Matiu 17:23 - Yennu Gbouŋ Mɔɔr

²³ ki bin kpin, ŋaan daa ŋantaa daar ki n saa fiir kuun ni.” Li din biir u poorpoweiteeb para bonchiann.

Yennu Gbounpaauŋ Mɔɔr

²³ ki bin kpin, ŋaan daa ŋanntaa daar ki n bia sa fiir kuun ni.” Ki li ji biir u poorpoweiteeb para ni bonchiann.

Matiu 17:23 ပူးပေါင်းရင်းမြစ်များ

Yaŋ 16:10

kimaan fine nyintin kuun paŋ ni; a kan te ki a kasii nirɔ gbanant n bat, koo wun nyint kpeentiŋi.

Yaŋ 22:15

ki n kunkɔr koor nan tankoont na, ki n lamm tab dindak ni, ki a nyikin tant ni nan n kpoe na.

Aisaya 53:7

“Bi din diau ninmɔnne, ŋaan ki u gubin gaar nan sikin-n-mɔŋ; u din ki pak nan mɔbonna, ki tee nan pegann nba ki bi tuu yaa bin kɔtɔ na, ki bia tee nan peeuk nba ki bi tuu yaa bin koor u kobit na, u din ki pak nan mɔbonna.

Daniel 9:26

Yoo maŋ joontik ki bi tan saa kpi Yennu niganntɔɔ nba tee tɔɔndaanɔ na kaat. Ki digbanjaann na diarɔɔ kunkɔnkɔnna saa baar ki tan biir doo na nan Yenjiantu ŋasaakak na. Joontu na tan saa baar nan nyunmɔnn nae, ki baar nan tɔbii nan biiru nba ki Yennu dɔŋ senn na.

Sekaria 13:7

Yabint Yennu yet a, “Jukbanjiak, fiit ki lek pekpaarik nba tuun n toonn na. A kpiu, ki pei na n yat. N saa lek n niib,

Matiu 16:21

Laa din nyii li yoo maŋ ki jii saa, ki Yiisa piin ki beer u poorpoweiteeb linba tan saa teenɔ. U din yeen a “See ki n fabir saan Jerusalem, ŋaan ti tiŋ saakab, nan Yennu mannteeb yudamm, nan sennu wannteeb saa dinnin biak bonchiann, ki bia tan saa kpima; ŋaan daa ŋantaa daar, Yennu saa fiinin kuun ni.”

Matiu 17:9

Baa nyii kunkonn na paak ki siik yoo nba, ki Yiisa kpaamm a “I daa beer sɔɔ linba ki i la na, ki saa tuu yoo nba ki min nisaarik Bik tan saa fiir kuun ni.”

Matiu 20:19

Bi tan saa jiin ki tur binba ki tee Juu teeb ki bin fiakin, ki boon kpaasir, ki kpaa tabinin dapunpunn paak ki man kpo, ŋaan li daa ŋantaa daar, n saa fiir kuun niwa.”

Matiu 27:63

“Chanbaa, ti tian nan faak daanɔ maŋ nba daan be na, u daan yet a li-i tee ki u tan kpo, a ŋaan daa ŋantaa daar u bia saa fiir kuun niwa.

Barŋanii nba ki MAK din sɔb nae na 8:31

Ki Yiisa ji want u poorpoweiteeb a “See ki min nisaarik Bik dii biak, ki tiŋ saakab, nan mannteeb yudamm, nan sennu wannteeb n tan yêtin, ki bia kpin; ŋaan li daa ŋantaa daar ki n saa fiir kuun ni.”

Barŋanii nba ki MAK din sɔb nae na 9:30

Ki Yiisa nan u poorpoweiteeb maŋ nyii leŋ ki tɔkin Galilii yent po. Ŋaan u din ki loon sɔɔ n bann waa be siaminba,

Jɔɔnn 16:6

Ki maa ji beti linba mɔtana na, ki i mɔk parbiir bonchiann.

Jɔɔnn 2:19

Ki Yiisa jiin a, “Tɔn, yii yeer Yenjiantu diiuk na, ŋaan n saa jii daa ŋantaae ki maar.”