Maika 5:6 - Yennu Gbouŋ Mɔɔr

⁶ Ki kunkɔnkɔnna na saa weib nan mabir ki kɔn nyann Asiria, linba tee Nimrod tiŋ na. Ki bi saa fatit Asiria teeb maŋ nuu ni, yoo nba ki bi lek ti yent.

Maika 5:6 ပူးပေါင်းရင်းမြစ်များ

2 Kpanbara 15:29

Yoo nba ki Peka din tee kpanbar nae, ki Asiria kpanbar Tiglaf Pileser kɔn nyann Ijonn nan Abel Bef Maaka nan Janoa nan Kedes nan Hasor doi, nan Gilead nan Galilii nan Naftali yentnba, ki jii niib na ki saan namm Asiria, ki teenib yommii.

1 Barkperii 1:10

(Kus din mɔk bonjak, ki bi yiu Nimrod, ŋɔɔe din fiir ki tee sinsinn nipaaruk.)

2 Barkperii 33:11

Ŋanne Yennu te ki Asiria kunkɔnkɔnna saakab lek Juda yent, ki soor Manase ki teenɔ yommik, ki gaan baŋ u miar ni, ki baanɔ kutmɔnt jaruk, ki jiiu saan nanɔ Babilonn.

JOB labaar 29:22

Ki mi-i pak gbenni, ki bi ki mɔk siar ki pukii li paaki.

Yaŋ 110:3

Daar nba ki a saa kɔn nan a datai na, a niib saa somma. A naasimm saa nyi ki baar a boor, kasii kunkona na paak nan marin nba tuu baa sanyiɔk ni na.

Yaŋ 72:6

A te kpanbar na-ii tee nan saak nba tuu baa kpaant ni na, kii biaki tee nan samimmiiuk nba tuu baa tiŋ paak na.

Aisaya 14:2

Digbana bonchiann saa somm Israel teeb ki bin ŋmat bi tiŋ nba ki Yennu turib na ni, ki digbana maŋ sii tee yommii ki tuun teen Israel teeb. Binba din kɔn nyann Israel teeb na, ŋaan mɔtana Israel teeb saa kɔn nyannib, ki Israel teeb maŋ sii dia damm nba din dinnib biak na.

Aisaya 14:25

N saa biir Asiria teeb nba be n tiŋ ni na, ki mobit bi paak, n kunkona paak. N saa nyinn n niib Asiria teeb yɔkit nan jika nba ki bi jii na ni.

Aisaya 33:1

Ti datai boonta. Bi fate ki bia fikit, ŋaan ki sɔɔ ki fatib koo ki fikitibi. Bi fatu nan bi fikitu yoo maŋ-i gbenn, niib mun saa fatib ki fikitiba.

Aisaya 37:36

Ŋanne ki Yennu malaka saan Asiria teeb kaaŋ ni, ki saa kpii jab tusaa kobik nan piinniin nan ŋanŋmu. Laa yent sanyiɔk ki bi dɔɔ ki kpowa.

Aisaya 37:37

Ki Asiria kpanbar Senakerib ŋmat kun Ninefe.

Aisaya 6:13

Li-i tee ki niib piik ni yenɔ biar tiŋ na ni, n saa biirɔwa; u sii tee nan baa tuu chɔɔ kpinkpauŋ, ŋaan ki u dagbir n biar ki fiik tiŋ ni nae.” Dagbir na see Yennu niib pinpiin-paann seenu nie.

Jeremaya 14:22

Tingbana na sɔɔ kaa ki saa fit tur saaki. Sanpaak mɔŋ kan fit te saak n baa. Ti teen ti dindann fin ti Yomdaanɔ Yennu nie, kimaan fine tuun linba na kura.

Nahum 2:11

Doo nba din tee nan fɔru nba gbee nan yanbɔra na, ki tee siaminba ki bi goon yanbɔrbis na, ki bia tee siaminba ki yanbɔrjai nan yanbɔrnaanii sii lin, ki bi bonbis be bi yamani na ji be lia?

Sefania 2:13

Yennu saa jii u yiikoo ki biir Asiria teeb. U saa te ki Ninefe doo n teen langbent nba kaa nyun.

Sefania 3:12

N saa te ki niib nba mɔk sikin-n-mɔŋ nan soon nna binbeŋ na n tuu baar n boor ki lon sommir.

Barŋanii nba ki LUK din sɔb nae na 1:71

ki yet a u tan saa nyinnit ti datai nii ni, ki bia tan saa nyinnit binba kur namit na nii ni.

Barŋanii nba ki LUK din sɔb nae na 1:74

U din senn a u saa nyinnit ti datai nii ni, ki tin fit jiantɔ ki jaŋmaanii daa mɔkiti,

Barŋanii nba ki LUK din sɔb nae na 24:27

Ŋanne ki u wantib u barii nba sɔb Yennu gbouŋ ni na kur paak, ki piin Moses sɔbu ni ki saan tuu Yennu sɔkiniinba kura sɔbu ni.

Sennu 32:2

N wannu sii toot nan saak nba tuu toot nae, ki saa baa tiŋ na paak nan marin na. N mɔmaan saa baa nan nyun nba ki bi tuu maant bonbuburit nae, ki sii tee nan samimmiiuk nba tuu baa mɔɔt paak na.