Nahum 2:11 - Yennu Gbouŋ Mɔɔr

¹¹ Doo nba din tee nan fɔru nba gbee nan yanbɔra na, ki tee siaminba ki bi goon yanbɔrbis na, ki bia tee siaminba ki yanbɔrjai nan yanbɔrnaanii sii lin, ki bi bonbis be bi yamani na ji be lia?

Nahum 2:11 ပူးပေါင်းရင်းမြစ်များ

Pinpiik 49:9

Juda tee nan yanbɔr nba tuu soor u jeet, ŋaan ŋmat u liar ni ki tantir u mɔŋ, ki dɔɔ tiŋ ni nae. Ki sɔɔ ki mɔk par nan wun daamiiɔ.

Aisaya 13:7

Sɔɔ kur nii sii sɔɔn, ki sɔɔ kur saa kɔŋ dindann.

Aisaya 31:4

Ki Yennu pakin a, “Pekpaarii-i lekii yikin ki hoot biaŋinba, ŋaan bi kan fit ber yanbɔr, bonkobuk nba ki u kpiiu na boori; nnae mun, ki siar kaa ki saa gɔɔr min Yabint daanɔ Yennu, ki n kan guur Sayɔnn kunkonni.

Aisaya 5:29

Jab na gaan jat nan yanbɔra nba tuu kpi bonkobuk ki jii u nant ki kɔɔ nann muuk siaminba ki sɔɔ kan lab ki fat nae.

Jeremaya 2:15

Bi gaan jat u paak nan yanbɔra nae, bi kpant u tiŋ kunkoouko, ki u doi teen langbent ki dɔɔ yann.

Jeremaya 4:7

Yanbɔr nba tuu nyi u bɔr ni ki baat biaŋinba na, nnae ki digbana biirtɔɔ na nyii ki baat. U baat a wun biir Juda-e. Juda doi saa biar langbente, ki sɔɔ kan kɔɔ leŋi.

Jeremaya 50:17

Ki Yennu yet a, “Israel teeb na tee nan pei nba ki yanbɔr weib ki yatib nae. Sinsinn, Asiria kpanbare din lekib, li poor po ki Babilonn kpanbar Nebukanesar yeer bi kpaba.

Jeremaya 50:44

“Biaŋinba ki yanbɔr tuu nyi fɔɔr nba bɔɔk Jɔɔdann mɔkir ki do mɔpaauŋ ni na, nnae ki min Yennu saa baar ki te Babilonn teeb n kpir chiar ki nyi bi doo ni. Ki tɔɔndaanɔ nba ki n gann na sii dia digbann na. Ŋmee ki bi saa yekinɔ nanimi? Ŋmee mɔk par ki saa yek nanimi? Kpanbar lanɔe saa fit kɔn nanimi?

Esekiel 32:2

“Nisaarik, turin Ijipt kpanbar ninmɔnn kpaanii na. Betirɔ mɔmaan nba saa nyi n boor na a: A dukii nan a binbeŋ tee nan yanbɔr nba tuu be digbana ni nae, ŋaan a binbeŋ tee nan bantɔuŋ nba be nyun ni, ki tuu gbit nyun nan u taa biaŋinba na.

Joel 2:6

Baa nakin yoo nba, ki jaŋmaanii soor sɔɔ kur, ki sɔɔ kur numpo penn.

Maika 5:6

Ki kunkɔnkɔnna na saa weib nan mabir ki kɔn nyann Asiria, linba tee Nimrod tiŋ na. Ki bi saa fatit Asiria teeb maŋ nuu ni, yoo nba ki bi lek ti yent.

Nahum 2:12

Ki yanbɔr na soor bonkobuk, ki patɔ burii burii, ki tur bonnaaŋ nan u bonbis, ki gbeen u fɔru na nan nanchiat.

Nahum 3:1

Biiru be fai damm nba tee nikpiirit na doo paak, doo nba gbee nan gor, ki bi tan saa gaarir, ki bia fatir tɔbii ni.

Sefania 3:3

Doo maŋ toontunna yudamm na tee nan yanbɔra nae, ki li barbuura tee nan kinkata na, bi mɔk jawuuk bonchiann, ki kan ban tenn kpabiri.

Nikant 23:24

Israel teeb tee nan yanbɔr nba mɔk paŋ, ki ki foi see ki u tan pat pat, ki dii, ki bia nyuu linba kur ki u kpii na sɔn nae.”