Matiu 5:25 - Yennu Gbouŋ Mɔɔr

²⁵ “Fin nan sɔɔ-i mɔk maan, ki saa barii maŋ buut, fan ŋaan ki yin taan mɔb ki ŋamm i barii maŋ, yoo nba ki i daa be sɔnu ni na; li-i kii tee nnai kaa, daanɔ maŋ saa jiia ki saan nana barbuurɔ boor, ki barbuurɔ na n mun jiia ki teena dansarguurɔ nuu ni, ki wun kɔɔna dansarik.

Yennu Gbounpaauŋ Mɔɔr

²⁵ “Fin nan sɔɔ-i mɔk maan, ki saa barii maŋ buut, fan ŋaan ki yin taan mɔyemmkɔɔ ki ŋamm i barii maŋ yoo nba ki i daa be sɔnu ni na; li-i kii tee nnai kaa, jɔɔ na sa jiia ki saan nana barbuurɔ boor ni, ki barbuurɔ na-n mun jiia ki teena dansarguutɔɔ nuu ni ki wun kɔɔna dansarik.

Matiu 5:25 ပူးပေါင်းရင်းမြစ်များ

JOB labaar 22:21

Li paak, Job, maŋit nan Yennu, ki nyik, ki daa nyiirɔ nan u tee a dataake na; li-i tee ki a tun nna, ŋann u saa teen piisin a paaka.

Yaŋ 32:6

Li paak, wunba be fanu nana, wun miara, yoo nba ki u be mukir ni; wahala maŋ-i lekii pir nan nyunpana na ŋaan li kan teenɔ siar.

Barjokit 25:8

A daa kakii a fan jii maan nba ki a la ki saan nann buut boori. Li ki gar sɔɔ n tan pak dinna fei.

Matiu 26:58

Baa saa nan Yiisa na, ki Piita waa u poorpo banfɔkira, ki saa baar see mannteeb yudaanɔ maŋ ŋaananyer po, ki tan kɔɔ dindouŋ ni, ki saan kar toontunna na boor, a wun la li joontu.

Barŋanii nba ki LUK din sɔb nae na 18:3

Pakɔɔk mun din be doo maŋ ni, ki yɔɔ baat u boor, ki yeenɔ a ‘Bumin n maan na ki turin, ki n nyi nirɔ nba mukisirin na nuu ni.’

2 Korint teeb 6:2

Kimaan Yennu yet a: “Yoo nba din tan jaŋ na, n din gbiint i miaruwa. Ki yoo nba din tan jaŋ nan ki n tinni na, n din tinniwa.” Gbiintir man, dinnae tee daar nba jaŋ. Dinnae ki yaak be ki niib saa la tinnu maŋ.

Hiibru teeb 12:17

I mi nan li poorpo, u din tan loon wun gaar u baa mɔsonŋann ki mɔ nan ninnyuut, ŋaan ki lar, kimaan u ji din ki la sɔnu nba ki u saa tɔkin ki lebit waa poŋ biir linba na.

Hiibru teeb 3:13

Ŋaan ii sommit leeb man daar n tuu daar, taa daa be ti manfoor ni yoo nba na, ki biit daa kpanni ki i tee tubkangbata.

Hiibru teeb 3:7

Li paak, ii sak man Seyeeŋ nba yet biaŋinba na a: “I-i gbat Yennu kunkɔr dinna,