Matiu 21:33 - Yennu Gbouŋ Mɔɔr

³³ Ki Yiisa bia betib a “Gbiintir man barjouk leer. Ŋaadaansɔɔ nnae din be ki koo tilontii kpaab, ki chaan gungouŋ ki lintir, ki bia gbiir gbiouk nba ki bi tuu sii ŋmakii tiinii maŋ lɔɔna nyun leŋ, ki maa difoouk a wuu guu tiinii na; ki jii kpaab na ki teen toontunna nii ni a bii gorii. A li-i taŋi jaŋ nan pɔɔru, bin pɔɔr ki turɔ, ŋaan mun pɔɔr bi yar. Li poorpo ki u yaat saan digbansiar.

Yennu Gbounpaauŋ Mɔɔr

³³ Ki Yisa bia din betib a “Gbiintir man barjouk leer. Ŋaadaansɔɔ nnee din be ki wuu tilontii u kpaab ni, ŋaan chaan gungouŋ ki lint tiinii maŋ, ki bia gbiir gbiouk nba ki bi tuu sii ŋmaki tilontii maŋ lɔɔna nyun leŋ, ki bia maa sukir leŋ; ŋaan jii kpaab na ki teen toontunna nii ni a bii gorii. Li-i taŋŋi jaŋ nan pɔɔru, bin pɔɔr ki turɔ, ŋaan mun tan pɔɔr bi yar. Li poorpoe ki u din yaat ki saan tinsiak.

Matiu 21:33 ပူးပေါင်းရင်းမြစ်များ

1 Kpanbara 22:19

Ki Mikaya ŋamii yeen a, “Tɔn, gbiintir linba ki Yennu piak. N la ki Yennu kar u binbintir paak Yendɔuŋ ni, ki u malakanba see u boor ni.

Aisaya 1:10

Jerusalem, a diateeb nan a niib tee nan Sodom nan Gomora diateeb nan li niib nae. Gbiintir linba ki Yennu piaki na. Gbiintir linba ki u wanti na.

Jeremaya 19:3

U bia pakin a n yet a, “Juda kpanbara nan Jerusalem teeb, gbiintir linba ki min Yabint Daanɔ nba tee Israel teeb Yennu loon man pak turi. N yaa man baar nan biake nna, ki wunba kur gbat li po, li saa jek u gbanu.

Jeremaya 2:21

N burae, ki a tee nan daan tiik nba ŋan, ki nyii bin nba ŋan ni na, ŋaan gotir faa ji tan tee biaŋinba na. A ji tee daan tiik nba loon lɔɔnbiite.

Hosea 4:1

Yennu mɔk maan nba ki u yaa wun pak biir Israel teeb nba kɔɔ tiŋ na ni na. Israel teeb, gbiintir maan nba ki Yennu yete na, “Sɔɔ ki be tiŋ na ni ki waan fanu, koo ki mɔk lommu, niib na bia ki mi min Yennu binbeŋ nba tee.

Matiu 13:18

Ki Yiisa yet u poorpoweiteeb a “Gbiintir man ki bann tanburtɔɔ barjouk na paak.

Matiu 20:1

“Kimaan Yennu naan tee nan ŋaadaanɔ nba din nyii sanyapob ni ki loon niib a wun jiib ki bin ko u kpaab nae.

Matiu 21:28

Li poorpoe ki Yiisa boib a “I dukii nlee linba na po? Jasɔɔ nna din mɔk waas banlee, ki tan yet wunba tee saakɔɔ po na a ‘N bik, don kpaab ni ki saa ko dinna.’

Matiu 23:2

“Sennu wannteeb nan Farisiinba nae ki bi turib yaak nan bii sɔkint Moses sennu na.

Barŋanii nba ki MAK din sɔb nae na 13:34

Li tan sii tee nan jasɔɔ nba yaa wun nyi u ŋaak ni ki yaat saan sɔnbanfɔkir, ki chab u ŋaajab yaak a bii dia u ŋaak, ki bia chent bi kura toona, ŋaan bet u ŋaguurɔ a wuu guu, ŋaan saan nae.

Barŋanii nba ki LUK din sɔb nae na 19:12

Ki u yetib a, “Nijaansɔɔ din be ki tan nyii saan digbann banfɔkira, a bin dinnɔ naan, li poorpo ki wun jen kpen ŋaak ni.

Jɔɔnn 15:1

Yiisa din yet a, “Mine tee tilontik nan mɔnii, ki n Baa Yennu tee li ŋammtɔɔ;

Sennu 16:18

“Gant barbuura nan saakab ki bii be doi kur ni, doi nba ki i Yomdaanɔ Yennu jikit ki teeni na. Jab maŋ-ii bu niib buut fanu.