Barŋanii nba ki MAK din sɔb nae na 4:40 - Yennu Gbouŋ Mɔɔr

⁴⁰ Ŋanne ki u boi u poorpoweiteeb maŋ a “Bee ki i tiin jaŋmaanii? I daa ki teen Yennu yada-a?”

Yennu Gbounpaauŋ Mɔɔr

⁴⁰ Ŋanne ki u boi u poorpoweiteeb maŋ a “Bee ki i mɔk gbananjekinti? I bia daa ki mɔk yada-aa?”

Barŋanii nba ki MAK din sɔb nae na 4:40 ပူးပေါင်းရင်းမြစ်များ

Aisaya 42:3

U tan kan kɔnn lanbankɔɔnn ki tonti, ki bia tan kan kpeen fitir nba ki di fanu. U saa baar nan mamɔmm nba yɔɔ be-e sɔɔ kur paak.

Aisaya 43:2

Yi-i sik nyun sunsuŋ ni, ŋaan n sii be nani. I daamii kan nyanni. Yi-i kɔɔ muu ni, ŋaan li kan di-i; ki bonpaarir nba baarii, ŋaan li kan teeni siari.

Matiu 14:31

Ki Yiisa tant nuu yiama ki soorɔ, ŋaan boiɔ a “Fin yadkanpɔɔnn na, bee ki a birisimi?”

Matiu 16:8

Ŋanne ki u bann baa yeen linba maŋ, ki boib a “Yimm yadkanpɔɔna damm na, bee ki i beer i leeb nan yaa ki baar nan boroboro na paake?

Matiu 6:30

Yennu-i faŋit mɔɔt nba be dinna, ŋaan wonn ki bi joo muuwa na, u kan lannini-i? Yimm yadkanpɔɔna damm na!

Matiu 8:26

Ki Yiisa yetib a “Yimm yadkanpɔɔna damm na, bee ki i tiin jaŋmaanii?” ŋaan fiir ki tian wouŋ nan nyunpana na paak a bin ŋmin, ki bi set ŋmin soon.

Barŋanii nba ki MAK din sɔb nae na 4:41

Ki jaŋmaanii soorib bonchiann, ki bi boi bi leeb a “Niboor bee na? Wouŋ nan nyunpana gbaa saak u mɔbe.”

Barŋanii nba ki LUK din sɔb nae na 8:25

Ki u jiant boi u poorpoweiteeb na a, “I ki teenin yada-a?” Ki jaŋmaanii din soorib, ki li bia yaar litib, ki bi boi bi leeb a “Jaboor bee na? Ki u yeen ki wouŋ nan nyunpana saak u mɔbu.”