya 9:32

“Yennu, ti Yennu, a mantik tee Yenjaanne. A tee jaŋmaansooruk nan yiikoo daanɔe. A dia a mɔlor nba ki a din senn na nan barmɔnii. Laa nyii yoo nba ki Asiria kpanbara din dintit biak na ki tan tuu mɔtana, ti mantik dii farawa. Ti kpanbara, nan ti tɔɔndamm, nan mannteeb, nan a sɔkiniinba, nan ti yeejamm, nan ti niib na kura dii biaka. Tiat taa mantik dii fara biaŋinba.

Yaŋ 47:2

Ŋaant ki tin chɔrin yabint daanɔ Yennu nba gar sɔɔ kur na, ŋɔɔe tee kpanbar jaann nba dia tingbouŋ munn.

Yaŋ 76:8

Yennu, a mɔɔnt a buut yendɔuŋ niŋa, yoo nba ki a fiir a fan bu ki somm binba ki bi diimm tiŋ na paak na, ki jaŋmaanii kɔɔ tingbouŋ na, ki u ŋmin soon.

Yaŋ 89:2

N saa wann nan a lomm see-e kenken yoo kur, ki bia wann nan a barmɔnii binbeŋ be-e fanu nan sanpagbouŋ na.

Yaŋ 89:3

A din yet a, “N senn n mɔlor nan nirɔ nba ki n ganne. N senn mɔsonn nan n toontunnɔ Defid-e a,

Yaŋ 89:8

N Yomdaanɔ Yennu, sɔɔ ki be ki tee nan fin na. Yennu, fine tee yabint daanɔ, ki mɔk barmɔnii binbeŋ bona kur ni.

Nyinu 20:6

ŋaan want n lomm ki teen binba loonin ki saak n mɔb na yaaboona tusaa tusaa.

Sennu 7:12

“Li-i tee ki i gbiint sennu na ki sakir fanu, ŋann i Yomdaanɔ Yennu saa tukin nan u mɔlor, ki bia wanni u lomm nba yɔɔ be na, nan waa senn mɔsonn tur i yeejamm na.

Sennu 7:21

Li paak, i daa tiin niib maŋ, kimaan i Yomdaanɔ Yennu be nani. U tee Yenjaanne, ki tee wunba ki i sii tiinɔ ki teenɔ baakir.

Sennu 7:9

Ii mi man nan i Yomdaanɔ Yennu kɔɔe tee Yennu, ki tee barmɔnii daanɔ, ki dia u mɔlor nan u ninbatinu ki teen binba loonɔ mɔtana, nan yaaboona nba saa wei tusir.