Maika 7:8 - Yennu Gbouŋ Mɔɔr

⁸ Ti datai, i daa kpamm ti biiru paaki. Ti baawa, ŋaan ti bia saa fiira. Mɔtana ti be bunbɔnn nie, ŋaan Yennu saa turit yentuwa.

Maika 7:8 ပူးပေါင်းရင်းမြစ်များ

JOB labaar 31:29

Li ki ban manin yoo nba ki n datai be daamii ni, koo ki li manin yoo nba ki biiru baaribi.

Yaŋ 112:4

Yentu tuu yent bunbɔnn nie ki tur niŋamm, nan binba tee ninbatinna, nan burchimm, nan popeendamm na.

Yaŋ 143:3

N dataak tɔkiime ki saa soorin ki nyannin. U kɔɔnin bunbɔnn dansarik nie, ki n tee nan binba din kpo sianyoowa na,

Yaŋ 20:8

Li nibooru sii gbiatire, ki baa, ŋaan ki timm n fiir, ki see kenken.

Yaŋ 27:1

Yennu-e tee n yentu ki bia tee n tinntɔɔ; n kan tin sɔɔ jaŋmaanii. Yennu-e guun ki nyintin bonbiir kur ni; n kii mɔk jaŋmaanii.

Yaŋ 35:19

A daa te ki n datai kpamm n biiru paaki. Bi tee fai damme. A daa te binba namin ki li kaa paak na laa n parbiir paaki.

Yaŋ 37:21

Nɔɔnbiit daanɔ kpentir, ŋaan ki ki pa jiint, niŋanɔ ŋarin teen nan u par kure.

Yaŋ 37:24

Ki li-i tee ki u baa, u kan kpakin tiŋ ni, kimaan Yennu saa sommɔ ki wun fiir.

Yaŋ 38:16

N meia ki yet a, “A daa te ki n datai laan, laa biirin na paaki, koo ki bi dont bi mɔŋ maa baa na paaki.”

Yaŋ 84:11

Kimaan Yennu-e tee ti guutɔɔ nan ti kpanbar, ki tee piisin ti paak, ki ti laat burchint nan baakir, ki binba tuun linba ŋan, u ki miimm bonŋana.

Yaŋ 97:11

Yentu tuu yent kasii damm paake; ki parmaasir baat niŋamm paak.

Aisaya 2:5

Tɔn, Jakɔb yaaboona, ŋaant ki tii somm yentu nba ki Yennu turit na ni.

Aisaya 49:9

N saa yet dansarkɔɔra na a, ‘Ii saa i yamani man,’ ki bia yet binba be bunbɔnn ni a, ‘Baat yeeuŋ ni man.’ Bi sii tee nan pei nba ŋman kunkona paak nae;

Aisaya 50:10

Yimm nba kur baakit Yennu, ki bia saak u toontunnɔ mɔb na, sɔnu nba ki i tɔk na-i lekii bɔn biaŋinba, ŋaan i teen Yennu yada kii maa u paak.

Aisaya 9:2

Niib nba tuu somm bunbɔnn ni na ji la yentchiɔŋa. Bi tuu be bunbɔnn tiŋ na nie, ŋaan mɔtana yeeuŋ yent bi paaka.

Jeremaya 48:27

Moab, a tian faa din yisin Israel niib biaŋinba-a? A din diab ki li naan nan bi tɔk nanyuk tɔkue ki bi soorib na.

Jeremaya 50:11

Ki Yennu yet a, “Babilonn teeb, i fat n niib bona. I mɔk parpeenne ki kpamm, ki li naan naab nba tuu ŋmaan dii ki pinii na, koo ki mɔ nan taamm na,

Jeremaya 8:4

Ki Yennu pakin a n yet u niib a, “Nirɔ-i baa, u ki fi-i? Nirɔ-i tut sɔnu, u ki ŋmat poori-i?

Esekiel 25:6

Maan nba nae ki Yabint Yennu yeen a, “Yimme poi niipoot ki mobit nan kpinkpammuk, ki yisin Israel tiŋ.

Esekiel 35:15

nan yaa kpamm Israel teeb nba tee n tiɔŋ niib na biiru paak biaŋinba na. Seir jɔɔt nan li Edom tiŋ kur saa biar yann, ki sɔɔ kur saa bann nan mine tee Yennu.”

Esekiel 36:5

“Min Yabint Yennu-e be n wutowɔruk ni, ki pak biir digbana nba kpia-i na, mantik Edom teeb nba din mɔk kpinkpammuk nan naŋ, ki fat n tiŋ, ki yent li bonkobit kpinkpaar boa na.

Amos 9:11

Yennu ŋamm yet a, “Daar baate ki n tan saa ŋamm fiin Defid naangbouŋ nba tee nan ŋaak nba baa ki tee langbouŋ na. N saa ŋamm maa li joona, ki fiinir, ki ŋamm maar, ki lii tee nan laa din tuu tee sianyoo biaŋinba na,

Obadia 1:12

I daan bo kii kpamm i ninjamm nba ki bi biirib Juda tiŋ ni na paaki. I daan bo kii mɔk parpeenn, daar nba ki bi biirib na ni. I daan bo kii laab nan baa be parbiir ni na.

Maika 4:10

Jerusalem teeb, ii ŋmantir kii kurii nan poo nba tuu yaa wun mar na, kimaan mɔtana i saa nyik doo na, ki nyi saan kar muuk ni. See ki i saan Babilonn, ŋaan Yennu saa tinni leŋ, ki yin nyi i datai nuu ni.

Maika 7:10

Tɔn, ki ti datai saa la linba na, ki di fei. Ŋamme tee datai nba bo sarikitit ki yeen a, “I Yomdaanɔ Yennu na be lee?” Ti saa la ki bin nyannib, ki ŋmaatib nan tanmaatit na, sɔnjot ni.

Sekaria 12:8

Li yoo, min Yennu saa guur binba be Jerusalem na, ki binba ki mɔk paŋ na, ŋaan n saa te ki bi mɔk paŋ nan Defid nba din mɔk na. Defid yaaboonae tan sii tee niib na tɔɔndamm, ki ŋmakitirib nan min Yennu malaka, koo min Yennu mɔŋe ŋmakitirib na.

Malakai 4:2

Ŋaan yimm nba sak n mɔb na ŋarin, n tinnu yiikoo na saa yent i paak nan yondoor yonkpana nae, ki turi laafia, ki yin la fat-n-mɔŋ, ki ji mɔk parpeenn nan baa tuu nyinn naabis naaloor ni ki bi mɔk parpeenn biaŋinba na.

Matiu 4:16

yimm nba be bunbɔnn ni na la yentjaann; binba kar kuun bunbɔnn yent ni na la ki yentu na yentir ki baatib.”

Jɔɔnn 16:20

Barmɔniie ki n beeri na, i tan sii mɔ fabin, ŋaan tingbouŋ na ŋaateeb ŋarin tan sii mɔk parpeenne. I sii mɔk parbiir, ŋaan li poorpo ki i parbiir maŋ saa tunn ki teen parpeenn.

Jɔɔnn 8:12

Ŋanne ki Yiisa bia pak nan niib Yenjiantu ŋasaakak ni a, “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba yentir u binbeŋ, ki u kii turin bunbɔnn ni.”

Toona 26:18

Fine tee wunba saa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, ki wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan baa teenin yada na paak.’

2 Korint teeb 4:6

Yennu nba din yet a “Yentu n yent bunbɔnn ni na,” ŋɔɔe te ki u yentu na yentir ti para ni, a ti bann u yentsaakar nba tee biaŋinba; li yentue yeen Yiisa Masia numm po.

2 Korint teeb 4:9

bi dintit biak, ŋaan Yennu ki nyikititi; bi lut tiŋ ni, ŋaan ki fit kpiiti;

Fiitu 21:23

Ki doo maŋ ki loon ŋmaarik koo yonnu yentu, kimaan yabint Yennu baakchiɔŋ nae tee li yentu, ki Pegann na mun tee li fitir.

Fiitu 22:5

Nyiɔk ji tan sii kaa, bi tan kii loon fitir koo yonnu yentu, kimaan ti Yomdaanɔ Yennu sii tee bi yentu. Ki bi saa di naan kii be mɔkmɔk nan mɔkmɔk.