Barŋanii nba ki MAK din sɔb nae na 13:33 - Yennu Gbouŋ Mɔɔr

³³ Ii mi man, kii chek, kimaan i ki mi yoo nba ki n saa jeni.

Yennu Gbounpaauŋ Mɔɔr

³³ I gorii man, kii mi man, kimaan i ki mi yoo nba ki n sa jeni.

Barŋanii nba ki MAK din sɔb nae na 13:33 ပူးပေါင်းရင်းမြစ်များ

Matiu 25:13

Yiisa bia din betib a “Ii mi man, kimaan i ki mi daar nba koo yoo nba ki min i Yomdaanɔ tan saa jeni.”

Barŋanii nba ki MAK din sɔb nae na 13:23

N poŋ beti bonsiar kurewa, ki yoo maŋ daa ki baari. Ii chek man fanu.

Barŋanii nba ki LUK din sɔb nae na 12:40

Yimm mun-ii teen siir kii guu, kimaan min nisaarik Bik tan saa jen yoo nba ki i ki daanime.”

Rom Teeb 13:14

Ii tee nan ti Yomdaanɔ Yiisa Masia nba tee biaŋinba na, ŋaan nyik i gbanant loonbiit, ki ji daa dukii li po.

1 Korint teeb 16:13

Ii guu man kii be fanu i yada ni, kii mɔk par nan paŋ.

Efesus teeb 6:18

Ii mei Yennu yoo kur nan ninmɔnn, u Seyeeŋ nba sommiti biaŋinba na; ki chekin i mɔŋ nan gbankur ki pukin Yenmiaru kii teen Masiaweira kura,

Kolosa teeb 4:2

Ii yiab nan Yenmiaru man, kii mei ŋɔɔ Yennu nan ninmɔnn, kii teenɔ niipoouk,

Hiibru teeb 12:15

Ii chek man ki tan daa kɔŋit Yennu ninbatinu na. I sɔɔ daa mɔk tonu u par ni, ki li tonu na n baar nan parbiir leeb paak, ki biir niburchiɔŋu.

1 Piita 4:7

Bona kur gbennu ji ki fɔk; li paak, ii soor i mɔŋ kii sub ki fit kii mei Yennu.

1 Piita 5:8

Ii dia i mɔŋ man, kii mi i dataak nba tee Sintaanii na po; u line nan yanbɔr na, ki loon wun la sɔɔ ki soor.

Fiitu 16:15

Tɔn, Yiisa yet a “Nnara, n baat nan nanyukɔ nba tuu baar biaŋinba nae. Parpeenn be daanɔ nba ki gɔɔnt, ki lia u tiat ki ki somm yanni, ki niib kan la u fei na paak.”

Fiitu 3:2

Li paak, fiit man ki yabir ki i binbeŋ nba biar na daa kpenn gbenti, kimaan toona nba ki i tuun na ki gboot Yennu nummi.