Nahum 3:4 - Yennu Gbouŋ Mɔɔr

⁴ Ninefe doo nba tee nan bonchonchonn na la tubdatuwa. U fane, ŋaan gbee nan dudukbiit, ki kpar digbana, ki teemm yommii.

Nahum 3:4 ပူးပေါင်းရင်းမြစ်များ

Aisaya 47:8

“Fin nba loon manu na, gbiintir linba na. A dukii nan a be a yamanie, ki be fanu. A dukii nan a tee nijaann nan Yennu nae, ki sɔɔ kaa ki tee nan fin na. A dukin nan a kan ban teen pakɔɔk, koo ki kɔŋ a waasi.

Aisaya 47:9

Ŋaan dayenn kɔɔ ni, yoo waaminnae, ki bona ŋanlee na kur saa kpab tun. Nan a nyɔku nba ki a tee na kur, ŋaan a saa kɔŋ a sɔrɔ nan a waasa.

Esekiel 16:35

Ki Yennu ŋamm yet a, “Jerusalem, fin bonchonchonn na, gbiintir linba ki min Yennu piak.

Fiitu 18:23

ki fitir yentu ji kan yent doo maŋ ni; ki jakunt nan pookɔɔnt ji sii kaa leŋ biaki. Doo maŋ ni kpinkpentae tuu tee tingbouŋ na paarib, ki doo maŋ niib bia lin dia nyɔkii ki kpann tingbouŋ na niib kur;

Fiitu 18:9

Tɔn, tingbouŋ na kpanbara nba chomm nanɔ ki dii u mant na, bi-i taŋi la u mudinu munyuut na, bi saa bui ki fabin u paak.