Barŋanii nba ki MAK din sɔb nae na 10:1 - Yennu Gbouŋ Mɔɔr

¹ Ki Yiisa nyii leŋ ki saan Judea yent ni ki poot Jɔɔdann mɔkir. Ki niib bonchiann lakin u boor ni, ki u yaan wantib Yennu maan nan waa poŋ tuu want biaŋinba na.

Yennu Gbounpaauŋ Mɔɔr

¹ Ki Yisa nyii leŋ ki saan Judea tiŋ ni nan Jɔɔdann mɔk-pootir po; ki nigbouŋ bonchiann ji lakin u boor ni, ki u yaan wantib Yennu maan kaman nan wa poŋ tuu wantib biaŋinba na.

Barŋanii nba ki MAK din sɔb nae na 10:1 ပူးပေါင်းရင်းမြစ်များ

Banntɔɔ 12:9

Kimaan banntɔɔ na nba din sub na paak, ki u din yɔɔ want niib linba ki u mi. U din tumii barjokit, ki bikin la li barmɔnii nba tee biaŋinba.

Jeremaya 32:33

Bi ŋmant bi poore ki turin, ki maa lek tumiib yoo kur na, ŋaan bi ki loon bin gbiint ki banni.

Matiu 26:55

Ŋanne ki u boi nibur na a, “I baar nan jukii nan gbajara a i tan soorin nan n tee fat-tɔɔe na-a? N daan tuu be Yenjiantu ŋasaakak ni daar kura ki want niib Yennu maan, ŋaan ki i tuu ki somi.

Matiu 4:23

Yiisa din lin Galilii yent kur po, ki want niib Yennu maan, jiantu diit ni, ki mɔɔntir Yennu naan barŋanii mɔɔntii ki teemm, ki te ki yiarboorii kur damm nan binba mɔk danii na kur laat laafia.

Barŋanii nba ki MAK din sɔb nae na 1:21

Ki Yiisa nan u poorpoweiteeb na saan kɔɔ Kapenaum doo ni; ki Juu teeb foon daar tan baar, ki u kɔɔ Yenjiantu diiuk ni, ki piin ki want niib Yennu maan.

Barŋanii nba ki MAK din sɔb nae na 10:2

Ki Farisiinba baar u boor ki loon bin bikinɔ, ki boiɔ a “Sennu na chabit nan jɔɔ n yêt u ŋaapoo-o?”

Barŋanii nba ki MAK din sɔb nae na 12:35

Yiisa nba din tumii niib, Yennu diiuk ni na, ki u tan boib buboit a “Bee ki sennu wannteeb yaa Yennu Niganntɔɔ Masia tee Defid yaaboonni?

Barŋanii nba ki MAK din sɔb nae na 14:49

N daan tuu be i boor Yenjiantu ŋasaakak ni daar kura ki want niib Yennu maan, ki i tuu ki somi; ŋaan li kpaa talas nan Yennu gbouŋ ni maan maŋ n gbee.”

Barŋanii nba ki MAK din sɔb nae na 2:13

Li poorpoe ki Yiisa bia ŋmat Galilii mɔkgbeŋir na kpiŋ, ki niib bonchiann tikir u boor ki lintɔwa, ki u wantib Yennu maan.

Barŋanii nba ki MAK din sɔb nae na 4:2

U din yiimm barjokite ki wantib barii bonchiann.

Barŋanii nba ki MAK din sɔb nae na 6:2

Ki foon daar ki u tan kɔɔ Yenjiantu diiuk ni a wun wann nibur nba be leŋ na Yennu maan. Niib na nba gbat u wannu na ki li yaar lit bi kura, ki bi boi leeb a, “Yanboor lannpoe ki u mɔk mani? U teen nlee ki tuun bakitnauŋ toonjaana na? U la linba na kur lee?

Barŋanii nba ki MAK din sɔb nae na 6:34

Yiisa nba tan nyii burgbetir na ni, ki u la ki nigbanu na poŋ tikir ki muk, ki ninbaauk soorɔ bonchiann, kimaan bi binbeŋ din tee nan pei nba ki mɔk pekpaarik nae. Ki u piin li yoo ki wantib maan bonchiann.

Barŋanii nba ki MAK din sɔb nae na 6:6

kimaan niib maŋ nba ki teenɔ yada na; ki li yaar litɔ bonchiann. Ŋanne ki Yiisa lin digbanbis ni ki want niib Yennu maan,

Jɔɔnn 10:40

ki ŋmat poot Jɔɔdann mɔk-pootir, ki saa be siaminba ki Jɔɔnn din tuu wuur niib Yennu nyunwuru na.

Jɔɔnn 11:7

Li poorpoe ki u tan bet u poorpoweiteeb na a, “Ŋaant man ki tin ŋmat saan Judea.”

Jɔɔnn 18:20

Ki Yiisa betɔ a, “N poŋ tuu piak yeenin ni ki teen sɔɔ kur, ki ki bɔri n wannu kur nba ki n tuu wanti. N tuu want niib Yenjiantu diit ni nan Yenjiantu ŋasaakak ni, siaminba ki Juu teeb kur tuu baat lakint na. Min ŋarin ki mi pak siar woonin ni.