Matiu 20:18 - Yennu Gbouŋ Mɔɔr

¹⁸ “Gotir man, ti do Jerusalem-e na; ki bi sa saa jii min nisaarik Bik ki teen mannteeb yudamm nan sennu wannteeb nuu ni, ki bi saa bu n buut ki yet a n ŋan nan kuume.

Yennu Gbounpaauŋ Mɔɔr

¹⁸ “Gotir man, ti doo Jerusaleme na; ki bi tan sa jii min nisaarik Bik ki teen Yennu jiantu yudamm nan sennu wannteeb nuu ni, ki bi sa bu n buut ki yet a n ŋan nan kuume.

Matiu 20:18 ပူးပေါင်းရင်းမြစ်များ

Matiu 10:4

nan Simonn nba din loon ŋamm Juu teeb-ii yen bi mɔŋ na, nan Judas Iskariot wunba din tan nyii Yiisa poor na.

Matiu 16:21

Laa din nyii li yoo maŋ ki jii saa, ki Yiisa piin ki beer u poorpoweiteeb linba tan saa teenɔ. U din yeen a “See ki n fabir saan Jerusalem, ŋaan ti tiŋ saakab, nan Yennu mannteeb yudamm, nan sennu wannteeb saa dinnin biak bonchiann, ki bia tan saa kpima; ŋaan daa ŋantaa daar, Yennu saa fiinin kuun ni.”

Matiu 26:2

“I mi nan daarpoe tee yukitgar tiaru jaamm. Bi daan saa jii min nisaarik Bik ki tur niib ki bin kpaan dapunpunn paak.”

Matiu 26:66

Ki i la nlee?” Ki bi jiin a “Li tee wun kpoe.”

Matiu 27:1

Laa yent sanyapob ni, ki Yennu mannteeb yudamm nan saakab lor baa saa kpi Yiisa biaŋinba.

Barŋanii nba ki LUK din sɔb nae na 22:71

Ki bi yet bi leeb a “Ti poŋ ji loon siaradamm bia poe na? kimaan ti gbat u mɔŋ mɔmaama.”

Toona 2:23

Ŋaan Yennu mi linba yaa lin tan teen. Li paak ki u dɔŋ lor ki kubinɔ i nuu ni, ki i te ki biitdamm kpaa tabinɔ dapunpunn paak ki u kpo, ki li want nan yimme set kpiiu.