Maika 5:7 - Yennu Gbouŋ Mɔɔr

⁷ Israel teeb nba tenn ki mɔk manfoor na, bi tan sii tee nan Yennu nba tuu te ki marin nan saak baa bonburkara paak nae, ki tur digbana bonchiann. Ki bi sii maa Yennu paak, ŋaan kii maa nisaarik paaki.

Maika 5:7 ပူးပေါင်းရင်းမြစ်များ

2 Samuel 17:12

ki saa wor Defid siaminba kur ki ti lau, ki u kan banni, ki ŋɔɔ koo u jasɔɔ kan biar ki mɔk manfoori.

Yaŋ 110:3

Daar nba ki a saa kɔn nan a datai na, a niib saa somma. A naasimm saa nyi ki baar a boor, kasii kunkona na paak nan marin nba tuu baa sanyiɔk ni na.

Yaŋ 133:3

Li tee nan Hermonn kunkonn paak marin nba saa baa Sayɔnn kunkona paak nae. Leŋe ki Yennu senn mɔsonn, u piisin po, ki li tee manfoor nba kaa gbennu.

Yaŋ 72:6

A te kpanbar na-ii tee nan saak nba tuu baa kpaant ni na, kii biaki tee nan samimmiiuk nba tuu baa tiŋ paak na.

Barjokit 19:12

Bat wutoor-i doo, li tee nan yanbɔr nba tuu be-e nae, ŋaan ki u parmaasir tee nan sinsinn saak nba tuu baa na.

Aisaya 32:15

Ŋaan Yennu bia tan saa turit u Seeka. Tinfukirik na tan saa kpiak, ki kpaant saa nan jeŋant,

Aisaya 44:3

N saa tur tiŋ nba ki nyunkon be na nyun, ki te kpenii puub tinkooŋ ni. N saa mɔɔn n Seek i waas paak, ki bia mɔɔn n piisin i yaaboona paak.

Aisaya 55:10

“N mɔmaan tee nan saak nan sakaana nba tuu nyi sanpagbant ni ki baa maant tiŋ nae. Ŋanne tuu te ki bonbuburit kpaatir, ki bia te li naan, ki bi jikit ki buur, ki bia tee jeet ki di.

Aisaya 66:19

ki bann nan mine daar bi tuba. “Ŋaan n saa tinn bi siab ki saan namm digbana nan tinii nba fɔk, ki ki ban gbat n sanjaann na po, koo ki la n yabint nan n yiikoo na. Li digbanae tee Speenn nan Libia nan Lidia, siaminba ki li niib mi tɔrbantɔnu bonchiann na, ki bia saan namm Tubal nan Griis. Digbana na nie, ki bi saa mɔɔnt n yabint nba tee.

Jeremaya 14:22

Tingbana na sɔɔ kaa ki saa fit tur saaki. Sanpaak mɔŋ kan fit te saak n baa. Ti teen ti dindann fin ti Yomdaanɔ Yennu nie, kimaan fine tuun linba na kura.

Esekiel 14:22

Ki binba tan saa tenn na, ki bi saa soorib bi doi ni ki saan namm Babilonn. Nisaarik, li-i tee ki a la baa tee toonbiit damm biaŋinba, a saa bann linba paak teen ki n tun linba na kur ki tur Jerusalem.

Esekiel 47:1

Ki jɔɔ na jiin ki ŋmat nanin Yenjiantu Ŋasaakak na tammɔb boor. Ki nyun nyi tammɔb na ni, ki puub saa yondo po, Jiantu Ŋasaakak nba tor siaminba po na. Ki nyun na gɔnt ki siik ŋasaakak na diitu, ki gaar siik maruŋ binbintir na niidiitu po.

Esekiel 5:5

Mine tee Yabint Yennu, mine ŋamm Jerusalem, ki li tee siaminba mantik kpaa talas durinya na kur po, ki digbana nba kur lintir na numm gboor.

Daniel 11:32

Kpanbar na saa jii kpinkpanniie, ki lin te niib nba yêt Yenjiantii na n taan u po, ŋaan binba waa Yennu na saa kɔn Yennu paaka.

Hosea 14:5

N sii tee nan saak nba tuu baa tinkooŋ paak nae ki tur Israel teeb, ki bi saa yit nan tipuut nae, ki saa baa jiina fanu nan Lebanonn tiinii nba tee biaŋinba na.

Hosea 6:3

Ŋaant ti tumii ki bann Yennu. Laa tee barmɔnii nan yonnu saa do na, ki bia tee barmɔnii nan kpafusaak saa baa na, nnae mun li set tee barmɔnii nan Yennu saa dɔkit ti paak.”

Joel 2:32

Ŋaan binba kur tan boin sommir po saa la tinnu. Niib nba be Jerusalem, bi siab saa la fatu, ki binba ki n gannib na sii mɔk manfoor nan min Yennu nba yet biaŋinba.”

Amos 5:15

Ii nan toonbiit, ŋaan kii tuun toonŋana, ki te barmɔnii-ii piak buut bunu ni. Li pasiar, Yennu sii mɔk ninbatinu digbann na niib nba tenn ki mɔk manfoor na paak.”

Maika 2:12

“Ŋaan yimm Israel teeb nba biar na, n saa taani bɔyennkɔɔ nie. N saa taani nan pei nba tuu jen pelook ni biaŋinba na. Ki i bia sii tee nan pei nba tuu gbee pekpaarboor na, ki i tiŋ saa ŋamm gbee nan niib bonchiann.”

Maika 4:13

Yennu yet a, “Jerusalem teeb, ii saa ki dat i datai tuba. N saa te ki i paar nan naajak nba mɔk kut yina nan kutmɔnt taawoka nae. I saa biir digbana bonchiann, ki mɔkint nba ki bi kpaan nan jatuk na, yin baar nann ki tan tur min, wunba tee durinya kur Yennu na.”

Maika 4:7

Bi tee wabiie ki fɔk nan bi doo, ŋaan n saa ŋamm binbenpaaŋe ki tur binba biar na, ki bi sii tee digbanjaann. Ki n sii diab yoo maŋ Sayɔnn kunkonn paak, nan yoo nba kaa gbennu.”

Maika 5:3

Yennu saa ŋaa u niib ki tur bi datai, ki tan tuu yoo nba ki poo nba yaa wun mar na saa mar u bonjak. Ki li yoo, bik na doo ni niib nba bo kɔɔ digbangann ni na, saa ŋamm lakin ki taan nan bi tiɔŋ doo ni niib.

Maika 5:8

Ki Israel teeb nba tenn ki be digbangana ni na, tan sii tee nan yanbɔr nba tuu gɔrin ki loon jeet fɔɔr ni na, ki tuu tan dɔkit pei paak, ki baa bi paak, ki patib burii burii, ki bi ji ki mɔk dindann tinnu po nae.

Maika 7:18

Yennu, sɔɔ kaa ki tee nan fin na; a nyik chab a niib nba tinn na yanbɔmma. A ki biat a wutoor ni mɔkmɔk nan mɔkmɔki, ŋaan li mana ki a wantit a lomm nba kaa gbennu.

Sefania 3:13

Israel teeb nba biar ki mɔk manfoa na ji kan tun biit ki tur sɔɔ, koo ki faar faak, koo ki kpann sɔɔ. Bi sii mɔkitire, ki be bi yamani, ki kii tiin sɔɔ.”

Sekaria 14:8

Li daar-i baar, manfoor nyun tan sii puub ki nyi Jerusalem, ki li bɔkyenn saa Mɔk-kpeenn na ni, ki bɔkleer na mun saa Sinsuuk ni mɔkgbeŋir na ni. Li sii puube piar nan siɔk kur.

Sekaria 9:13

N saa te ki Juda-ii tee nan kunkɔnkɔnnɔ tɔdaauk nae, ki Israel-ii tee nan peenii na. N saa jii Sayɔnn jab ki bi tee nan banjiak nae ki kɔn nan Griis jab.”

Matiu 28:19

Li paak, ii saa man tingbouŋ na ni, nibooru kura boor ki teemm n poorpoweiteeb, ki wurib Yennu nyunwuru, n Baa Yennu maŋ sann ni, nan min u Bija sann ni, nan Seyeeŋ sann ni,

Toona 11:15

“Tɔn, maa piin maan paku yoo nba, ki Yennu Seyeeŋ sik bi paak, nan waa din sik ti paak li pinpiik biaŋinba na.

Toona 13:46

Ŋaan ki Pɔɔl nan Banabas lek bia yeen nan parcheenn a, “Li daan kpaa talase ki ti sint pak Yennu maan ki tur yimm Juu teeb. Ŋaan yaa yêt maan maŋ, ki bia dukin nan i ki ŋan nan yin la manfoor nba kaa gbennu na, li paake te ki ti nyikiti, ŋaan saa binba ki tee Juu teeb na boor,

Toona 16:9

Leŋe ki Pɔɔl la yirintu ni nyiɔk, ki Masedonia nirɔ baar see ki barimɔ a, “Pootir mɔkgbeŋir na ki baar Masedonia na, ki tan sommit.”

Toona 9:15

Ki ti Yomdaanɔ betɔ a, “Fini saawa, ŋɔɔe tee wunba ki n gannɔ a wuu tuun n toonn, ki te boorganu nan bi kpanbara nan Israel teeb n bann n sann,

Rom Teeb 10:20

Ki Aisaya mɔk par, ki yet a Yennu yaa niib nba ki fiin u po na, bi tan lauwa; ki niib nba ki boi u po na, ki u fiit u mɔŋ ki wannib.

Rom Teeb 11:12

Ki Juu teeb biit paake te ki tingbouŋ na teeb la tinnu; ki ŋamm Juu teeb nba din ki tun Yennu loomm nae te ki binba ki tee Juu teeb na la tinnu, li paak, Juu teeb maŋ kur-i munii nyik bi biit ki la tinnu, tingbouŋ na teeb saa mantik la piisin ki gar nnawa.

Rom Teeb 9:30

Tɔn, ti saa yet nlee? Binba ki tee Juu teeb na din ki koor a bin teen niŋamm Yennu boori, ŋaan ki Yennu yet a bi tee niŋamm u tɔɔnn, bi yada paak.

1 Korint teeb 3:6

Min din bur bonbooriie, ki Apolos mun maant nyun, ŋaan Yennu-e te ki li pia kpaat.

Sennu 32:2

N wannu sii toot nan saak nba tuu toot nae, ki saa baa tiŋ na paak nan marin na. N mɔmaan saa baa nan nyun nba ki bi tuu maant bonbuburit nae, ki sii tee nan samimmiiuk nba tuu baa mɔɔt paak na.

Barbuura 6:36

Ki Gideonn yet Yennu a, “A yet nan a saa jii mine ki tinn Israel teeb.