Matiu 23:37 - Yennu Gbouŋ Mɔɔr

³⁷ “Nbaayoo-o, Jerusalem teeb, yimm nba kpi Yennu sɔkiniinba, ki bia jaat u toomiinba nba ki u tumm i boor na tana, bikinu taar munŋaae ki n gbaa maa n lakini yomm nan korik nba tuu lakin u waas u kpinkpant ni na, ki i ki saki.

Yennu Gbounpaauŋ Mɔɔr

³⁷ “Nbaayoo, Jerusalem teeb, yimm nba kpi Yennu sɔkiniinba, ki bia jaat u toomiinba nba ki u tumm i boor ni na tana, bikinu bikinu taar muŋŋae ki n gbaa ma n lakini yomm kaman nan korik nba tuu lakin u kobis u kpinkpant ni na, ki i ki saki.

Matiu 23:37 ပူးပေါင်းရင်းမြစ်များ

Nehemaya 9:26

“Ŋaan a niib na din yêt a mɔbe, ki lin a poor. Bi din kpii a sɔkiniinba nba tuu teemm kpaanii na, binba beerib a bin ŋmat jen a boor na. A niib na tuu sukiiae yoo n tuu yoo.

Yaŋ 17:8

Ii guun nan faa saa guur a tiɔŋ ninbinn biaŋinba na. Jiimin ki gurin a boouk ni,

Yaŋ 36:7

Yennu, a lomm nba kaa gbennu na ŋan, li nigbeŋa nan nibutimii kur gurin a kpinkpant maasue.

Yaŋ 57:1

Tinimin ninbaauk, Yennu, tinimin ninbaauk, kimaan a niŋe ki n seek gur. A kpinkpant maasue ki n laat fatu, daamii nba tuu baarin nan laa tuu tan gar.

Yaŋ 63:7

kimaan a tun tee n sommtɔɔe; ki n sii be a kpinkpant maasu ki yin parpeenn yaŋ.

Yaŋ 91:4

U saa jii u kpinkpante ki bakina, ki sii guua ki a be fanu, ki u barmɔnii saa guura ki bia kɔn tura.

Aisaya 5:4

Siar biar ki n ki tun kpaab na niŋi-i? Bee teen ki li yêt lɔɔnŋana nba ki n bo daan na lonuwa, ŋaan lon lɔɔnmiita?

Aisaya 50:2

“Bee ki n niib yêt bin gbiint, yoo nba ki n baar bi boor maa n tinnib na? Bee ki bi yêt gatu, yoo nba ki n yiinib na? N ki mɔk paŋ nba saa tinnibe-e? N saa fit yet maan ki mɔkgbeŋir n fɔɔr, ki mɔka n kpant kunkoot, ki li janii na n kpo nyunkon.

Jeremaya 2:30

N dat i tuba, ŋaan li ki ŋamm siari. I ki sak man ŋmakiti. I tee nan yanbɔr waatik nae, ki kpii n sɔkiniinba kur.

Jeremaya 26:23

Bi din soor Yuria ki jen nanɔ kpanbar Jehoyakim boor, ki u te ki bi kpiiu, ki jii u gbanant ki lu niyana kaat ni.)

Jeremaya 32:31

Doo na teeb donn n wutoor ki biir n par, li piinu niewa. N lor man biirire,

Jeremaya 35:15

N yɔɔ tuun n toontunna nba tee n sɔkiniinba nae i boor, ki bi piaki nan yin nyik i toonbiit, ŋaan kii tuun fanu. Bi kpaani nan ii nyik yenbis jiantu, ki fit kii be tiŋ nba ki n tur yimm nan i yeejamm na ni. Ŋaan i ki gbiint turin, koo ki teen i baka n ni.

Jeremaya 36:26

Li poor po ki u yet u ŋaasaakɔɔ Jerameel, nan Asriel bija Seraya, nan Abdeel bija Selemia, a bin soor min nan n gbounsɔbirɔ Baruk. Ŋaan sɔɔ ki Yennu bɔrita.

Jeremaya 4:14

Jerusalem, wuut biit nba be a par ni na, ki lian fit la tinnu. A sii dukii yanbɔndudukit ki lin wei nlee?

Jeremaya 44:4

Yoo kur n tuun n toontunna nba tee n sɔkiniinba nae, ki bi piaki nan i daa tuun bonbilankant na, kimaan n ki loon nna.

Jeremaya 6:8

Jerusalem teeb, ŋaant ki daamii na-ii tee kpaanii ki turi, nna-i kaa, n saa nyɔr nyikiiwa; n saa kpint i doo na ki teenir kunkoouk, siaminba ki sɔɔ kan kari.”

Hosea 11:2

Ŋaan mi-i ji kii yiin Israel yoo nba kur, u tuu lek numm nanime; ki n niib maŋ mann maruŋ ki teen tingbann Baal, ki bia jokin bonnunubit ki teen yenbis.

Hosea 11:7

N niib na lor nan bin yêtime. Bi saa bui sanpaapo, kimaan jikir nba be bi paak na, ŋaan sɔɔ kaa ki saa jikitibi.

Hosea 7:13

“Bi boonta, kimaan baa nyikin na paak. Biiru saa baarib, kimaan baa yêtin na paak. N bo loon man tinnibe, ŋaan ki bi fa faak ki teenin.

Sekaria 1:4

I daa tee nan i yeejamm nba din tuu tee na. N sɔkiniinba nba din be sianyoowa na din betib n maan na, nan bi daa tuun toonbiit, ki bia daa be binben-yana, ŋaan bi din ki gbiint, koo ki sak n mɔbi.

Matiu 22:3

U din tan tun u daaba a bin saan bet niib nba ki u daan poib na a bin baar; ŋaan ki bi ki loon bin baari.

Matiu 22:6

Ŋaan ki siab mun soor u daaba na ki boob ki saa kpiib.

Matiu 23:30

ŋaan yeen a ‘Ti-i diŋi bonni be ti yeejamm yoo, ti din bo kan tun baa din tun linba ki kpii Yennu sɔkiniinba na.’

Matiu 23:31

Linba na want nan i set sak nan i tee binba din kpii Yennu sɔkiniinba na yaaboonae.

Matiu 5:12

Bi-i taŋi teei nna, ii mɔk parpeenn bonchiann man, kimaan i nyɔɔt tan sii yab Yendɔuŋ ni; nnae ki bi din mukis Yennu sɔkiniinba nba din be yaayoo ni na.

Barŋanii nba ki LUK din sɔb nae na 15:28

Ŋanne ki u yɔɔrɔ maŋ wutoor ji doo hei, ki u yêt ŋaak na ni kɔɔnu. Ki u baa nyii ki barimɔ a wun kɔɔ.

1 Tesalonika teeb 2:15

Ŋamm Juu teebe din kpii ti Yomdaanɔ Yiisa Masia nan Yennu sɔkiniinba, ki bia mukis timm na. Linba na paak, bi ki penn Yennu pari, ki bia tee sɔɔ kur datai.

Fiitu 17:6

Ki n la ki poo na nyuu popeendamm sɔn, nan Yiisaweira nba ki bi kpiib na sɔn ki yib. Maa lau nna maŋ ki li bakitin bonchiann.

RUF labaar 2:12

A toonŋana paak, Yennu saa donna. Timm Israel teeb Yomdaanɔ Yennu nba ki a baar u boor, a wun somma na, saa tura nyɔɔt bonchiann.”