Matiu 15:9 - Yennu Gbouŋ Mɔɔr

⁹ Bi jiantirin yanne, kimaan bi dia nisaarii kaare ki want niib, li ki tee min Yennu sennu kaa.’ ”

Yennu Gbounpaauŋ Mɔɔr

⁹ Bi jiantirin yanne, kimaan bi dia nisaarii kaae ki want niib kaman nan li set tee min Yennu sennue na.’ ”

Matiu 15:9 ပူးပေါင်းရင်းမြစ်များ

Yaŋ 39:6

Nisaarik tee nan yinyuŋ nae, waa tuun linba kur tee yanne. U kpaan mɔkint, ŋaan ki mi wunba tan saa yent.

Yaŋ 73:13

Maa soor n mɔŋ ki ki tuun toonbiit na, li tee yanne-e?

Nyinu 20:7

“Daa yi n sann ki tuun biit, kimaan min i Yomdaanɔ Yennu saa dat wunba yiin n sann yann yann tubira.

Aisaya 29:13

Yennu yet a, “Niib na want a bi jiantirin, ŋaan bi mɔbona na kaa gbinni, ki bi para fɔk nanin. Bi jiantu kpan tee bi kaar, nan bi danmarima kɔɔe, ki bi tumiir ki tian li yetu yoo kur.

Liifai teeb 26:16

n saa dat i tubawa, ki baar nan bonbilankant i paak, yiaru nba saa te ki i koot nan gbanantouŋ, linba saa jɔɔni, ki bia biiri, ki yin tan kpo. Ki i saa bur i bonboorii, ŋaan li sii tee yanne, kimaan i datai saa nyanni ki di linba kur ki i bur.

Liifai teeb 26:20

Ki i toontunchiɔŋ na sii tee yanne, kimaan i tiŋ na kan nan jeet, ki i tiinii mun bia kan lon lɔɔna.

Malakai 3:14

I yet a, ‘Yenweiu ki mɔk nyɔɔti. Nyɔlante ki ti saa la, li-i tee ki ti tuun waa wann linba, koo li-i tee ki ti yiab a tin wann Yabint Yennu nan ti mɔk biit nan taa tun linba.

Matiu 15:10

Ŋanne ki Yiisa yiin nibur na ki tan yetib a “Gbiintir man, ki bann linba ki n yaa n yeti na paak:

Barŋanii nba ki MAK din sɔb nae na 7:7

Bi jiantirin yanne, kimaan bi dia nisaarii kaare ki want niib, li ki tee min Yennu sennu kaa.’ ”

1 Korint teeb 15:2

Li-i tee ki i diar fanu, i saa tinna. Nna-i kaa, i yada na sii tee yanne.

Sennu 12:32

“Tumin linba ki n wanti na; i daa pukii siar li paaki, i bia daa nyint siar li ni.

1 Timoti 1:4

ki daa fiin bi yeejamm ni tianii nan yaadindont kanu nba baat nan mɔniɔk na. Ŋann ki mɔk sommir ki teen niib ki bi saa tumii Yennu sɔnu; yada paake ki ti bannir.

Taitus 1:14

ki ji daa fiin Juu teeb faak po, ki bia daa fiin niib nba ki saak barmɔnii wannu na po.

Hiibru teeb 13:9

I daa ŋaant ki wannsaanbooru booru n boonini, ki i tan saa mann tut sɔnŋanu maŋ. Li ŋan ki Yennu sommir n tur nirɔ paŋ u par ni; jeet sennii nba jiin jeet dinu po weiu kan turɔ paŋi. Nisiab nba dia jeet sennii na poŋ ki laat sommsiar li ni.

Jeems 2:20

Fin jatuk na, li-i tee ki a mɔk yada ŋaan toonŋana kaa, li tee yanne; a loon ki a bann na-a?

Fiitu 22:18

Wunba kur gbat sɔkinii mɔmaan nba be gbouŋ na ni, min Jɔɔnn kpaanɔ nan ninmɔnne, a wunba pukin siar mɔmaan maŋ ni, Yennu saa jii biak booru booru nba sɔb gbouŋ na ni na, ki pukin u tubdatu po.

1 Samuel 25:21

Ki Defid dukii a, “Bee paake ki n daan gorii nirɔ nba na faar kunkoouk na paaki, ki u siar bonmintik nna gbaa ki boti, waa ji tun linbae na ki pa jiinin sommir nba ki n sommɔ na paak?