Nahum 1:5 - Yennu Gbouŋ Mɔɔr

⁵ Ki jɔfɔkit jekir Yennu tɔɔnn, ki kunkona tuu nann u numm ni. Yennu-i lekit yoo nba, tiŋ tuu jekire; ki durinya na nan li niib kur jekir nan jaŋmaanii.

Nahum 1:5 ပူးပေါင်းရင်းမြစ်များ

2 Samuel 22:8

Yennu din donn wutoore, ki tingbouŋ na damm ki jekir, ki sanpaak bia damm, ki jekir.

JOB labaar 26:11

Wuu taŋi ŋak jaantarii nba dia sanpaak na yoo nba, ki bi damm ki jekir nan jaŋmaanii.

JOB labaar 9:5

Ki u chari jɔjaana ŋaan ki ki beerib, ki biirib nan u wutoor.

Yaŋ 104:32

Wuu got tingbouŋ, li jekire, wuu sii jɔjaana ki li nyi munyuut.

Yaŋ 114:4

Ki jɔjaana mɔbit nan buunii na, ki kunkona yuuk nan pebis na.

Yaŋ 114:6

Yimm jɔjaana na, bee teen ki i mɔbit nan buunii na? Ki yimm kunkona mun, bee teen ki i yuuk nan pebis na?

Yaŋ 18:7

Ŋanne ki tingbouŋ damm ki nik, ki jɔjaana fiaka bekint ki jekir; kimaan Yennu wutoor doowa.

Yaŋ 18:8

Ki munyuut nyii u manbonii ni, ki mupeenu nan musankɔɔna nyii u mɔb ni.

Yaŋ 46:6

Yennu kunkɔr tant, ki tingbouŋ nann, ki jaŋmaanii soor niib na, ki digbana baa.

Yaŋ 68:8

tingbouŋ din jeke, ki sanpagbouŋ loot, ki saak baa, kimaan fin Yennu nba yen Sainai jɔɔr na din baate, fin nba tee Israel teeb Yennu na.

Yaŋ 98:7

Mɔkgbeŋir nan linba be leŋ kur, ii fu man; tingbouŋ nan linba be leŋ kur, ii yiin man.

Nyinu 19:18

Sainai jɔɔr na kur po din loo nan munyuute, kimaan Yennu din sik nan muu, jɔɔr maŋ paake. Munyuut na din doo sanpaapo, ki tee nan mutunn munyuut nae, ki jɔɔr na damm bonchiann.

Aisaya 24:1

Yennu saa biir tingbouŋ na ki nyikir yann. U saa kut ŋmat tingbouŋ na, ki yat li niib.

Aisaya 24:20

Tingbouŋ maŋ saa niŋ nan dayibirɔ nae, ki saa laŋ nan wouŋ nba tuu laŋ lanbouŋ biaŋinba na. Durinya na biit kpiakire, ki saa te lin baa ki kan ban fiiri.

Aisaya 5:25

Yennu wutoor doo u niib paak, ki u tant u nuu a wun dat bi tuba. Kunkona nba fɔk na saa damm, ki binba kpo na gbanant saa biar dɔɔ sɔnii ni nan mɔɔt na. Ŋaan Yennu wutoor lek kan maaki, ki u nuu sii tian a lin dat niib tuba.

Jeremaya 10:10

Ŋaan fin Yennu-e tee barmɔnii Yennu, ki tee Yennu nba fo na, ki bia tee kpanbar yaayoo siiyoo. A wutoor-i doo yoo nba, durinya tuu jekire; digbana kan fit dia a wutoor.

Jeremaya 4:24

Ki n got jɔjaana ki sɔɔ ki bi jekir, ki kunkona labin.

Esekiel 38:20

Ki janbooru kur, nan nɔɔnii, nan bonkob-gbeŋa, nan bonbis kur, nan nisaarik kur nba be tingbouŋ na paak, tan saa tinin jaŋmaanii ki jekir. Jɔjaana saa bit, ki tanjagbent saa yakit buri buri, ki joonn kur saa baa tiŋ ni.

Joel 2:10

Baa baar yoo nba, ki tiŋ jek, ki sanpagbouŋ waa gbar gbar, ki yonnu nan ŋmaarik bɔnn, ki ŋmaabira ji ki nyiiri.

Amos 9:5

Yomdaanɔ Yabint Yennu tuu sii tingbouŋ nae ki lin jekir, ki binba kur be li ni na bui fabin. Ki durinya na kur saa do ki tan ŋmat sik nan Ijipt mɔkir na.

Maika 1:4

Ki jɔjaana na saa nann u yaaka ni, nan sagbouŋ nba tuu baa muu ni ki nann biaŋinba na. Jɔɔt na saa kpaar sik baat, nan nyun nba tuu nyi kunkonn paak ki kpaar sik biaŋinba na.

Habakuk 3:10

Yoo nba ki jɔfɔkit na got ki la-a na, ki bi jekir, ki nyun nyii sanpagbouŋ ni ki baa. Ki nyun nba be tingbouŋ na lɔŋ ni na fu fuut, ki li nyunpana kpaatir do.

Sekaria 4:7

Bonjarkara nba gbeŋ nan jɔfɔkit na, ŋaan li kur saa mirinte a tɔɔnn. A saa ŋamm maa jiantu ŋasaakak na, ki fi-i taŋi paan tanjoontik na yoo nba, niib na saa yikin a, ‘Li fan, li fan.’ ”

Malakai 4:1

Yabint Yennu yet a, “Daar baate, ki karinbaandamm nan toonbiit damm na tan saa di muu nan kinkaka na. Li daar maŋ, bi saa di boonte, nan bi siara kan biari.

Matiu 27:51

Li yoo na ki chinchenn nba tuu jɔɔn ki puun Yenjiantu ŋasaakak sinsuuk ni na bɔkit li yur paak ki tan sik tiŋ ni; tiŋ din damme, ki tanpiit bɔkit,

Matiu 28:2

Tɔn, tiŋ din damm bonchiann, kimaan Yennu malakae nyii sanpaapo sik, ki tan bikit katangbeŋir na ki loot kamɔb, ki ŋmant kar li paak.

Fiitu 20:11

Ki n bia la naangboungbeŋir nba peen bonchiann, nan wunba kar li paak na; ki tingbouŋ nan sanpaak mir bot u tɔɔnn, ki sɔɔ ji kan mi lar.

Fiitu 6:14

Ki sanpaak pɔbin pɔbin nan gbanpɔɔbir na ki bot, ki kunkona nan gbingbana kur chat chat siaminba ki li tuu be na.

Barbuura 5:5

Kunkona nba fɔk na din jekir, Yennu nba din sik nan satianii Sainai jɔɔr paak na tɔɔnn. Ŋɔɔe tee Israel teeb Yomdaanɔ Yennu.