Barŋanii nba ki MAK din sɔb nae na 13:32 - Yennu Gbouŋ Mɔɔr

³² “Sɔɔ ki mi daar maŋ koo yoo nba ki n saa jeni; malakanba nba be Yendɔuŋ ni ki mi; min Yennu Bija bia ki mi; n Baa Yennu kɔɔe mi.

Yennu Gbounpaauŋ Mɔɔr

³² “Ŋaan sɔɔ ki mi li daar maŋ amii yoo nba ki n sa jeni; malakanba nba be Yendɔuŋ ni ki mi; min Yennu Bik bia ki mi; n Baa Yennu kuukɔɔe mi.

Barŋanii nba ki MAK din sɔb nae na 13:32 ပူးပေါင်းရင်းမြစ်များ

Matiu 25:13

Yiisa bia din betib a “Ii mi man, kimaan i ki mi daar nba koo yoo nba ki min i Yomdaanɔ tan saa jeni.”

Matiu 25:19

“Li din yukir bonchiann, ki ŋaadaanɔ maŋ tan jen, ki yiin u daaba na, a wun kan bi likirii maŋ, ki la baa la nyɔɔt biaŋinba.

Matiu 25:6

“Ki tansuunii ki bi tan gbat kunkɔr a ‘Gotir, pooyookir sɔrɔ nae baat na. Nyin man ki tookɔ.’

Barŋanii nba ki MAK din sɔb nae na 13:31

Sanpaak nan tiŋ tan saa gara, ŋaan n maan ŋarin kan mi gar faba.

Toona 1:7

Ki Yiisa yetib a, “Li ki lai nan yin bann yoo nba ki n Baa Yennu senn a lin tun na; ŋɔɔe mɔk yaak ki senn u yoo.

2 Piita 3:10

Ti Yomdaanɔ daar maŋ baaru tan sii tee nan nanyukɔ baaru nae. Li daar maŋ, sanpaapo saa gbenn nan fujaann; ki muu nba di bonchiann tan saa di sanpaapo bonsiar kur, ki tingbouŋ na nan bonsiar kur nba be leŋ tan saa di muue ki boont.

Fiitu 1:1

Maan nba ki Yiisa Masia din fiit na sɔb gbouŋ na nie. Yennu-e din turɔ maan maŋ a wun wann u toontunna linba saa teen mɔtana. Masia din tun u malaka, u toontunnɔ Jɔɔnn boor, a wun betɔ maan maŋ kur.

Fiitu 3:3

Li paak, ii tian man wannu nba ki i din gbat ki waa na. Ii diar man ŋaan nyik i toonbiit na tumu, ŋaan li-i tee ki i ki fiir, n saa baar i boor nan nanyukɔ nba tuu baar biaŋinba nae, ki i kan bann n baaru yoo.