Barŋanii nba ki MAK din sɔb nae na 4:39 - Yennu Gbouŋ Mɔɔr

³⁹ Ki u fiir set ki tian wonpaaruk na paak, ki bia bet nyunpana na mun a “Dɔɔt soon nna.” Ki wonpaaruk maŋ nyik, ki nyun na mun ji dɔɔ ki muu dik dik.

Yennu Gbounpaauŋ Mɔɔr

³⁹ Ki u fiir set ki tian wounpaaruk na paak, ki bia bet nyunpana na mun a “Dɔɔt soonna.” Ki wounpaaruk maŋ gbenn, ki nyun na mun ji dɔɔ ki muu dik dik.

Barŋanii nba ki MAK din sɔb nae na 4:39 ပူးပေါင်းရင်းမြစ်များ

JOB labaar 38:11

ki yetir a, “A tuu saan ki dian nna, ŋaan daa gaar, ki a nyunpana na n tuu dian nna na.”

Yaŋ 107:29

U din te ki wonpaaruk na maak, ki nyunpana na dɔɔr.

Yaŋ 148:8

li sanyikintii nan sakaana, nan wunn nan sanpagbant, nan wonpaaruk nba saak u mɔb na.

Yaŋ 29:10

Yennu mɔk yiikoo mɔkgbeŋa na paak. Yennu-e tee kpanbar mɔkmɔk nan mɔkmɔk.

Yaŋ 65:7

Mɔka nyunpana nba fi biaŋinba, ŋaan fine te ki li baŋit, ki fit so nyunpana fuur; ki niib-i tɔɔ jat paak, fine fit sikint bi wutoa.

Yaŋ 89:9

Ki a ŋmakitir mɔkgbeŋa, ki yoo nba ki li nyunpana fiiri, ki a tuu te lin diŋ.

Nyinu 14:16

Dont a patu kii diar sanpaapo ki tokin mɔkgbeŋir na, ki nyun na saa bɔkit, ki Israel teeb na saa somm mɔkgbeŋir na ni tinkooŋ, ki poot.

Nyinu 14:22

ki Israel teeb somm tinkooŋ, mɔkgbeŋir na ni, ki poot, ŋaan ki nyunjoona see gaŋ nan diitu po kura.

Barjokit 8:29

nan yoo nba ki u yet nyun nba be mɔkgbeŋir ni na a lii mi ki lin do gar waa wann biaŋinba na. N din be yoo nba ki u bir tingbouŋ na fiakir.

Jeremaya 5:22

n tee Yennu-e. I kan tinin jaŋmaanii-i? I bo kii baantir kaa n boori-i? Mine nan tanbiiuŋ ki li kɔr mɔkgbeŋir, ki tee kɔru nba ki li kan ban yakir li paak yaayoo siiyoo. Nyunpana sii labin ki mɔk fuut, ŋaan kan fit do li paak.

Fabinii 3:31

Yennu mɔk ninbatinu, ki kan nyikit fas fasi.

Nahum 1:4

U yeen mɔkgbeŋir ki li fɔɔt, ki te mɔka fɔɔt, ki te Basann tiŋ koot, ki te Kamel kunkonn mɔɔt koot, ki bia te Lebanonn tiŋ ni tipuuk suur.

Matiu 8:26

Ki Yiisa yetib a “Yimm yadkanpɔɔna damm na, bee ki i tiin jaŋmaanii?” ŋaan fiir ki tian wouŋ nan nyunpana na paak a bin ŋmin, ki bi set ŋmin soon.

Barŋanii nba ki MAK din sɔb nae na 4:38

Li yoo Yiisa din dɔɔ burgbetir maŋ poor po ki kpaak yukpakitir ki gɔɔnt. Ŋanne ki u poorpoweiteeb fiinɔ ki yaa, “Chanbaa, taa yaa ti kpo na, a baka kaa ti po-o?”

Barŋanii nba ki MAK din sɔb nae na 9:25

Yiisa nba la ki nibur na ŋammit tut baat bi boor na, ki u tian narinbiiuk na paak a “Fin narinbimutuukpaar na, mine tura mɔb, nyimin u ni ki ji daa mi jent u ni.”

Barŋanii nba ki LUK din sɔb nae na 4:35

Ki Yiisa yakii nan narinbiiuk maŋ a, “Ŋminin fuut, ŋaan nyi jɔɔ na ni.” Ki narinbiiuk na lu jɔɔ na tiŋ ni, bi sinsuuk ni, ŋaan nyii u ni; waa lek lu-u tiŋ ni na, ŋaan u ki paanɔ daŋi.

Barŋanii nba ki LUK din sɔb nae na 4:39

Ki Yiisa baar ki set waa dɔɔ siaminba na, ŋaan tur yiaru na mɔb, ki li gbenn; ki poo na fiir yiama ki teemm saauŋ.

Barŋanii nba ki LUK din sɔb nae na 8:24

Ki u poorpoweiteeb na baar ki fiintɔ ki yi a “Chanbaa, chanbaa, ti be kuun nie.” Ki u fiir ki tian wouŋ nan nyunpana na paak a bin ŋmin, ki li ji din maak ki ŋmin soon.