Matiu 17:5 - Yennu Gbouŋ Mɔɔr

⁵ Piita mɔb daa ki baa tiŋ kaawa, ki sanpagbounpeeuŋ sik bakin bi paak; ki bi gbat kunkɔsiar nyii sanpagbouŋ na ni, ki yet a “N Bilonkake na, wunba ki n numm gboou, gbiintir u mɔb man.”

Yennu Gbounpaauŋ Mɔɔr

⁵ Ki Piita mɔb daa ki baa tiŋi, ki sanpagbanpeeuŋ sik bakin bi paak; ki bi gbat kunkɔsiar nyii sanpagbann na ni, ki yet a “N Bilonkakii na, wunba ki n numm gboou na, gbiintir u mɔb man.”

Matiu 17:5 ပူးပေါင်းရင်းမြစ်များ

JOB labaar 38:1

Yennu kunkɔr nyii wouŋ ni ki pak tur Job, ki yet a:

Yaŋ 81:7

I yiinin yoo nba ki i be wahala ni, ki n tinni, ki n be wonpaaruk ni, ŋaan gat ki turi, ki bikini Meriba nyun boor.

Nyinu 19:19

Naatunn na mɔnii din ŋammit do sanpaapo. Ki Moses pak, ki Yennu jiin satianii ni.

Aisaya 42:1

Yennu bia yet a, “N toontunnɔe na, ŋɔɔe ki n kɔɔnɔ paŋ. Ŋɔɔe ki n gannɔ, ki n par mei u paak. N jii n Seeke ki teen u ni, ki u saa baar nan buut nba took digbana kur paak.

Aisaya 42:21

Yennu tee Yomdaanɔ nba ki u nunii mɔn nan wun tinn niibe, ŋanne ki u donn u sennii nan u wannu na sanpaapo, ki loon u niib n turir baakir.

Matiu 12:18

“N toontunnɔe na, ŋɔɔe ki n gann, ki mantik loonɔ. N par mei u paak. N saa jii n Seeke ki teen u ni. U tan saa mɔɔnt buut nba took ki tur binba ki tee Juu teeb.

Matiu 17:6

Yiisa poorpoweiteeb na nba gbat kunkɔr maŋ, ki jaŋmaanii soorib, ki bi baa fabin tiŋ ni.

Matiu 3:17

Ki kunkɔr nyii sanpaapo ki yet a “N Bilonkake na, ŋɔɔe ki n numm gboou.”

Barŋanii nba ki MAK din sɔb nae na 1:11

ki u gbat kunkɔr sanpaapo, ki kunkɔr na yet a “Fine tee n Bilonkak; fine ki n numm gboo.”

Barŋanii nba ki MAK din sɔb nae na 9:7

Li yoo ki sanpagbouŋ dɔkit ki piimm; ki bi gbat kunkɔr sanpagbouŋ na ni, ki li yet a “N Bilonkake na; gbiintir u mɔb man.”

Barŋanii nba ki LUK din sɔb nae na 3:22

ki Yennu Seyeeŋ sik u paak ki tee nan ŋmann na, ki kunkɔr nyii sanpaapo ki yet a, “Fine tee n Bilonkak; fine ki n numm gboo.”

Jɔɔnn 3:16

Kimaan Yennu mantik loon tingbouŋ na bonchiann; li paak, ki u turit u Biyemmir, ki wunba teen u Bija maŋ yada, u tan kan kɔɔ muu ni, ŋaan u sii mɔk manfoor nba kaa gbennue,

Jɔɔnn 3:35

Yennu loon u Bija, ki kubin bona kur u nuu ni.

Jɔɔnn 5:37

“Ki bia jenna, n Baa Yennu nba tumin nae mun tee n siara. I ki mi gbat u kunkɔri, ki bia ki mi lau nan i ninbina.

Toona 1:9

Waa pak maan maŋ ki gbenn yoo nba, ki Yennu te ki u do Yendɔuŋ ni, ki bi goriiɔ, ki u saa kɔɔ sanpagbant ni, ki bi ji ki lau.

Toona 7:37

Li Moses-e bia din yet Israel teeb a ‘Yennu tan saa tun sɔkiniisɔɔ i boor nan waa tumin biaŋinba na, ki u sii tee i booru.’

Efesus teeb 1:6

Ŋaant ki tin pak Yennu kimaan u ninbatinu nba yab bonchiann biaŋinba, nan waa tint ninbaauk u Bilonkak paak na.

Sennu 18:15

Ŋɔɔ Yennu saa turi sɔkinii, ki u sii tee nan min na, ki saa nyi i booru ni. Ii sak u mɔb man.

Sennu 18:19

U saa pak n sann nie, ki n saa dat wunba kur yêt gbiintu tubir.

Sennu 5:22

“Sennu nba nae ki Yennu tur i kura, yoo nba ki i din taan be Sainai jɔɔr boor na. U din be muu ni nan sanpagbouŋ nba bɔn bonchiann ni, ki pak nani nan kunkɔpaarir, ki ji ki pukin siari, ŋaan sɔbir tanpatlai ŋanlee paak ki jii turin.

Kolosa teeb 1:13

ki bia nyinnit Sintaanii bunbɔnn naan ni, ki jiit ki kɔɔnt u Bilonkak maŋ naan ni.

Hiibru teeb 5:9

ki tan gbenn biak dinu maŋ, ki te ki binba kur saak u mɔb na la tinnu nba kaa gbennu.

Fiitu 1:7

Gotir man, u sii be sanpagbant ni ki baar. Sɔɔ kur ninbina tan saa lau, nan binba din ŋmu-u na gbaa. Yoo nba ki u sii baat na, tingbouŋ na niib kur saa bui u paak. Mamɔmm, li saa teen nnawa.

Fiitu 14:14

Ki n bia gokit ki la sanpagbounpeeuŋ, ki sɔɔ kar li paak ki naan nisaarik bik, ki yir salima fokirik, ki dia gɔtuk nba di u nuu ni.