Maika 7:10 - Yennu Gbouŋ Mɔɔr

¹⁰ Tɔn, ki ti datai saa la linba na, ki di fei. Ŋamme tee datai nba bo sarikitit ki yeen a, “I Yomdaanɔ Yennu na be lee?” Ti saa la ki bin nyannib, ki ŋmaatib nan tanmaatit na, sɔnjot ni.

Maika 7:10 ပူးပေါင်းရင်းမြစ်များ

2 Samuel 22:43

Ki n nannib ki bi tan tee nan tanbiinii na; ki n ŋmaat bi paak nan sɔnjouk ni tant na.

Yaŋ 109:29

Ŋaant ki n datai n di fei, ki lia bi fei maŋ nan liatir na.

Yaŋ 115:2

Bee ki digbana sii boit a, “I Yennu na be lee?”

Yaŋ 18:42

Ki n biirib, ki bi naan nan tanbiinii nba ki wouŋ tuu pebir yaat nann na. Ki n ŋmaatib nan tant nba tuu dɔɔ sɔnjot ni na.

Yaŋ 35:26

Ŋaant ki binba kpamm n wahala ni na, bin nyannib ki lin ŋmatib. Ŋaant ki binba want bi mɔŋ na, bin di fei ki kɔŋ baakir.

Yaŋ 42:10

Ki bi chɔɔn n kpaba nan sukit, ki boin daa kur a, “A Yennu na be lia?”

Yaŋ 42:3

Yonnu ni nan nyiɔk kur ki n mɔ ki ninnyuut tee n jeet. Ki n datai yɔɔ ki boin a, “A Yennu na be lia?”

Yaŋ 58:10

Kasii damm sii mɔk parpeenn, li-i tee ki bi la yanbɔndamm be tubdatu ni, li yooe ki bi saa somm toonbiit damm sɔn ni.

Yaŋ 79:10

Bee teen ki boorganu na boit a, “I Yennu na be lee?” Yennu, ŋaant ki tin la nan ti ninbina, ki a dat binba kpii a niib na tuba.

Yaŋ 92:12

Niŋamm saa yit nan kaatii nae, bi sii kpaatir nan Lebanonn kpekii nae.

Aisaya 26:11

A datai ki mi nan a saa dat bi tuba. Yennu, kɔɔntib fei ki ŋaan bin di biak. Ŋaant bin di biak nba ki a teen li siir na. Wantib faa loon a niib biaŋinba.

Aisaya 41:25

“N gann jasɔɔ, ki u be yondo po. N saa baar nanɔ ki wun tan piin gaŋ po ki lek. U ŋmaat doo diara nan tanmaatit nae, ki bia tee nan yɔkmaarɔ nba tuu ŋmaat yɔk tant biaŋinba na.

Jeremaya 49:15

Yennu yaa wun teena bonchɔkuŋo, ki sɔɔ kan tura baakiri.

Jeremaya 51:24

Ki Yennu yet a, “I saa la ki n pa jiin Babilonn nan li niib, biit nba kur ki bi tun tur Jerusalem na paak.

Jeremaya 51:51

I yeen a, ‘Ti dii fei ki la yukpiasira, ti la nan ti ki mɔk sommtɔɔ nan yenɔkɔɔwa, kimaan boorganu gaar kasii boa nba be Yenjiantu Ŋasaakak ni nawa.’

Esekiel 7:18

Ki bi saa lia bɔtoliant ki wann bi parbiir nba tee, ki jaŋmaanii sii mɔkib. Bi saa koor bi yut, ki bi kur saa di fei.

Daniel 3:15

Mɔtana jik, li-i tee ki i gbat naatuna nan naagbai nan yerii nan biat nan kɔna mɔnii, koo bonmumɔɔt nba be mɔnii, yin gbaan ki jiant nirɔ ninnauŋ na. Li-i tee ki i ki jiantiri, bi saa lui muu nba yab bonchiann na bootuk nie yiama. I dukii nan Yensau be ki saa fati n nuu niwa-a?”

Joel 2:17

Mannteeb nba tuun Yennu toona ki be maruŋ binbintir nan ŋasaakak tammɔb sinsuuk ni na n bui ki miar Yennu a, “Yennu, ii mɔk ninbatinu nan a niib. A daa te digbanlia sarikitit, ki bia laat, ki yeen a, ‘I Yennu na be lia?’ ”

Obadia 1:10

“Kimaan yaa fiar ki bia kpi i ninjamm Jakɔb yaaboona na paak, ki n saa boonti, ki yin di fei nan yoo nba kaa paak.

Obadia 1:12

I daan bo kii kpamm i ninjamm nba ki bi biirib Juda tiŋ ni na paaki. I daan bo kii mɔk parpeenn, daar nba ki bi biirib na ni. I daan bo kii laab nan baa be parbiir ni na.

Maika 4:11

Digbana bonchiann lakine a bin leki. Bi yeen a, “Li tee tin biir Jerusalem-e. See ki ti la doo na teen langbent.”

Maika 7:8

Ti datai, i daa kpamm ti biiru paaki. Ti baawa, ŋaan ti bia saa fiira. Mɔtana ti be bunbɔnn nie, ŋaan Yennu saa turit yentuwa.

Sefania 3:15

Yennu nyik i tubdatu nawa, u nyinn i datai kura. Yennu nba tee Israel teeb kpanbar na be nani. I ji daa tiin jaŋmaanii.

Sekaria 10:5

Juda niib saa la nyannu ki tee nan kunkɔnkɔnna nba tuu nyann bi datai, ki ŋmaa ki birib tiŋ ni nae. Bi saa kɔn, kimaan Yennu be namm, ki bi saa nyann bi datai na, halii nan taanjakira nawa.

Malakai 1:5

Israel niib saa la linba na nan bi mɔŋ ninbina, ki saa yet a, “Yennu tee Yenjaanne, halii nan binba ki tee Israel teeb na boora.”

Malakai 4:3

Mi-i tun linba na daar nba, i saa nyann tondamm nae, ki bi ji tee nan tanbiinii na, i taapant ni.

Matiu 27:43

U teen Yennu yadawa, ki yaa u tee Yennu Bijae. Tɔn, li-i tee ki Yennu set loonɔ, ŋaant wun tinnɔ mɔtana.”

Joosua 7:9

Keenann teeb nan binba kur be tiŋ na ni saa gbat linba nawa. Bi saa tikir ki loonte ki kpi ti kur. Li saa teen nlee ki a sann n la baakiri?”

Fiitu 18:20

Yendɔuŋ ni teeb, nan Yennu niib, nan u sɔkiniinba, nan Yiisa toomiinba, ii mɔk parpeenn man, kimaan Yennu bu dogbeŋir maŋ buut ki biirɔ ki turiwa.