Malakai 4:5 - Yennu Gbouŋ Mɔɔr

⁵ “N saa dɔŋ tun n sɔkinii Elaija i boor niewa, ki min Yennu daar nba tee dajaann, ki bia tee jaŋmaanii daar na n tan baar.

Malakai 4:5 ပူးပေါင်းရင်းမြစ်များ

Aisaya 40:3

Sɔɔ hoot ki yeen a, “Ŋammit sɔnu muuk ni, ki tur Yennu, ŋammit sɔnu kunkoouk paak, ki turɔ.

Joel 2:31

Yonnu tan saa kpint ki bɔnn, ki ŋmaarik mun saa kpint ki mɔnn nan sɔn na; li tan saa teen nnaewa ki min Yennu dajaann nba tee biiru daar na n fit baar.

Sefania 1:14

Yennu dajaann na nakin bonchiann, ki baat yian yian. Li daar sii tee datonne, ki kunkɔnkɔnna nba mɔk para na gbaa saa yikin nan jaŋmaanii.

Malakai 3:1

Ki Yabint Yennu na jiin a, “N saa tun n toomu ki wun ŋamm sɔnu na ki turin. Tɔn, ki Yennu nba ki i guu-u na saa baar yiama, u Ŋasaakak na ni. Toomu nba ki i gorii u sɔnu po na saa baar ki tan wanni n mɔlor na.”

Malakai 4:1

Yabint Yennu yet a, “Daar baate, ki karinbaandamm nan toonbiit damm na tan saa di muu nan kinkaka na. Li daar maŋ, bi saa di boonte, nan bi siara kan biari.

Barŋanii nba ki LUK din sɔb nae na 1:17

U sii mɔk Yennu Seyeeŋ nan paŋ, nan Yennu sɔkinii Elaija nba din mɔk biaŋinba na, ki tan saa dɔŋ liit ti Yomdaanɔ, ki tunn mɔtana nigbouŋ na yan, ki te ki waas nan bibaanba n ŋamm taan kii mɔk dudukŋant, ki bia tunn mɔyêtdamm yan ki bin bann yentinbinbeŋ, ki u bia tan saa te ki niib n teen siir kii guu bi Yomdaanɔ.”

Barŋanii nba ki LUK din sɔb nae na 9:30

Li yoo na ki jab banlee nna lekit leŋ, ki bi tiat nan bi gbanant nyirii. Jab maŋ din tee Moses nan Elaija-e, ki bi piak nan Yiisa ki jiin u kuun po, nan biaŋinba ki u saa kpo Jerusalem ki gbeen Yennu loomm na.

Jɔɔnn 1:21

Ŋanne ki bi boiɔ a, “Ki a tee ŋmee? A tee Elaija-ee?” Ki u jiin a, “N ki tee ŋɔɔ kaa.” Ki bi bia boiɔ a, “Ki a tee sɔkinii nba nae-e?” Ki u jiin a, “N ki tee ŋɔɔ kaa biaki.”

Jɔɔnn 1:25

Bi bia din boi Jɔɔnn a, “Li-i tee ki a ki tee Masia, ki bia ki tee Elaija, ki bia mun ki tee Yennu sɔkinii nba na, ki li teen nlee ki a wuur niib Yennu nyunwuru?”

Fiitu 6:17

kimaan wunba kar naangbouŋ paak na nan Pegann na wutoor dagbeŋir daar maŋ baara, ki sɔɔ kaa ki saa set bi wutoor maŋ tɔɔnni.