Matiu 26:72 - Yennu Gbouŋ Mɔɔr

⁷² Ki Piita nɔi ki por a ŋɔɔ taan ki mi jɔɔ maŋi.

Yennu Gbounpaauŋ Mɔɔr

⁷² Ki Piita yet buun nii muu ni, ki por a ŋɔɔ taan ki mi jɔɔ maŋi.

Matiu 26:72 ပူးပေါင်းရင်းမြစ်များ

Nyinu 20:7

“Daa yi n sann ki tuun biit, kimaan min i Yomdaanɔ Yennu saa dat wunba yiin n sann yann yann tubira.

Aisaya 48:1

Israel teeb, gbiintir na man, yimm nba tee Juda yaaboona na. I poor Yennu sann nie, ki want nan i waa Israel teeb Yennu na, ŋaan i ki fiin mɔbona nba ki i piak na po,

Sekaria 8:17

I daa lorin lora nba saa biir i leebi, ki bia daa poor faak mɔpora. N ki loon faak, nan buut nba ki took, nan kpikpiruku.”

Malakai 3:5

Yabint Yennu yet a, “N saa baar i boor ki tan bu binba tee jabaabuura, nan bonchonchona, nan faak siara damm, nan binba ŋmaab bi toontunna bi paauk ni, nan binba fiar pakɔi nan kpeebii nan nigamm bona, nan binba kur ki teenin baakir na buut.”

Matiu 26:71

ŋaan fiir nyii ki saa be tammɔb boor. Ki ŋaak maŋ ni bonpoleek bia nyii lau, ki yet binba be leŋ na a “Jɔɔ na mun tuu yɔɔ be nan Yiisa nba nyii Nasaref na.”

Matiu 26:73

Ki li yann waaminna ki jab nba see leŋ na nakin ki yet Piita a “A set tee bi ni yenɔe, kimaan a maame want.”

Matiu 26:74

Ki Piita por mɔb a li-i tee ki u faar faakie, Yennu n dat u tubir, a ŋɔɔ ki mi jɔɔ maŋi. Li yoo maŋ ki kojouk bui.

Barŋanii nba ki LUK din sɔb nae na 22:34

Ki Yiisa betɔ a “Piita, n beerae, nyiɔk na kojouk daa kan bui kaawa ki a saa nɔi taar muntaa a a ki mimi.”