Barŋanii nba ki MAK din sɔb nae na 7:5 - Yennu Gbouŋ Mɔɔr

⁵ Ki Farisiinba nan sennu wannteeb maŋ boi Yiisa a “Bee ki a poorpoweiteeb na ki dia ti damm kaar nba ki ti yeejamm din wannit na, ŋaan kpan di jeet ki ki nit bi nii?”

Yennu Gbounpaauŋ Mɔɔr

⁵ Ki Farisiinba nan sennu wannteeb maŋ boi Yisa a “Bee ki a poorpoweiteeb na ki dia ti damm kaar nba ki ti yejamm din wannit na, ŋaan kpan gbia bi di jeet ki ki nit bi nii?”

Barŋanii nba ki MAK din sɔb nae na 7:5 ပူးပေါင်းရင်းမြစ်များ

Matiu 15:2

“Bee ki a poorpoweiteeb ki waa ti yeejamm kaari? Kimaan bi ki waa ti kaar nba yaa ti tuu nit ti niiwa ki di na.”

Barŋanii nba ki MAK din sɔb nae na 7:13

Yaa want niib kaar maŋ biaŋinba na, ŋaan i yêen Yennu bariie na. I bia tee bonlia bonchiann ki li tee linba na booru.”

Barŋanii nba ki MAK din sɔb nae na 7:8

Ki Yiisa tukin yet a “I bakin Yennu sennue ki bir siar powa, ŋaan sak nisaarii kaar nba want linba.

Barŋanii nba ki MAK din sɔb nae na 7:9

Yimm, i lek yêt Yennu sennu weiu, a yin dia i mɔŋ mɔŋ kaare;

Toona 21:21

ki bia gbat a po, a a tuu want Juu teeb kura nba be boorganu tinii ni a bin yêt Moses sennu, ki bia beerib a bi daa porii bi waas puna, ki bia daa waa Juu teeb sennii na.

Toona 21:24

Tɔn, fin nan ŋamm-ii saa ki saa ŋamm i mɔŋ, ŋaan ki a pa likirii bi paak, ki bin koor bi yura, ki sɔɔ kur n fit bann nan maan nba ki bi tuu piak a po na ki tee mɔnii kaa, ŋaan a mɔŋ poŋ waa Moses sennu maŋ nan li sɔnu.

Rom Teeb 4:12

Abraham tee binba pot na mun yaa baae, li ki tee baa pot na paak kaa, ŋaan baa bia teen Yennu yada nan biaŋinba ki ti baa Abraham din teen na, u din teen yadaewa ki tan pot; bi yada paake ki Abraham tee bi baa.

Galasia teeb 1:14

Timm Juu teeb jiantu sɔnu ni, mine din gar tɔɔnn ti waakir ni, kimaan n din jii n par kura ki waa ti yeejamm kaar nba want linbae.

2 Tesalonika teeb 3:11

Ti gbia a siab be i sinsuuk ni ki ki loon toona, ŋaan lin kɔɔ bi leeb barii nie, li paake ki ti beeri linba na.

2 Tesalonika teeb 3:6

Ti naa waas, ti Yomdaanɔ Yiisa Masia sann nie ki ti beeri, ii nyinn i mɔŋ ti naa wasiat nba tee gbannyakdamm ki bia ki waa taa daan turi kpaanii nba na.