Matiu 21:5 - Yennu Gbouŋ Mɔɔr

⁵ “Yetir Sayɔnn doo teeb a, ‘Gotir man, i kpanbar nae baat i boor na. U tee wunba sikint u mɔŋe ki jak boŋ nba set tee bonpaaŋ.’ ”

Yennu Gbounpaauŋ Mɔɔr

⁵ “Yetir Sion doo teeb a ‘Gotir man, i bat nee baat i boor ni na. U tee wunba sikint u mɔŋe ki jak boŋ nba set tee bonbik na paak.’ ”

Matiu 21:5 ပူးပေါင်းရင်းမြစ်များ

Pinpiik 49:10

Juda-e saa dia doo dammir, ki u maaru sii yɔɔ dia tingbouŋ. Ki digbana sii jiantirɔ, ki gbaa u tɔɔnn nan mɔsaku.

2 Samuel 16:2

Ki kpanbar Defid boiɔ a, “Linba kur ki a dia na, a yaa fan teenir bee?” Ki Siba jiin a, “Chanbaa, a ŋaateebe sii jakit bonii na kur, ki boroboro nan tilɔɔna na tee jab na jeete, ki daan na mun, li-i tee ki bi tan bak muuk ni, bin nyu.”

1 Kpanbara 1:33

ki u yetib a, “Jiin n saakab ki te ki n bija Solomonn n jak n tiɔŋ bontaamm ki yin saan nanɔ Gihonn nyuntonn boor.

1 Kpanbara 10:26

Solomonn din mɔk taantorit tusir nan kobii ŋanna, nan taanii nba ki bi jakit tusaa piik nan ŋanlee. U din te ki yemm be Jerusalem-e, ki leeb mun be digbanlia ni.

Yaŋ 9:14

ki man fit set a niib boor Jerusalem, ki wannib linba paak ki n dontira na. N sii kpamme, kimaan a tinnima.

Aisaya 12:6

Ŋaant ki wunba be Sayɔnn kur-ii hoot kii yiin, kimaan ŋamm Israel teeb kasii Yennu mɔk yiikoo, ki be u niib boor.”

Aisaya 40:9

Jerusalem teeb, ii do jɔfoouk paak ki saa mɔɔnt barŋanii na. Sayɔnn teeb, yiint nan kunkɔsaakar, ki mɔɔnt barŋanii na. Pakin, ki daa tiin jaŋmaanii. Betir Juda doi na, a bi Yennu baat.

Aisaya 62:11

nan Yennu mɔɔntir teen tingbouŋ kure a, “Pakin Jerusalem teeb a, ‘Yennu baat a wun tinni, ki tɔk nan niib nba ki u tinnib na.’ ”

Esekiel 34:24

Min Yennu-e sii tee bi Yomdaanɔ, ki kpanbar nba sii tee nan n toontunnɔ Defid nae sii tee bi tɔɔndaanɔ. Min Yennu-e pak na.

Esekiel 37:24

Ki bi kpanbar sii tee nan n toontunnɔ Defid na, ki u sii diab, ki bi kur saa taan mɔb, ki be kpanbar yenɔkɔɔ nuu ni, ki sii mɔk mɔsaku nan n sennii fanu.

Hosea 1:7

Ŋaan Juda teeb ŋarin, n sii mɔk lomm namm. Min, bi Yomdaanɔ Yennu, saa tinniba, ŋaan n kan tinnib tɔb ni kaa, koo ki jii jukbanjiak, koo tɔrbana nan peenii kaa, koo ki jii taanii nan taanjakira kaa, ki tinnibi.

Maika 5:2

Yennu yet a, “Betlehem Efrata, a tee digbanbis nba be Juda yiar na ni yenne, ŋaan a niŋe ki n saa nyinn kpanbar, ki u saa dia Israel teeb, ki tee wunba ki u naakuuk bo be yaayoo niwa.”

Nikant 24:19

Israel niib saa biirib, ki boont binba biar be bi manfoor ni, doo maŋ ni na.”

Matiu 11:29

Ii sak n weiu man, kii tumii n wannu, ki i saa la foon, kimaan n tee sikin-n-mɔŋ daanɔe, ki n par mei.

Matiu 2:2

“Juu teeb kpanbar saakɔɔ nba ki bi marɔ na, u be lee? Ti daan la u ŋmaabire yondopo ki baar a ti tan jiantɔ.”

Matiu 2:6

‘Fin Betlehem nba be Juda yent ni na, a ki tee tinbik kaa Juda yiar ni, kimaan batsɔɔ tan saa nyi a nie, ki ŋɔɔe tan sii yen n niib Israel teeb.’ ”

Matiu 21:6

Ki Yiisa poorpoweiteeb na set saan ki saa tun nan waa betib biaŋinba na,

Barŋanii nba ki LUK din sɔb nae na 24:27

Ŋanne ki u wantib u barii nba sɔb Yennu gbouŋ ni na kur paak, ki piin Moses sɔbu ni ki saan tuu Yennu sɔkiniinba kura sɔbu ni.

Jɔɔnn 1:49

Ki Natanael yetɔ a, “Wanntɔɔ, a tee Yennu Bijae, ki bia tee Israel teeb kpanbar.”

2 Korint teeb 10:1

Tɔn, i siab yeen a mi-i be i boor ni, n ki mɔk par, a ŋaan mi-i saan ki be siarpo, n tuu mɔk pare, ki ji sɔbin gbant ki kpaani. Min Pɔɔl tiɔŋ, n mɔk baakir ki be soon nna nan Masia nba be biaŋinba na, ki barimi a yin ŋamm i binbeŋ,

Sennu 17:16

Bat na daa mɔk taanii bonchiann ki teen u kunkɔnkɔnna, u bia daa tuun niib ki bi saa Ijipt ki saa daa taanii, kimaan Yennu yet nan u niib ji daa ban saa leŋ.

Barbuura 12:14

U din mar bonjai piinna ki mɔk yaaboonjai piintaa, bi tuu jakit bonii piinlore. Abdonn din dia Israel teeb bina ŋanniin.

Barbuura 5:10

Mɔɔntir man, yimm nba jakit bonpeenii ki kaar bonkokit paak na nan damm nba somm sɔnii ki saa siaminba ki i saa na.