Maika 7:14 - Yennu Gbouŋ Mɔɔr

¹⁴ Yennu, i tee nan pekpaarik na, kii gorii a niib, niib nba ki a gannib na. Baa lek bɔkit ki kɔɔ kunkoouk paak na, ŋaan tinkpiasir be ki lintiba. Ŋaant ki bin saan kii di Basann nan Gilead tinkpiasir na ni, nan baa din tuu di sianyoo biaŋinba na.

Maika 7:14 ပူးပေါင်းရင်းမြစ်များ

Yaŋ 100:3

Ii bann nan Yennu-e tee barmɔnii Yennu. Ŋɔɔe nant, ki ti tee u niib. Ti tee u niibe, u tiɔŋ niib.

Yaŋ 143:5

N tian daa nba gar na po, ki dukii faa tun linba po, ki tian linba kur ki a tun.

Yaŋ 28:9

Yennu, tint a niib, ki teen piisin bi paak, kii kpaarib nan yoo nba kaa paak.

Yaŋ 95:7

kimaan ŋɔɔe tee ti Yennu, ki ti tee niib nba ki u goriit, niib nba ki u teent linba ki ti loon. Dinna nba na, ii gbiint waa piak linba a:

Nyinu 33:16

Li-i tee ki a ki tɔk saan nanti, nlee ki sɔɔ saa bann nan a par mei min nan a niib paaki? A benu nante saa te ki tii mɔk bɔkitu nan durinya ni teeb nba biar na.”

Yankpaŋii 4:1

N yɔɔk, a mantik fan bonchiann. A ninbina nba ki saarik dɔɔk na nyirii nan lomm, ki a yut na lian ki tee nan buunii nba tuu yab ki nyi Gilead kunkonn paak ki siik biaŋinba na.

Aisaya 27:13

Li daar-i baar, bi saa pebir naatunne ki yiin Israel teeb nba tee yommii ki be Asiria nan Ijipt tinii ni na. Bi saa baar ki tan jiant Yennu, u kasii kunkonn nba be Jerusalem na paak.

Aisaya 35:2

Kunkoouk na saa yin yaŋ ki hoot nan parpeenn; li saa faŋ nan Lebanonn kunkona nae, ki bia sii kpai nan Kamel nan Saronn sarwaat na. Sɔɔ kur saa la Yennu fant, ki la u yabint nan u yiikoo.

Aisaya 37:24

A tun toomii a bii dont bi mɔŋ n boor nan fin nan a taantorit kɔn nyann Lebanonn jɔjaana nawa. A want a mɔŋ nan a chɔɔ leŋ kpek-foot, nan leŋ naasei nba ŋan, ki kɔɔ baar tiiuk na sinsuuk niwa.

Aisaya 40:11

U saa got u pei na, nan u tee pekpaarik nae, ki taan pebis na ki diab u nii ni; u saa somm nan penaant na, nan sukuru.

Aisaya 49:10

nyunnyukuru koo kon kan soorib. Yonnu nan tinkorik wɔruk kan teenib siar, kimaan wunba mɔk lomm namme saa gar bi tɔɔnn. U saa saan namm nyuntona boa.

Aisaya 65:10

Bi sii jiantirin, ki tuu saan nan bi pei nan nei Saronn paanu ni, yonbaa po, ki bin ŋman mɔɔt, ki bia saan yondo po, Daamii Baauk na ni.

Jeremaya 49:31

‘Baat man. Ti saa lek niib nba dukii nan bi be bi yamani ki be fanu nawa. Bi doi ki mɔk joona nan gana, li bia ki mɔk gankpata, ki tee domanyauŋ.’

Fabinii 1:7

Jerusalem tian u mɔkint nba ki u din mɔk yaayoo ni na po, ŋaan mɔtana ki u ji tee langbent kɔɔ. Ki waa kɔɔ u datai ni yoo nba, sɔɔ kaa ki saa sommɔ; ki binba nyannɔ na laau, u baak paak.

Fabinii 5:21

Yennu, a te ki tin jen a boor. A te ki tin jen. A ŋamm fiin ti sann nba din be yaayoo niwa na,

Esekiel 36:11

N saa te ki i niib nan bonkobit n pɔt, ki niib nba sii be sii yab gar niib nba tuu teewa. Ki i sii mɔk waas bonchiann, ki n saa te yin kɔɔ kar siaminba ki i tuu be na, ki te yin ŋamm mɔkit. Ki i ji saa bann nan mine tee Yennu.

Liifai teeb 27:32

Ŋaak ni bonkobuk booru kur kann piik ni yennkɔɔ tee Yennu yare.

Amos 9:11

Yennu ŋamm yet a, “Daar baate ki n tan saa ŋamm fiin Defid naangbouŋ nba tee nan ŋaak nba baa ki tee langbouŋ na. N saa ŋamm maa li joona, ki fiinir, ki ŋamm maar, ki lii tee nan laa din tuu tee sianyoo biaŋinba na,

Obadia 1:19

“Niib saa nyi niidiitu po Juda tiŋ ni ki yent Edom tiŋ, ki binba saa nyi yonbaa po kunkonbis po na saa fat Filistia tiŋ. Ki Israel teeb saa kɔɔ Efraim nan Samaria yent ni, ki Benjaminn booru saa yent Gilead tiŋ.

Maika 5:4

U-u taŋi baar, u saa dia u niib nan paŋ nba saa nyi Yennu boore, nan yiikoo nba tee ŋɔɔ Yabint Yennu tiɔŋ yar. U niib tan sii be nan laafia, kimaan durinya na kur niib tan saa bann u yabint nba tee,

Sefania 3:13

Israel teeb nba biar ki mɔk manfoa na ji kan tun biit ki tur sɔɔ, koo ki faar faak, koo ki kpann sɔɔ. Bi sii mɔkitire, ki be bi yamani, ki kii tiin sɔɔ.”

Sekaria 10:10

N saa nyi nan n niib Ijipt nan Asiria, ki jen kpen namm ki kaamm bi mɔŋ tiŋ ni, ki bia kaanib Gilead nan Lebanonn, ki tiŋ maŋ kur po saa gbee nan niib.

Sekaria 11:7

Binba daa pei maŋ ki tɔɔt ki kɔi nae jɔɔmin, ki n tee pei nba ki bi yaa bin kpib na pekpaarik. Ki n jii gbianii ŋanlee, ki pur yenɔ “Sommir,” ki pur lɔɔ na “Mɔtaauk.” Ki n gorii pei na.

Malakai 3:4

Ki Juda nan Jerusalem teeb nba ji teen Yennu bi piinii nba na, u sii mɔk parpeenn li paak, nan waa din tuu mɔk biaŋinba na.

Nikant 23:9

N be tanpigbent na paak ki laatib; n be jɔkunkonn na paak ki bariib. Bi tee digbann nba kɔɔ bi kuukɔɔe; bi mi nan piisin be bi paak, ki chee digbanlia.

Nikant 32:1

Rubenn nan Gaad booru din mɔk bonkobit bonchiann, ki bi la nan Jaser nan Gilead tiŋ ŋan nan bonkobit joonn,

Matiu 2:6

‘Fin Betlehem nba be Juda yent ni na, a ki tee tinbik kaa Juda yiar ni, kimaan batsɔɔ tan saa nyi a nie, ki ŋɔɔe tan sii yen n niib Israel teeb.’ ”

Jɔɔnn 17:16

Maa ki tee tingbouŋ na yɔɔ na, bi mun ki tee tingbouŋ na yabi.

Sennu 33:28

Jakɔb maaru be parpeenn ni, ki be bi yamani tiŋ nba gbee nan jeet nan tilɔɔna daan na ni, siaminba ki marin nyi sanpaapo ki baa maant leŋ tiŋ na.