Matiu 13:57 - Yennu Gbouŋ Mɔɔr

⁵⁷ Li paak, bi din ki teenɔ yada. Ŋanne ki u betib a “Yennu sɔkinii ki kɔŋit baakiri, see u mɔŋ mɔŋ doo ni, nan u ŋaateeb boor.”

Yennu Gbounpaauŋ Mɔɔr

⁵⁷ Linba na paak bi din ki teenɔ yada. Ŋanne ki u din betib a “Yennu sɔkinii ki kɔŋŋit nibaakiri, see u mɔŋ mɔŋ doo ni, nan u ŋaateeb boor ni.”

Matiu 13:57 ပူးပေါင်းရင်းမြစ်များ

Aisaya 49:7

Israel teeb kasii Yennu nba tee bi tinntɔɔ na, yeen wunba ki digbana yisimɔ bonchiann, ki bia namɔ, ŋaan ki u tee doo diara toontunnɔ na a, “Kpanbara saa la ki bi ŋaa-a, ki bi saa fiir ki tura jirima, ki tɔɔndamm mun bia saa lar, ki gbaan jianta.” Linba na saa tun, kimaan Yennu gann u toontunnɔwa, Israel teeb kasii Yennu na dia u mɔsona.

Aisaya 53:3

Ti din yisimɔe ki yêtɔ, ki u gubin gaar biak nan tont, sɔɔ din ki loon wun gotɔ. Ki ti yêtɔ, ki li naan nan u ki tee siar na.

Aisaya 8:14

N kasii binbeŋ nba mɔk jaŋmaanii na paak te ki n tee nan tann nba ki bi gbiatir baa na. N tee nan baruk nae ki saa soor Juda nan Israel tingbant, nan Jerusalem doo niib.

Matiu 11:6

Parpeenn be wunba ki birisin na paak.”

Matiu 13:58

Li paak, u din ki tun bakitnauŋ toonjaana bonchiann leŋi, kimaan niib maŋ nba ki teenɔ yada na paak.

Barŋanii nba ki MAK din sɔb nae na 6:1

Li poorpoe ki Yiisa nan u poorpoweiteeb nyii leŋ ki ŋmat kun u mɔŋ doo ni.

Barŋanii nba ki MAK din sɔb nae na 6:14

Tɔn, Bat Herod din gbat Yiisa labaar, kimaan u sann din doo bonchiann. Ki nisiab yeen a “Jɔɔnn nba daan wuur niib Yennu nyunwuru nae fiir kuun ni. Ŋanne te ki u mɔk paŋ ki tuun bakitnauŋ toona na.”

Barŋanii nba ki MAK din sɔb nae na 6:3

Kanpinta na kaa na-a? Meeri bija na kaa-a? Ŋɔɔ kaa tee Jeems nan Joosef nan Judas nan Simonn yɔɔrɔ na-a? U niipoob kaa be nna na-a?” Li paak ki bi yêtɔ.

Barŋanii nba ki MAK din sɔb nae na 6:4

Ŋanne ki u betib a “Yennu sɔkinii ki kɔŋit baakir see u mɔŋ mɔŋ doo ni nan u tiɔŋ niib boor, nan u mɔŋ mɔŋ ŋaak ni.”

Barŋanii nba ki LUK din sɔb nae na 4:24

Barmɔniie ki n beeri na, niib kan gaar Yennu sɔkinii u mɔŋ mɔŋ doo ni.

Barŋanii nba ki LUK din sɔb nae na 7:23

Parpeenn be wunba ki birisin na paak.”

Jɔɔnn 4:44

kimaan u mɔŋ poŋ yet a, “Yennu sɔkinii kan la baakir u mɔŋ doo ni.”

Jɔɔnn 6:42

Ki bi boi leeb a, “Yiisa nba tee Joosef bija na kaa na-a? Ti mi u baa nan u naa. Nlee ki u yaa u nyii Yendɔuŋ ni?”

Jɔɔnn 6:61

Sɔɔ din ki wann Yiisa ŋarimi, ŋaan u din bann nan u poorpoweiteeb na mɔk bunburimii u wannu maŋ paak. Ki u boib a, “Maan nae te ki i birisimi-i?