Matiu 24:29 - Yennu Gbouŋ Mɔɔr

²⁹ “Biak na poorpo ki yonnu tan saa bɔnn, ki ŋmaarik ji kan yenti; ki ŋmaabira tan saa nyi sanpaapo ki baa, ki linba kur be sanpaapo tan saa damm ki ŋmat ŋmat.

Yennu Gbounpaauŋ Mɔɔr

²⁹ “Fara na poorpo ki yennu tan sa bɔnn, ki ŋmaarik ji kan yenti; ki ŋmaabira tan sa nyi sanpaapo ki baa, ki linba kur be sanpaapo tan sa damm ki ŋmat ŋmat.

Matiu 24:29 ပူးပေါင်းရင်းမြစ်များ

Banntɔɔ 12:2

Ŋanne tee yoo nba ki yonnu yentu nan ŋmaarik yentu nan ŋmaabira na yentu tan sii bɔn ki tura, ki a boor li tan sii bɔn nan sayuŋ nae yoo kur.

Aisaya 13:10

Ŋmaabir kur nan ŋmaawob kur kan yenti, yonnu-i doo ŋaan u sii bɔne, ki ŋmaarik kan yent.

Aisaya 24:23

Ŋmaarik nan yonnu saa di fei, kimaan Yabint Yennu-e sii tee kpanbar. U sii kar Jerusalem doo ni, Sayɔnn kunkonn paak, ki dia doo maŋ, ki niib na tɔɔndamm saa la u yentsaakar na.”

Aisaya 34:4

ki yonnu nan ŋmaarik nan ŋmaabira saa nann ki kpant tant. Sanpaak saa bot nan baa tuu pin dindɔɔnmɔŋe na, ki ŋmaabira saa baa nan sinsabik tituut koo kinkana nba tuu baa biaŋinba na.

Joel 2:10

Baa baar yoo nba, ki tiŋ jek, ki sanpagbouŋ waa gbar gbar, ki yonnu nan ŋmaarik bɔnn, ki ŋmaabira ji ki nyiiri.

Joel 3:15

Ki yonnu nan ŋmaarik saa bɔnn, ki ŋmaabira na ji kan yent.

Amos 5:20

Yennu daar na tan sii tee bunbɔnne, li kii tee yentu kaa; daar maŋ sii tee bunbɔncheenne, li kii mɔk yentu nan waama.

Amos 8:9

Min Yabint Yennu-e yet a yoo baate ki n tan saa te yonnu n kpir baa yonsuuk ni, ki bia te lin bɔnn yonsupeeuŋ ni.

Matiu 24:21

Kimaan li yoo maŋ, biak sii be; Yennu nba nan durinyawa nan dinna, li biak booru daa ki mi baari; li booru mun bia ji kan mi baar linba na poor po.

Matiu 24:8

Linba na nba kur tan sii tee nan matyiaru pinpiik nae.

2 Piita 3:10

Ti Yomdaanɔ daar maŋ baaru tan sii tee nan nanyukɔ baaru nae. Li daar maŋ, sanpaapo saa gbenn nan fujaann; ki muu nba di bonchiann tan saa di sanpaapo bonsiar kur, ki tingbouŋ na nan bonsiar kur nba be leŋ tan saa di muue ki boont.

Fiitu 8:12

Malaka nba pukin banna na nba pebir u naatunn na, ki yonnu nan ŋmaarik nan ŋmaabira bɔkitu muntaa ni yenn bɔnn. Ki yonnu nan ŋmaarik nan ŋmaabira yentu na bɔkitu muntaa ni yenn bɔnn. Ki yentu nba tuu yeen yonnu ni na bɔkitu muntaa ni yenn ji ki yeeni, ki ŋmaarik nan ŋmaabira na mun ji ki yeeni, ki nyiɔk bɔnnu mun bɔkit li biaŋ ki bɔnn nna.