Maika 7:19 - Yennu Gbouŋ Mɔɔr

¹⁹ A saa ŋamm kii mɔk ninbatinu nant. A saa ŋmaa ti yanbɔmm na ki tut sikinir mɔkgbeŋir tiŋ po.

Maika 7:19 ပူးပေါင်းရင်းမြစ်များ

2 Samuel 24:14

Ki Defid yet Gaad a, “Barmɔnii, n be daamii nie. N ki loon niib n dat n tubiri. Ŋaant Yennu mɔŋe n dat n tubir, kimaan u mɔk ninbatinu.”

Yaŋ 103:12

Yondo po nan yonbaa po nba fɔk nan leer biaŋinba na, nnae mun Yennu tuu jii ti biit ki fɔkit nann ti boor.

Yaŋ 130:8

U saa nyinn u niib Israel teeb bi yanbɔmm kur ni.

Yaŋ 85:3

A nyik ki ji ki dont wutoor nammi, ki soor a parbeenn na.

Aisaya 33:24

Wunba kur be ti tiŋ na ni kan ban yet a u yiar, ki bi biit kur saa la nyikinchab.

Aisaya 38:17

N tont na saa kpant manue. A nyinn n manfoor ninbɔŋ kur niwa. A nyikin chab n biit kura.

Aisaya 43:25

Ŋaan mine bia tee Yennu nba nyikin i biit ki chabiti; n tuun linba na, kimaan maa tee wunba na paake. N kan biiri, i biit paaki.

Jeremaya 31:20

“Israel digbann, fine tee n bijaloŋir, bik nba ki n lomm mantik be u ni. Yoo nba kur ki n taa a sann, n tuu dukin a po nan lomme. N yan tuu nyi saan a boore. N sii mɔk ninbatinu nana.

Jeremaya 31:34

Bi sɔɔ ki tee wun ji tumii u lɔɔ koo u ninja ki yaa, ‘Bant Yennu,’ kimaan bi kur tan sii min, laa nyii tarik ki saa tuu paarɔ. N saa nyik chab bi biit, ki kan ban tiar bi yanbɔntoona po. Min Yennu-e pak na.”

Jeremaya 33:8

N saa ŋammib, ki nyinnib bi biit nba ki bi din biirin na ni, ki saa nyik chab bi biit nan bi mɔyêtuk na.

Jeremaya 50:20

Yoo maŋ-i baar, bisiat sii kaa Israel teeb na ni, ki yanbɔnsiar sii kaa Juda teeb ni, kimaan n saa nyik chab niib nba ki n tinn bi manfoa nawa. Min Yennu-e pak na.”

Fabinii 3:22

Yennu ninbatinu na yɔɔ be-e, ki u lomm kaa gbennu.

Fabinii 3:32

U saa fit te ki parbiir n baarit, ŋaan u lomm nba ki u be nant na tee barmɔniie, ki mɔk paŋ.

Esekiel 18:22

Ki u saa la nyikin chab, u toonbiit kur ni, ki u sii be u manfoor ni, kimaan waa tuun linba ŋan na paak.”

Esekiel 39:29

N saa sikin n Seek, Israel teeb paak, ki kan ban nyikibi. Min Yabint Yennu-e pak na.”

Daniel 9:24

“Yennu senn nan bina piinlore taar munlore poorpoewa, ki u tan saa ŋaa a niib nan a kasii doo na, ki bin nyi bi yanbɔmm nan biit ni. Yennu tan saa nyik chab yanbɔmm, ŋaan baar nan ŋant nba kaa paak, ki yirintu nan masɔkinkar na saa teen barmɔnii, ki bi saa ŋamm kasii jiantu ŋasaakak na.

Hosea 14:2

Jenin ki baar Yennu boor, ki ŋaan i Yenmiaru na-ii tee Yenpiinii ki i teenɔ a, “Nyikin chabit ti yanbɔmm kur, ŋaan gaar ti miaru na, ki tin paka nan taa senn mɔsonn biaŋinba na.

Hosea 14:4

Yennu yet a, “N saa te ki n niib n jen n boor. N sii loomm nan n par kur, ki n ji kan ban donn wutoor bi paaki.

Sekaria 3:4

Malaka na din bet u leeb na a, “Liatir tajakina nba ki jɔɔ na lia na,” ŋaan yet Joosua a, “N jii a yanbɔmme na, ŋaan ji saa tura tapaant ki a lia.”

Rom Teeb 6:14

Biit daa mɔk i yaaki, kimaan sennu na ki yenini, ŋaan Yennu ninbatinu nae yeni.

Rom Teeb 8:13

Li-i tee ki i waa gbanant loomm, i saa kpowa, ŋaan li-i tee ki i kpi gbanant loomm Yennu Seyeeŋ paŋ na paak, i saa la manfoora.

Sennu 30:3

ŋann ŋɔɔ i Yomdaanɔ Yennu sii mɔk ninbatinu i paak, ki u saa nyinni tiŋ nba ki u yati ki i be na, ki jen nani, ki te yin mɔkit biak.

Sennu 30:6

I Yomdaanɔ Yennu saa tur yimm nan i yaaboona mɔsaku par. Ki li saa te ki i loonɔ nan i para munn, ki i sii fit be tiŋ na ni.

Sennu 32:36

Yennu saa fat u niib, yoo nba ki u la ki bi paŋ gbenn. U sii mɔk ninbatinu nan damm nba jiantirɔ na, yoo nba ki u la baa chɔk biaŋinba.

Taitus 2:14

ŋɔɔe din gaar ti paak ki kpo, a wun nyinnit biit kur daabisin ni, ki te ki ti tee popeendamm nba tee u kuukɔɔ yab, ki tee niib nba numm mɔn nan toonŋana tumu.

Hiibru teeb 8:12

N tan saa nyik chab bi biit, ki kan ban tiar bi yanbɔntoona po.”

1 Jɔɔnn 3:8

Sintaanii poŋ tee biitdaanɔe piinu niwa nan mɔtana, ki daanɔ nba tuun biit, ŋɔɔe tee Sintaanii yɔɔ. Yennu Bija Yiisa baar a wun biir Sintaanii toonae.