Barŋanii nba ki MAK din sɔb nae na 15:32 - Yennu Gbouŋ Mɔɔr

³² Juu teeb bat nba tee Yennu Niganntɔɔ Masia na n nyi dapunpunn na paak ki sik mɔtana, ki tin la ki teenɔ yada.” Ki binba ki bi pukimm u po ki kpaab na mun bia sukiiɔ.

Yennu Gbounpaauŋ Mɔɔr

³² Juu teeb Bat nba tee Yennu Niganntɔɔ Masia na-n nyi dapunpunn na paak ki sik nna mɔtana, ki tin la ki teenɔ yada.” Ki binba ki bi pukin u po ki kpaab na mun sukiiɔ.

Barŋanii nba ki MAK din sɔb nae na 15:32 ပူးပေါင်းရင်းမြစ်များ

Aisaya 44:6

Yabint Yennu nba dia Israel teeb, ki bia guub na piak a, “Mine tee pinpiik nan joontu, ki tee Yen-yemmir, yensau ji kaa ki pukin n po.

Sefania 3:15

Yennu nyik i tubdatu nawa, u nyinn i datai kura. Yennu nba tee Israel teeb kpanbar na be nani. I ji daa tiin jaŋmaanii.

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Matiu 1:17

Laa din nyii Abraham yoo ki tan tuu Defid yoo din tee yeejamm piik nan bannae. Ki Defid yoo ki tan tuu yoo nba ki bi din soor niib maŋ ki saan namm Babilonn na, din tee yeejamm piik nan banna. Laa din nyii li yoo ki tan tuu Masia maaru yoo, mun din tee yeejamm piik nan bannae.

Matiu 27:42

ki yeen a “U tuu tint leebe, ŋaan kan fit tinn u mɔŋi. Tɔn, u yaa u tee Israel teeb bate, wun sikin u mɔŋ dapunpunn na paak ki tin mantik teenɔ yada.

Matiu 27:44

Ki baa kpaa fat-teeb nba banlee ki pukin u po na mun bia sarikitɔ nna.

Barŋanii nba ki MAK din sɔb nae na 15:26

Bi din sɔb baa yaa bi la u biit nba na, ki tabin u dapunpunn na paak a, “Juu teeb Kpanbar maŋe na.”

Barŋanii nba ki MAK din sɔb nae na 15:27

Bi bia din kpaa fat-teeb banlee dapunpuna paak ki pukin u po, ki yenɔ be u niidiitu po, ki lɔɔ na mun be u niigaŋ po.

Jɔɔnn 1:49

Ki Natanael yetɔ a, “Wanntɔɔ, a tee Yennu Bijae, ki bia tee Israel teeb kpanbar.”

Jɔɔnn 12:13

Ki bi ji ŋat biabfaat ki che a bin tookɔ, ki yikin sanpaapowa a, “Hosaana, Piisin-ii be wunba baat Yennu sann ni na paak. Yennu n teen piisin timm Israel teeb kpanbar paak.”

Rom Teeb 3:3

ki bi siab-i diŋi kii dia bi mɔsonn, li want nan Yennu ki dia u mɔsonni-i?

2 Timoti 2:18

Bi ki want niib barmɔnii labaar, ŋaan tuni siab yada ki yaa kuun fiiru yoo na poŋ baar gara;