Matiu 25:32 - Yennu Gbouŋ Mɔɔr

³² ki lakin tingbouŋ na nibooru kur n tɔɔnn, ki bɔkitib nan pekpaarik nba tuu bɔkit pei nan buunii biaŋinba na.

Yennu Gbounpaauŋ Mɔɔr

³² ki tan lakin tingbouŋ na nibooru kur n tɔɔnn po; ki n tan sa bɔkitib kaman nan pekpaarik nba tuu bɔkit pei nan buunii biaŋinba na.

Matiu 25:32 ပူးပေါင်းရင်းမြစ်များ

Yaŋ 1:5

Yennu tan saa biir biit damm, ki ŋamm nan Yennu niib kan lakin taan benu.

Yaŋ 78:52

U din gare ki u niib na waa nan pekpaarik nba tuu gar ki u pei waa na, ki ŋmakitirib kunkoouk na paak.

Yaŋ 96:13

yoo nba ki Yennu saa baar a wun dia tingbouŋ na. U saa dia durinya na niib nan mamɔmm nan ŋante.

Yaŋ 98:9

kimaan u baate a wun bu niib buut. U saa dia durinya na nan mamɔmm nan ŋante.

Esekiel 20:38

N saa nyinn damm nba be nani, ki tee mɔyêtdamm ki tuun toonbiit na. N saa nyinnib tinii nba ki bi kar mɔtana na ni. Ŋaan n ji kan te bin jen Israel tiŋ na ni. Ki i saa bann nan mine tee Yennu.”

Malakai 3:18

N niib saa ŋamm la linba saa tun ki tur binba tee popeendamm nan tondamm, li bɔkitu nba tee biaŋinba, ki bia bann daanɔ nba tuun n toonn nan daanɔ nba ki tuun n toonn na bɔkitu.”

Matiu 13:49

Li tan sii tee nnae durinya na gbennu daar; Yennu malakanba tan saa baare ki gann niŋamm, ŋaan nyik nibiit.

Matiu 28:19

Li paak, ii saa man tingbouŋ na ni, nibooru kura boor ki teemm n poorpoweiteeb, ki wurib Yennu nyunwuru, n Baa Yennu maŋ sann ni, nan min u Bija sann ni, nan Seyeeŋ sann ni,

Matiu 3:12

U dia u dilenn ŋmaniie ki yaa wun lenn fanu, ki nyinn dibin ki wuun u bɔɔr ni, ŋaan joo fouŋ na muu nba kan mi kpeen ni.”

Jɔɔnn 10:14

Mine tee pekpaaŋaŋ. N Baa Yennu nba mi-n, ki n mun miu na, li mun bia tee nnae ki n mi n pei, ki bi mun mi-n, ki n saa chibin n saaŋmaŋ bi paak.

Jɔɔnn 10:27

N pei saak n mɔb, ki n mib, ki bi waan,

Rom Teeb 2:12

Binba kur ki mi Yennu sennu ki tuun toonbiit na, bi saa kpo bi toonbiit tumu na paake, li ki tee baa ki dia sennu maŋ na kaa. Binba kur mi Yennu sennu, ŋaan tuun toonbiit na, Yennu saa jii sennu maŋe ki bu namm.

Rom Teeb 2:16

Tɔn, li tan sii tee nnae daar nba ki Yennu saa bu niib kur para ni buut Yiisa Masia paak, nan maa mɔɔntir barŋanii maŋ biaŋinba na.

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan saa baar na, ŋɔɔe tan saa jii linba be bunbɔnn ni ki wannir paanu ni, ki fiit para ni maan paanu ni. Li yooe, sɔɔ kur tan saa la u nyɔɔt nba tee linba Yennu boor.

2 Korint teeb 5:10

Kimaan ti kur binbeŋ tan saa nyi paanu Masia tɔɔnn, buut daar, ki sɔɔ kur tan saa gaar paauk nan u toona nba tuu tee biaŋinba tingbouŋ na ni nae, laa tan ŋani, laa bii, li fan nana.

1 Samuel 2:10

Binba tee Yennu datai na, u saa biiriba. U saa te ki satianii n nyi sanpaapo ki tian bi paak. Yennu saa bu durinya niib kur buut. U saa jii paŋ ki tur u kpanbar, ki te ki u kpanbar ganntɔɔ maŋ n nyann.”